第五波前都有同大埔老友踩吓單車，之後，就當然要暫緩吓啦，直到最近，疫情落咗好多，單車就仲未踩住，不過，就行轉短山。既然就大埔老友，就行番嗰邊，並專登晏少少起步，行完食午餐都可以避咗個高峰時段。老友帶路，推介呢一家主打星馬菜小店「果子」，見人話風評不俗。門面唔算好大，但原來踏入鋪中，就會見到個鋪位好深、好長，環境整體都闊落，一室木系裝修，設計比較簡約。絕大部份都喺4人座，加上依家仲喺2人限聚，又過咗放午飯嘅高峰時段，啲客又識各自走位，所以，倍感寬敞，坐得舒服。雖然，餐廳主力喺賣星馬菜，不過，午市各類套餐亦增加咗多元化，定價亦親民。午餐基本上附送飲品，不過，既可以加配小飲，轉其他嘢飲，又有優惠，變得更具彈性。 飲品方面，除提供意式咖啡之外，最驚喜有唔少台式飲品，補番個價亦唔貴，所以，我哋都轉飲特飲。其實，佢哋加咗咁多台式飲品，就喺見佢哋拓展埋飲品外賣嘅生意。用餐期間，都見唔少年輕人嚟買凍飲。惹味沙嗲牛肉串燒 $22 星馬菜嘅小食，第一時間就想起沙嗲，老友同我都鍾意食，所以，試上一客沙嗲牛肉串。牛肉面面淋咗好多沙嗲醬，香濃惹味，帶有花生微粒，貨真價實，而牛肉燒得有點焦香，又唔乾，記緊要趁熱食。 馬鈴薯炸蝦卷 $22 另一款小食就揀呢個炸蝦卷，因為覺得幾得意，賣相亦都幾靚仔，炸到金黃。外層嘅薯仔絲炸得香脆，最緊要喺唔油膩，而裡面嘅大蝦亦好鮮甜，口感爽彈，食得出唔喺雪藏貨，沾上類似泰式嘅甜酸醬，更具風味，並更減油膩度。 海鮮喇沙摻摻 $60 睇外觀就知份量好十足，大大碗，兼且個喇沙湯頭色澤金黃，面頭放滿海鮮，有鮮蝦、大蜆、魚片、豆卜及雞蛋，老友話實在吸引。先呷一口湯底，濃郁鮮香，椰香慢慢滲出，夾雜富層次嘅香料味，佢話個湯的確好得；啲餸料亦都好正，蝦同蜆都好鮮，魚片夠爽口，老友話第一次食「摻摻」，即油麵拼米粉，覺得好過癮，特別有口感，索晒啲湯入口，真喺無得彈。 無骨走地海南雞飯 $65 午餐中有款「無骨海南雞飯」，但我見餐牌面又有一款賣貴少少嘅「無骨走地海南雞飯」，問問店長，原來前者喺油脂多啲，肥啲，而後者就基本無乜肥膏，爽身啲，所以，揀後者嚟試試。走地即喺走地，皮下脂肪近乎無，而雞皮好爽，啲肉又好嫩滑，加上已去骨，啖啖肉；佐食嘅3款醬汁：薑蓉、秘製橙醬、黑醬油，夠晒傳統、地道，油飯亦出色，飯粒爽身，帶少少油香，卻唔膩，搵埋啲薑蓉同黑醬油撈飯食，更喺一流。 仙草奶茶 +$10 老友話估唔到飲落都幾大杯，台式奶茶味道唔錯，茶底幽香，雖無港式奶茶咁濃，但一樣有風味，加上滑溜溜嘅仙草，有得飲，有得食，夠爽呀。 黑糖珍珠鮮奶 +$16 黑糖喺小弟嘅心頭好，由於一朝早已晌屋企嘆咗杯咖啡，所以，就無揀珍奶茶，改飲珍珠鮮奶，其實，鮮奶一樣啱我。大大杯珍珠鮮奶，睇見啲黑糖沉落底，形成少少「虎紋」，已相當吸引。近排天氣好熱，飲杯凍飲特別爽，啜一啖先，奶味都好濃郁，而黑糖嘅味道好純香，加上珍珠煮得QQ咬口，確喺好飲。 今餐午飯真喺食得稱心，一來地方大，客人唔多，食得較安心，二來無論啲星馬主食，抑或台式特飲，都相當具水準，定價又親民；加上服務好，食完仲即時幫我哋收拾好枱面，等我哋繼續坐，慢慢嘆埋杯嘢，有種慢活嘅感覺，正如店名「Life Cafe」，享受人生。

