門口細細估唔到入內地方寬敞樓底好高，眼前呈現一條日本街巷，恍如置身於日本的强烈感覺，疫情下當去咗日本旅行享受一下相當值得。 鯛魚湯野菜烏冬 $58 鯛魚湯呈奶白色，入口鮮甜味道濃郁，來到趁熱飲帶來暖意一點都唔腥。烏冬軟滑彈牙，有少少野菜好淋入晒味，整體唔錯。 蟹肉牛油果卷 $98 賣相討好，絲絲蟹肉味道鮮味，配上入口即溶的牛...油果和爽口的青瓜，清新美味口感滿足。 上湯揚豆腐 $88 豆腐香煎外脆內軟口感嫩滑，伴以甜美的醬汁食好味。 鐵板爐魚 $180 魚皮煎得香脆，魚肉嫩滑，配以柚子醬汁，清香美味。 厚切煙肉炒雜菌 $138 菇菌爽口彈力，配埋煙肉咸香惹味。更多
原來YOHO MALL有間勁有裝修勁靚, 樓底夠高既居酒屋! 好似去左東京既居酒屋街咁! 食第款式多, 刺生, 鐵板燒同熱食都好高質! 岩晒依排同朋友飯聚食~ 1️⃣ 刺身 試左白身魚薄切, 即係章紅魚, 係香港真係難食到! 有咬口, 鮮味十足! 2️⃣ 鐵板燒 試左鐵板深海大蝦同鱸魚, 係鐵板燒個set都有. 蝦勁大隻 而...且有膏! 鱸魚魚肉嫩滑, 冇骨~ 3️⃣ 熱食 依幾日凍左, 更加要食d暖笠笠既野, 生姜豚肉石頭燒飯夠晒熱! 加埋個汁好惹味! 泡菜牛肉煮少少辣, 不過飲落真係好暖胃 xd 4️⃣ 新鮮生果茶 因為真係好凍, 冇飲凍野/酒. 依個生果茶勁足料, 有齊橙, 蘋果, 雪梨, 提子乾, 杏脯, 菠蘿乾, 同 berries! 超級潤 岩晒依個天氣~ 🦁 一杯鐵板燒居酒屋 E-pai, teppan-yakitori 元朗元龍街9號形點一期地下G006號舖 觀塘觀塘道418號創紀之城五期(apm)4樓20-21號舖更多
[#元朗日本菜 ] 隱藏商場內日本風味 – 一杯鐵板燒居酒屋 . 疫情去唔到日本🇯🇵，間中食下日本菜，慰藉一下心靈 🥲 最近和親愛的去了元朗Yoho一期的「一杯鐵板燒居酒屋」，除了食日本菜外，連視覺都有日本風味😍 . 餐廳內裡裝修打造日本風味，置身其中可以幻想自己身處日本。而內裡寬敞，有卡位及吧枱選擇，我們安排坐卡位，有...如一格格獨立包箱，私隱度高。 . 一杯是鐵板燒居酒屋，食物選擇類別多，刺身、壽司、窩物、炸物、鐵板燒、清酒也有提供。 . 🍣「廚師推介十件」 食日本菜壽司是必要項目，先來一客「廚師推介十件」，壽司由廚師發板，挑選是日優質食材，有多款魚類赤身、金目鯛、三文魚，更有我愛的牡丹蝦、帶子、海膽及 香蔥吞拿魚腩，魚生厚切新鮮，入口大大滿足。 . 「鐵板香煎豆腐」 用鐵板煎香豆腐，配上洋蔥、菇菇和醬汁，豆腐外脆內軟，入口依然嫩滑。 . 🐮「美國牛柳」 牛柳粒用上鐵板方式整，入口juicy 又有鐵板燒風味，一口一粒十分惹味。 . 🦐「大蝦山燒茄子」 大蝦蝦頭可以啜到鮮味蝦膏，配上啖啖肉既爽口彈牙蝦肉，配上軟綿口感燒茄子，美味可口。 . 「鰻魚醋物」 鰻魚平日都是熱食，第一次試醋物，入口酸酸甜甜，配上青瓜及昆布，可以作開胃的前菜之餘，鐵板後食又可以一解油膩感，一分清新。 . 🥣「石鍋鯛魚湯」 用上石鍋上枱既鯛魚湯，Keep住保溫，唔怕鯛魚湯凍左會腥，見到奶白色魚湯，繼續滾緊未飲已經覺得暖笠笠。入口魚湯鮮甜，配上大大片嫩滑魚肉，內裡有足料娃娃菜、豆腐，味道及口感層次豐富，最尾歎上一碗暖湯，特別好味。 . 一餐飯時間，可以味覺視覺都享受日本風味，值得一試。更多
最基本嘅鐵板燒都做得唔好，可見廚師無心製作，而且服務態度欠缺熱誠和積極，個個好似唔想做，唔想睬你咁嘅樣，上菜速度又慢，故服務效率欠佳！
我們點了二人晚餐，食物質素及服務水準可以。最重要係不用排隊及位置舒適及寧靜。價格適中，兩三個月都會去一次。
一杯已成為我家人的「飯堂」，是元朗質素比較好的日式餐廳。午市套餐選擇比較多，價錢亦相對便宜。例如魚生飯只在午市供應，晚市比較少吃得飽的食物。如果要來吃午餐，盡量在12:30pm前到達，就有機會坐到隱蔽式卡位，私隱度十分高。
叫咗一條喜之次 做咗兩食 一半刺身一半燒 刺身鮮甜味非常重 好好食 燒魚近乎完美 唯獨表皮燒得唔係太脆 叫咗一板日本海膽好新鮮 燒牛脷燒翠玉瓜燒茄子呢啲串燒食物亦幾高質素！最後仲送咗個綠茶厥餅俾我哋做甜品！
安坐後友瑋服務員好熱情問我們要不要先開壺茶，好易令人誤會是免費的，好彩我問是否要另外收費, 另一服務員見我睇清酒有來推介，有不在餐牌上的白酒，不過好明白是促消，我們選促到連雪凍的都沒有，只能給凍筒，有事前提醒，我們也接受 用餐中有問酒合不合口味，凍好飲 ，我跟他說「你講得啱，但你地冇雪凍嘅」，他才發現酒是不夠凍 食物方面壽司...飯硬，很易散開，上面的魚生也沒有鮮美，海膽很腥臭 吞拿魚tataki 配上濃厚柚子醬 完全掩蓋了魚味 串燒不似燒熟 似番熱而不夠熱 燒冬菇應該乾身 熱去水份 更加有菇香 完全沒有 明太子雞肉 竟然係用超市明太子沙律醬 好難食更多
餐廳係類似居酒屋 食物都係以小食爲主 方便送酒 而價錢亦有少量貴 份量亦不算多 但食物的味道都不錯 而店員亦算熱情
喺yoho mall 開得既餐廳通常都比較貴就預左既，但一杯卻令我失望。食物質素平平，覺得元朗仲有好多野好食過佢，但一杯定價較高，份量偏少，如果期望要食飽，記住嗌多啲野食，不過我個人覺得如果要俾呢個價錢先食得飽，不如出元朗市中心搵其他好過。
