好多人私下PM我,問有關寄貨到英國🇬🇧之搬運🚢公司資料,租咗屋搬咗settled 後,終於有時間又📲寫千字📝文分享。 💁🏻♀️未揾搬運公司之前,有朋友仔forward 咗以下5間比較熱門🚢搬運公司資料和網友簡單分享俾我👇🏻 1⃣️ Links moving👉🏻 出名服務好 ,會代客包裝。我搬嗰陣時,可以船運貨期間,申請TOR,但有朋友仔報料,最新改咗要搬貨日前提交TOR number. 2⃣️ Swiftrelo👉🏻 職員快手。但愛美麗💁🏻♀️有朋友移民紐西蘭用此公司,香港已付清尾數,到步收貨三個月後,突然被搬運🚢公司追數,話朋友未付尾數⋯煩咗朋友一段時間。 3⃣️ SevenSea👉🏻 歷史悠久公司,因為疫情,唔會上樓搬貨,全部要客人自己搬落樓,船運前要求出示TOR number. 4⃣️ Canaan👉🏻 船運前要求出示TOR number. 5⃣️ Cosmosrelo👉🏻 會替客人包裝,好多客人都讚服務好👍🏻 6⃣️ uniglobe👉🏻 有人留言此搬運公司不受缺櫃影響,極速家當就到英國。年頭曾有好多人出post投訴唔見箱、服務跟進欠佳個案😱,但最近亦有好多人大讚船運快、服務好。(更新:1/4/2022) 🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆 💁🏻♀️最後,老公大人👨🏻查詢了幾間價錢和資料,我哋決定揀Links Moving ,因為當時他們用whatsapp 回覆快,有禮貌及價錢合理。重點係唔駛我哋自己搬又有代包裝服務。 🌟查詢🔍報價時,搬運公司職員會詢問會有多少大件傢俬、電器❓另托運多少箱📦貨物❓ 計劃搬運日期❓目的地❓ 🌟Links Moving 紙箱📦分➡️ 大、中、細3個size。 ➡️ 大箱50 x 50 x 60cm 搬運公司建議放電器、衣物、床單、被鋪、枕頭、毛巾等布類、大件廚具。 ➡️ 中箱 50 x 50 x 50cm 搬運公司建議放玩具、裝飾品、玻璃器皿或制品、廚具。 ➡️ 細箱 50 x 35 x 35cm 搬運公司建議放書、文件、裝飾品。 💁🏻♀️當我哋申報貨物時,大件傢俱會寫埋尺寸,最後申報 👉🏻 大約🈶️80箱📦雜物、12袋紅白藍同埋🈶️單車🚲、按摩檯💆🏻、風扇、電腦、換鞋櫈⋯多件小傢俱 & 電器。 👉🏻 搬運公司職員回覆👉🏻預計貨物📦 需兩轉貨車🚚運走, 佔220cm x 145 cm x 187cm ,共211 cubic feet 。報價為收費$30368 ,當中連文件費$1250。 💁🏻♀️我哋11🈷️尾預約12🈷️尾搬,11🈷️尾即時先提交60% 收費總額之deposit 以落實預約。另即時預約搬運公司12🈷️頭送紙箱📦上門。 🌟 搬運🚢公司收費已包括提供所有包裝物品,e.g. 紙箱📦、bubble sheets、防潮珠、牛皮膠紙 & 包易碎物品嘅包裝紙。呢個真係好surprise…冇諗過除紙箱📦外,仲有其他包裝物品提供,包裝紙、牛皮膠紙都極多,最後我哋都用唔曬。 🌟另optional ,搬運🚢公司🉑️提供貨物📦保險,收費爲貨物📦申報價值之2.75%,e.g. 若申報價值 $56000 x 2.75% ,即保險費為$1540。⚠️ 注意:如果想經搬運公司買保險之物品,必須經由其職員包裝,自行包裝嘅保險公司係唔接受的。 🌟由香港🇭🇰 搬運🚢貨物📦到英國🇬🇧,需時大約8-12星期。 🌟 Shipper 要BNO持有人,另搬運🚢公司會叫你提交shipper BNO passport 副本以供報海關之用。TOR number於貨物📦 🚢到英國🇬🇧前提交便🉑️,注意要自行申請,佢哋不會代客申請。 🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆 💁🏻♀️好多人想知我點樣packing包裝箱❓ 👉🏻 為免搬運🚢期間潮濕影響,每箱📦都會用膠枱布墊底,衣物先會放壓縮袋,衣服和書籍📚都會額外放上自己加購嘅防潮包,防潮包 HKTV mall 減價時買入平好多,最後蓋上包玻璃嘅紙保護。而容易被潮嘅物品🙊…我就預先用真空機壓縮抽真空。之後有朋友分享經驗,佢話有啲物品嚟到英國🇬🇧真係潮曬壞晒,而我嘅做法唔知work唔work❓遲啲收貨開箱再同大家分享❗️ 💁🏻♀️另外記得pack 每一箱都要記錄,我就每pack好一箱都會在箱外和電話記錄箱number & 箱內物品。日後搬運公司會問番你資料,以便他們填寫過關文件之用。 