老公朋友邀約到彤福軒晚膳，作為城中人氣熱店，開業初更是一位難求，自然是欣然赴會吧！ 對瑰麗酒店好感度甚高，除在住宿方面的美好體驗外，它的前身為新世界中心，在我童年留下美好回憶，朝聖Rosewood便更具意義。 餐廳在隱祕的位置，彤福軒就如同迷宮，那暗調的光線，是情調還是格調？直至看到那開放式廚房，才能確定沒走錯地方。在如此「暗調」下，維港夜景就如漆黑中的螢火蟲，瑰麗而璀璨。但，問題來了，在如此暗調下，要看清餐牌頗有難度，幸而服務員水準亦高，盛情推介下點餐順利完成。 除卻「暗調」，彤福軒在夜色映襯之下，是低調而不落俗套的，傳統中式的餐具平白冒出隻帶蓮花圖案的玻璃杯，處處留露出不經意的中西合壁，這品味確是很「瑰麗風格」。 聽說真正的大富人家，最愛大廚主理尋常菜式，而彤福軒主打是順德菜。順德菜以新鮮、地道，不時不食為本，即使是尋常小菜，仍是有着高低之分。 天子蘭竹笙燉菜膽，清鮮的燉湯，就是很養生的感覺。 花雕花甲，用花雕醉過的花甲新鮮鮮甜，沒有不好吃的道理。 全晚最令人驚艷的一道，屬明爐吊燒琵琶鵝。中身的琵琶鵝肉質細嫩，鵝皮特別脆口酥香，難得是不油不膩，無論是選材、烹調都很出色。 另一道甜麴醬黑豚肉珠炒花生芽甚得我心。花生芽是少見的地道食材，口感爽脆帶花生香，跟黑豚肉一爽一嫩的，配甜調的甜麴很合拍。是下飯的的家常菜，但分別就在細節之上。 小青蒜香辣醬炒羊柳同是一道家常菜，其香辣勁道很得我心，但論風味前者更勝一籌。 瑤柱蝦乾煮茭白是時令菜，鮮、爽、甜是它的特色，以雞湯、瑤柱、蝦乾炆煮盡收精華，最愛的是那湯汁的鮮濃。 朋友注重養生，主食是毛豆金粟炒野米飯，素食的炒野米粒粒分明，以為清淡卻是香口得很。 飯桌話題未盡，侍應適時端來甜點餐牌，便可再聚一會。品項不多以中西式作區分，被一道雙皮奶吸引了，細想那不就是順德名物？真是好奇十元八塊的平民美食，酒店如何做出地道感覺來。 是文迪期望過高了，雙皮奶奶皮、奶香、奶滑仍在，卻無「順德大良雙皮奶」的神髓，就是尋常一碗雙皮奶而已，當然要與仁信民信比難矣，總之不要抱太大期望就是。 至於杏汁燉奶就是一致的好評，甜品除了味道，養生功能也很重要，教女士如何不愛它？ 老公的黑芝麻焦糖布甸是個意料之外，有誰料到中菜廳的西式甜品會更為出色。 在彤福軒嚐到低調華麗的家常菜，美味卻不是技驚四座的，最難忘的就是一道琵琶鵝。整晚最讓人迷醉的就是彤福軒陽台上，那百看不厭的維港夜景，此刻無價。 這時，驀地回首，看到牆上竟是張愛玲畫像，就想起張愛玲說過： 「你問我愛你值不值得，其實你應該知道，愛就是不問值得不值得。」—《半生緣》 你問我這頓值不值得 ？來彤福軒就是不問這個的。

繼續發掘鮨店，這天來到壽司雲隱。
店子不大，貫徹日本店喜歡用木色的設計，大概可以坐10位客人，兩三位師傅在場外打點，另外也有玻璃廚房，可以看到入面師傅燒魚的情景。我喜歡這家店的茶杯，有一種古樸的風格。清潔完雙手之後開始等吃。蒸蛋 第一款上的食品是茶碗蒸，入面的餡料有冬菇、雞肉等等，味道是柚子味的，我比較少吃柚子味的蒸蛋，帶少許清香微酸，蒸蛋也滑溜，正好開開胃，不錯。在開始上壽司之前，師傅先給我們一碟薑，是我喜歡的粒粒薑，證明是師傅自己醃製的，味道酸酸甜甜。真鯛
第一件上的是真鯛，魚肉清淡，作為第一件上的壽司套路正確，是給客人有淡吃到濃的前奏，可惜配合的赤醋飯酸味重，而且份量多，飯與魚料的比例並不平衡，魚肉在這裏的味道大部份都被赤醋飯蓋過了，咀嚼到後來口中的餘韻全是酸味。鰤魚
第二件是鰤魚，鰤魚油份重，魚味濃郁，雖然赤操飯仍然是過多及酸，但因為鰤魚魚油充足，平衡就相對做得較好。這件能夠享受到魚肉的鮮味及油脂，好吃。秋刀魚所有魚類中我比較偏愛銀皮魚，秋刀魚乃其中之一。
果然，這一貫秋刀魚超級好味，油脂層厚實，入口即化，魚味濃郁，鮮味在口中爆發，一點腥味也沒有，令人回味無窮。富山灣白蝦 薑蓉
下一貫是富山灣白蝦配薑蓉，蝦肉甜美，帶着微微的彈性，當然美中不足仍然是赤醋飯味道太酸及份量太大，輕淡的白蝦甜味被蓋過了很多，而且不知為何這件白蝦帶着微苦，實在奇怪。竹簽魚配柚子胡椒
接下來的味道開始濃重，下一貫是竹籤魚配着柚子胡椒。竹籤魚經過炭烤，師傅保留了魚皮，因此整件壽司都散發着魚油的香氣，魚肉細嫩幼滑，鬆鬆化化的，入口輕輕一咬就已經在口中散開，配合柚子胡椒更能提鮮及提供了一絲清爽氣息，也和赤醋飯比較夾。剝皮魚 肝醬
上一貫竹籤魚的濃味來自於炭烤，而這一貫的剝皮魚的濃味就來自於肝醬的絲滑奶香creamy。
剝皮魚的肉質是屬於清清淡淡帶有少許淡淡甜美的白身魚，但神來之筆是師傅在壽司上淋上大量的肝醬，增添了香氣及奶香，也為這件壽司增添了水份，不會那麼乾，入口口腔滿滿被肝醬的香氣包圍着，非常享受，可惜仍然是醋飯的問題，aftertaste 並不美好，而且因為醋飯這麼多件壽司都屬於偏多的，已經開始有啲飽。小肌接下來的是醃過醋的小肌，醃得入味，兩件魚肉也厚，像厚厚的綿被蓋在醋飯之上，有種厚重的感覺，味道因為是偏濃郁酸味的，所以和赤醋飯比較夾，但有照片也可以看到飯量頗多，我今天像個飯桶一般吃了很多飯。北寄貝