💁🏻♀️經過廿幾日嘅努力💪🏻,話咁快就到收箱前夕,因為老公大人👨🏻實在寶貝🤪,最後我哋當然超出預計喇⋯⋯好彩阿仔不在港,pack箱前清🈳️咗佢間房+書房,否則我想像唔到…有120箱📦貨放喺個廳度,會變成點樣😣❓ 💁🏻♀️收箱前夕,我哋當然執通宵,但凌晨五點幾⋯唔小心瞓着咗,不過幸好搬運公司上嚟前1小時起到身再最後衝刺。還記得我最後係執文件,真係又急又要非常冷靜去小心pack 箱。👉🏻 一定要將證件、入境英國🇬🇧嘅重要文件、小朋友搵學校需要嘅成績表、搵工需要嘅履歷、證書等一定要跟身。 🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆 💁🏻♀️搬箱當日,搬運公司職員上門前會致電,🚚亦準時到達。 ~ 11:00 👉🏻 3位搬運職員到達,佢哋真係非常快手,個幾鐘就清空左一間房嘅紙箱📦。搬箱箱同時,職員會用牛皮膠紙封曬紙箱📦四邊。另外,其中一人負責於箱面貼上barcode貼紙,並立即掃描,同時亦會人手紀錄箱號及箱內物品,organise得好好👍🏻。 ~ 13:00👉🏻 趁貨車🚚來回嘅時間,大家就趁機去食個lunch。 ~ 14:00 👉🏻 雖貨車🚚未到,但職員已經好有效率,開始搬定啲箱到樓下。當日,上來搬貨職員唔單止好有禮貌,仲同我哋好啱嘴型,🈶️傾🈶️講👏🏻。 ~ 15:00,突然有一位西裝仁兄上門,原來係Operation Manager,佢話佢開會所以遲咗嚟,佢特登上門係解釋啲箱📦入櫃嘅流程,仲溫馨提示⋯問我哋有冇唔小心擺咗Passport同埋錢落去,又解釋有啲貴重嘅可以remark 入櫃會擺上面,仲派咗張卡片俾我,如有需要,可以share俾大家。 ~16:30,所有相都搬走曬入貨車🚚木櫃。最後,搬運職員會俾返記錄箱件數、箱內物品清單之文件,此文件亦會在WhatsApp send多一次PDF File俾你。 💁🏻♀️我事前特登買咗個單車袋入單車🚲 保護,另外,好多入唔到箱嘅大件貨品,我自己都好努力辛苦咁去諗方法包裝…… 👉🏻 當日先知原來係唔需要。因為職員到達時會帶備一堆紙箱和包裝物品,原來佢哋會將我pack好嘅大件物品,會重新再包裝。又會將兩件差唔多大細嘅貨品,非常專業地用紙箱repack在一齊保護。 👉🏻 至讚賞嘅係按摩椅嘅包裝💆🏻,很多層保護,簡直係360度零死角包裝👍🏻,你睇相就會知我講乜。 👉🏻 最後120 items ,職員將大件的repack 後,變成112箱。老公起初報少咗箱,當日後加嘅箱,冇額外坐地起價,跟番原先報嘅計算方法補收費。最終我哋total 用680 cubic feet ,埋單收$44222,另加文件費$1250。 👉🏻需要交埋尾數,搬運公司先至會將貨物入櫃🚢運走。 💁🏻♀香港️🇭🇰果邊嘅服務,我哋非常滿意,至於英國🇬🇧呢邊⋯就要遲吓真正收貨先報告到。不過,聽說英國搬運工人不及香港的快手🙊,所以已有定心理準備。👉🏻更新:有用家留言表示佢都係用links moving, 服務很好。 到步後, 送貨職員會負責拆箱, 把物品安放在所需位置, 以及清走包裝材料的。 基本上全程交給他們便可。 💁🏻♀️另外,因為需求急增,聽說好多搬運🚢公司都加價,所以我分享嘅收費…現時未必相同,大家最好預早預約,並親自聯絡搬運公司了解收費。 🌟 想了解英國收家當當日情況,🉑️按以下連結🔗 ➡️ https://www.facebook.com/1529354157090941/posts/6307193239306985/?d=n 💁🏻♀️希望以上嘅經歷分享幫到大家,香港人加油💪🏻!喜歡我嘅分享,記得俾個讚👍🏻支持,如果想我分享啲乜嘢❓不妨喺留言到寫低話我知☺️。想睇多啲我英國🇬🇧嘅分享,記得follow或like 「愛美麗·愛分享」! 👀重溫離開香港🇭🇰前的準備分享文章👇🏻 ➡️ https://www.facebook.com/1529354157090941/posts/5650802061612776/?d=n 👀重溫齊上齊落🐰🐰也移民分享文章👇🏻 👉🏻https://www.facebook.com/1529354157090941/posts/5539012576125059/?d=n #與寵物齊上齊落 #愛美麗愛分享移英大project #愛美麗愛分享搬運公司 #LinksMoving #時刻改變見招拆招 #LOTR #BNO #香港人加油 #有志者事竟成