下一貫是北寄貝壽司，新鮮的北寄貝師傅用花刀切斷所有纖維，咬下去爽脆容易咬斷，因為食材非常新鮮，所以甜味充足，爽脆清甜不帶一絲腥味，是吃得非常過癮滿足的一貫。中拖羅醬油漬 接下來的是很特別的一貫，平常醬油漬多是用赤身，但這裏用的是中拖羅，看色澤也經過熟成，而且這件壽司的特別之處是中拖羅經過煙熏這個工序，吃的時候首先是一股濃烈的煙熏香味，然後味道帶着鹹鹹香香，有點像火腿的鮮味，又不像火腿一般有筋，這款因為是選用中拖羅，又熏足夠，所以是入口即溶的，非常正。三文魚子海膽丼接下來進入尾聲，上了三文魚子海膽丼，拌勻了一起吃，海膽清甜creamy, 品質不錯，略嫌份量太少，不夠拌飯的，三文魚子品質普通，普通的醬油漬，鮮味有點欠缺。很可惜，雖然三文魚子份量足夠，但鮮味不足，海膽新鮮先美味但份量不夠，所以總括來說這碗三文魚子海膽丼普通。帆立貝 穴子醬
接下來的是帆立貝，本來貝類的味道比較清淡，一般次序不會排得那麼後，但這裏師傅就在帆立貝上切花後掃上穴子醬，想要用穴子醬的濃郁調味為帆立貝增添味道，想法不錯，但醬汁的味道實在太為濃郁，完全掩蓋了貝類清淡的甜味，有點畫蛇添足的感覺。穴子 海鰻下一貫是真正的穴子(海鰻)但因為上一度已經用了穴子醬，所以這一道選擇的是比較清淡的白燒。
始終海鰻也是油脂豐富的魚，雖然沒有河鰻那麼肥美，肉質相對比較鬆散，但白燒仍然是不錯的，美中不足是這尾魚的肉薄，魚骨相對較多，比較突出，有照片中也可以見到魚刺，食用的時候口感不佳。太卷
最後的太卷看着師傅在面前卷好，着實花費了一番功夫，內有各種魚料及玉子，味道可以的，只是卷得稍為有點鬆散，因為太大件只能分兩口吃，但吃到一半的時候很多材料都散掉了，捲法有待改善。玉子燒
結尾上的兩件玉子燒，這裏採用的是蓬鬆的煎蛋方法，剪出來的玉子燒就像是比較紮實一點的海綿蛋糕一樣，甜甜的有少許湯汁的鮮味，水準不錯但也沒什麼特別。味噌湯
接下來上的湯也是用了赤味噌，店家的口味調得比較濃厚，對我來說鹹了少許。抹茶雪糕
甜品是抹茶雪糕，抹茶味道香濃，滿口都是茶香，慢慢品嚐，為這頓飯畫上句號。總括來說這裏的壽司品質有點參差，好壞參半，最大的問題是魚料和醋飯的平衡拿捏得不夠好，醋飯的份量也太大。其實這也是很多其他店家的共通毛病，選用了赤醋飯以後並沒有拿捏好每一件壽司魚料的用量，結果就有一部份魚料被飯的味道掩蓋。
其實清淡的魚類我個人認為用普通的醋飯就夠了，建議店家可以選用兩種不同的壽司飯來配搭不同的材料，更能突出各種材料的鮮味。

🚦天天烘焙（西營盤）

【令我放棄去西營盤Cafe嘅麵包舖】
對我來講，每次去西營盤都係遠征，明明有咁多靚嘅Cafe，我偏偏每次都會去呢間麵包舖🧡

🕋黑糖糕🕋$12
10/10
【留翻啲俾我🥺】
我最愛嘅糕點，沒有之一‼️
佢係我心目中嘅鎮店之寶，每一次去都一定會買👑
點解咁講？除咗因為好好食之外，仲因為獨一無二🥇
店員話係師傅喺台灣學師翻嚟，所以其他地方無得買㗎😳
同平時嘅黃糖白糖糕唔同，佢更加紮實✊雖然無咁彈牙，但仍然保持少少煙韌🤏
咬落係好有滿足感😚因為好有實感
味道方面，黑糖味道幾出🥸未必滿足到超級黑糖控，但我自己就俾💯
但最滿意嘅係佢啲料勁多🥰合桃、提子乾、紅棗，要乜有乜！保證每一啖都有🤪實在太好食啦😋口感再🆙🆙🆙
👅：兩年嚟去過三次西營盤，所以就買過三次😂每次去都要買

🌿班蘭麻糬波波🌿$5
7/10
【新鮮果然最好】
有人為咗新鮮出爐嘅波波排隊，皆因新鮮出爐乜都好👏
佢地嘅麻糬波波都唔例外😗班蘭控第一次嚟就係衝住佢而嚟，但就大失所望😣
零煙韌、零班蘭味，淨係食到朱古力碎嘅味🍫
第二次再遇同第一次一樣係扁撻撻的模樣🫠
但第三次唔同，係脹卜卜🏀一於試多次
成件事有180度轉變，食到班蘭味、有煙韌度✅
不過整體都係偏乾、班蘭味唔重，可能始終都放咗一陣⛄️
👅：因為佢嘅班蘭味淡，所以冇試到其他佢哋嘅班蘭產品，其實仲有班蘭軟法包、班蘭Swiss roll等等，可能係班蘭控天堂

🍍芫荽菠蘿包🍍$9
7/10
【夠新奇】
好甜嘅菠蘿包皮🥸唔係甜控可能頂唔順🍬
甜味中和咗芫荽味🌱但因為芫荽味真係太獨特，所以依然好特出🤣
比較失色嘅係包體😣空氣感重而且乾身，密度較低，所以都唔係軟綿綿嘅包
👅：喺我做foodie之前已經食呢一間麵包舖，無影低當時都食過嘅其他排包同多士📸但係質感都係好乾身同埋輕飄飄的🍃所以個人比較推薦其他烘焙產品🥰

整體8/10
1️⃣食物質素良莠不齊，要睇吓你好唔好彩🤞但性價比相符，唔會令你失望🥳
2️⃣佢哋仲有好多其他嘅烘焙產品，例如muffin同曲奇🍪我去嘅時候次次都有人買😉
3️⃣第一次去嘅時候未裝修冇咁光猛，而家已經好新淨，環境好乾淨企理🏕又唔會好多人，唔會迫👯‍♀️
4️⃣店員都nice😝而且之前見到店家係會回饋比社區，派麵包比長者，真係良心x2嘅麵包舖🍞希望佢哋長有長做😘

💌鍾意我嘅分享就follow我啦💌

繃緊的抗疫日常 ... 
週末短暫的外出 轉換一下心情
這次來到了土瓜灣的 ᴏᴜᴛ ᴏғ ᴏғғɪᴄᴇ ~
土瓜灣站直走幾分鐘就可以 ᴏᴜᴛ ᴏғ ᴏғғɪᴄᴇ 了
週末的早上接近下午時分到訪
嚴峻疫情下也算是人氣不錯的半滿狀態
最受歡迎的豆豆沙發當然沒了不過還有不同類型的 sʜᴀʀᴇ ᴛᴀʙʟᴇ 
店前方也有一排 ʙᴀʀ 檯位置
𓋪 𝘛𝘰𝘢𝘴𝘵 𝘸/ 𝘈𝘷𝘰𝘤𝘢𝘥𝘰, 𝘛𝘳𝘶𝘧𝘧𝘭𝘦 & 𝘌𝘨𝘨
𓎺 𝘓𝘢𝘵𝘵𝘦 

其實我是衝著他們的貝果跟鹹派而去的
但十分不巧地 那天他們剛新增了其他餐點
全部輕食都沒供應 ... 打算先坐下慢慢看餐牌 
店員又提醒說 其實店裡是先點餐再就坐的 
這次就給我例外 (我該說什麼 ... )
當下其實是一股想離開的心情 
但附近也沒有其他選擇了
最後點了餐牌上看起來比較像輕食的吐司 
不過整體也算是有水準之上喔
首先份量蠻大的 大塊的酸種包帶驚喜的軟熟
也不吝嗇地塗上滿滿的牛油果蓉
上面的炒蛋都很出色 
松露則稍稍遜色 沒有帶出應有香味
可能是牛油果跟炒蛋太香了
不過吃完一份真的會飽 建議兩個人分享更好 
咖啡也是蠻不錯的 如果再順滑一點更好
看到幾桌客人都是特地來喝杯咖啡就離開
似乎在區內也是很受歡迎的呢

呢兩日天氣又涼咗少少，好多人都趁機會又打邊爐😁，我為了今日要去楊屋道街市買牛肉🐂打邊爐，所以順便嚟荃新天地去年底新開嘅「芽莊」吃我最喜愛的「蕃茄🍅蟹🦀檬」，中午一點前嚟到，店內係好少人嘅，第一可能係疫情，第二因為「芽莊」四周都係一啲唔係太貴嘅食肆，例如「大家樂」，「米線陣」等都係幾十元就有交易，相比起「芽莊」呢啲中上價嘅餐廳就會平得多，不過始終都有我呢一類嘅捧場客嘅。🤣

記得以前喺灣仔合和返工期間，就經常和同事去胡忠大廈芽莊食午餐，而且午餐仲有嘢飲送，真係好抵。😋 我就是從那時開始就喜愛上這個「蕃茄🍅蟹🦀檬」。😋  難得荃灣區也開了一間芽莊，點都要嚟捧下場。👍
先講吓呢度嘅裝修，我去過幾間芽莊發現每一間芽莊嘅裝修都各有特色，而荃新天地這一間的裝修雖簡約卻帶現代工業風，可能因為是在food court的開放式地方經營，令設計師花了不少心思 : 從外面看這一間餐廳，可以看到餐廳的整個天花，是以深啡色木條造成一些幾何圖案的設計，全餐廳的燈都安裝在木條底端，整個餐廳燈光採用暖黃光的燈， 餐廳以超高之n 形(長方形中通)水泥柱作為長卡座位之屏風，亦延伸至餐廳外圍作為餐廳與商場公共地方之間隔，而水泥柱與水泥柱之間則以茂盛深綠色的植物作為點綴，令餐廳客人感覺私隱度甚高。👍
餐廳內座位非常寛躺感覺舒適，足夠六人長卡位座位和枱面的設計也是採用水泥灰，與餐廳水泥柱裝修互相呼應，餐廳內其他散座用富有線條之深棕色椅子配白色枱面，長卡座安裝了帶紅棕色軟墊作為客人靠背，牆壁上掛上三幅抽象的海灘圖畫，非常清新舒服！連碗筷也特別有工業風，乾淨俐落！食物方面，每次食飯必點嘅就係呢一碗「蕃茄🍅蟹🦀檬」啦😍，所以今日都唔例外，屋企人就鍾意食「生牛肉🥩湯河」，本來想再點一些小食，例如沙爹、米紙卷、蒸粉卷或春卷，但怕吃不完所以只點了兩碗粉。

~河內生牛肉🥩湯河 $80
碗內共有4片牛肉🥩，上面鋪咗蔥絲點綴，撥開睇睇牛肉都算大塊，不過一定要趁牛肉未曾被熱湯浸熟前盡快夾起喺另一隻細嘅碗內，以免牛肉因為被熱湯浸熟而引致嚡口。跟牛肉湯河嘅一般係有辣椒粒、青檸同金不換，如果我吃我一般會放兩粒辣椒粒，所有青檸同埋金不換都放入湯粉內同吃，青檸嘅淡淡清香同金不換嘅香氣混入鮮味既牛肉湯內，是我喜愛的味道。👍~河內蕃茄🍅蟹🦀檬 $90
呢碗蕃茄🍅蟹🦀檬淨係睇啲顏色已經覺得好吸引，鍾意食蕃茄🍅嘅朋友一定唔可以錯過，不過我知道其實有好多人都唔鍾意食蕃茄🍅㗎，😜不過我建議唔食蕃茄🍅嘅人都可以同朋友share食這一碗「蕃茄🍅蟹🦀️檬」，其實有一啲人唔食蕃茄🍅但係佢飲蕃茄湯㗎，只要佢見唔到蕃茄🍅個樣就得㗎啦！我經常把蕃茄去皮然後切碎再煮湯給家中不吃蕃茄🍅的家人享用，家人也把大部份的蕃茄湯喝完，😂如果你係呢一種我強烈建議你試吓！👌

不過我覺得如果你食過呢碗「蕃茄🍅蟹🦀檬」，你應該對蕃茄🍅會改變一些觀感，這個「蕃茄🍅蟹🦀檬」不特止冇蕃茄🍅嘅腥味（其實熟嘅蕃茄🍅係唔會有腥味），而且蕃茄🍅嘅味道混合左蟹肉🦀嘅鮮味同埋肉碎既肉味係相當和味嘅。😋
講返呢碗檬粉😂，餐廳內所有裝粉既碗同樣碗口直徑大約有八吋，深約有五吋，係相當之大碗🥣👍。而且碗入面係裝得滿滿的，絕對唔係只有湯多而內容少，入面除咗有一件蟹🦀️（連蟹鉗及蟹爪和部分肉）之外，還有兩粒很大的蝦丸🍤，四片扎肉，很多豬肉碎及少量蟹肉碎以及滿滿的蕃茄（除了見到一啲蕃茄皮之外，其實全部已是蕃茄蓉），還混有少量蛋花，上面以芫荽點綴。😍  配檬粉佐料是切了幼條的生菜🥬、薄荷葉和金不換。👍
~湯方面
先喝一啖湯，這個蕃茄肉碎湯內含有濃香蕃茄🍅味，但一點也不酸，還有肉的鮮味和蟹🦀的鮮甜味😋，湯的顏色橙橙紅紅的非常吸睛，因我已加入2粒辣椒🌶️，所以湯內還帶一點微辣，我自己就非常喜愛啦！又因為呢碗湯嘅味道太搶了，我本來下了一點青檸汁，但湯的鮮味蓋過了青檸的味道，怪不得餐廳沒有提供青檸給我。😅
~ 檬粉方面
檬粉幼滑，這個檬粉的粗幼比中國的米粉稍微粗一點，但是入口軟腍幼滑，如果想食原味嘅就可以伴着湯底同吃，想另味道較豐富既可以加丁點鹹的魚露提鮮，但是我不建議加酸魚露，酸魚露跟生牛肉比較夾。~蝦丸🍤
我相信蝦丸係用手做嘅，因為每粒蝦丸都有少少形狀唔係完全相同，同普通喺街買嗰啲圓轆轆係唔一樣，而且食落去係有鮮味嘅，咬落去除了有蝦滑外，還有豬肉同埋一啲蟹子，蝦丸應該唔使點任何嘅調味都好好味，而且個size好大粒，感覺比我以前食嘅仲大粒左。
~扎肉
四片扎肉一般，味道正常，若是喜歡吃酸魚露的朋友，勉強也只有蝦丸或扎肉可以配搭。
~ 蟹件
最後先食嗰件蟹，呢件蟹唔係新鮮嘅，係雪藏解凍左嘅蟹件，件蟹嘅肉當然唔會有蟹嘅鮮味，只係多咗呢件蟹就令碗檬粉吸引好多，這件蟹不吃也沒有損失，餐廳願意在每款檬粉內放一件蟹，也算是有誠意的表現。碗湯真係太好味，所以我把湯喝光光，搞到自己飽到一個點，哈哈！😆我今天早上沒有吃任何東西，中午就吃了這一碗粉之後一直飽到晚餐時段，可知這碗粉的份量真的不少！
遲啲放寬可以多人吃飯，就可以和其他家人或朋友來吃多一些其他的食物了。😁

近日香港疫情放緩，終於能夠稍為放鬆一下，說起來已經很久沒有在外享用過美食，工作日在外午飯都是快餐居多，這天來到位於銅鑼灣希雲街的Tsuzuku，是一間日系風格的Café，食物種類都是以西式為主，店面雖小但亦有室內及室外的位子，坐有種舒適自在的感覺。 Tsuzuku在日文裡是未完待續的意思，店家希望能夠打造一個能夠讓客人在鬧市中稍事喘息的小角落，好好休息過後再回歸日常。很喜歡它們的概念，的確這幾年真的有抗疫疲勞的倦怠感，屈指一算原來疫情在不經不覺間經已持續了兩年，戴口罩的日子亦成為了我們的日常。實在很需要一個空間去讓我們放慢節奏，好好休息和整頓生活，抖擻精神後再度出發。

當日中午時份去到只剩下室外的位置，幸好最近的天氣也未算太熱，坐到室外間中亦有點涼風吹過，假日能像這樣慢活，好好享受這份寫意閒適，實在是好久違了。 All… HK$128

已經很久沒有吃過All Day Breakfast，各式各樣的食材整齊地並列在盤子上，形成一幅美麗的構圖。不過這裡的全日早餐對比起其他Cafe來說並不算太豐富，基本的煙三文魚、牛仔腸、沙律菜和車厘茄都有，憾的是沒有我喜歡的薯餅和炒雜菇。比較有特色的是有一串日式免治雞肉串，增添了日式的元素。而雞肉串中含有雞軟骨，食的時候很有口感，味道也是不錯的。另外很喜歡的是車厘茄採用了串茄，吃起來份外香甜。是日鮮果則是波子提，不得不提最近的波子提非常好吃，皮脆又清甜，我家早前買了兩袋也很快被消滅掉。All Day Breakfast可以選擇貝果或者牛角包，如果要我二選一的話我會是牛角包派，那蘇脆鬆化的口感和濃濃的牛油香氣實在令人無法抗拒。 Tsuzuku漢堡 配薯條 HK$148

本來想試另一個比較特別的炸蝦青蘋果叉燒蛋黃醬漢堡，可惜當日並沒有供應，所以點了Tsuzuku漢堡。漢堡賣相非常吸引，太陽蛋煎至金黃色的燶邊，擱在厚厚的牛肉漢堡上面，一切下去蛋黃便沿著漢堡肉緩緩地流下來，看到這畫面實在垂涎三尺。免治牛肉口感軟綿彈牙，夾著新鮮生菜以及配上蛋黃醬，這些都是漢堡包無敵的組合吧？薯條的份量亦很多，如果將幼薯條換成粗薯條的話相信會更美味。 Flat White HK$45

最近多半都是自己在家沖咖啡，很久沒有到過咖啡店喝專業的。精緻的拉花點綴了普通的咖啡，味道沒有太大驚喜，咖啡因為拍照而放置了才一會，奶泡便變得粗糙，咖啡店出品的咖啡來說這是有點小失望的。另外一杯是Latte，因與Flat White結構相似，所以亦有同樣狀況就不介紹了。

我個人對咖啡都有一定嘅喜愛，有自己試過拉花/手沖。每當搵咖啡豆嘅時候都見到有多個house blend，但我自己都係一個鍾意欣賞食物本身原味嘅人，麻麻地鍾意喺(e.g牛扒/餃子/湯麵...)上加調味/醬料，所以我都會買single origin，並都因為呢個原因，我一直想去呢間咖啡店。



For single，第一眼望呢個名以為係專for單身狗嘅咖啡店，加上佢個店舖招牌裏面只有一個人頭。其實餐廳只係想將單品咖啡嘅美麗與背後嘅故事比人知，同埋更容易令咖啡新手認識唔同咖啡豆品種獨特嘅味道同香氣。





店舖位於堅尼地城，建在小巷中。內裏有大量木系元素與燈光，氣氛溫和像在一棟棟嘅舊樓中帶來溫暖與舒適感。牆上木架子佈滿多款酒同咖啡豆，坐bar枱又有得睇住咖啡師在席前手沖咖啡。





餐牌中淨係咖啡已經佔有一頁，有手冲/義式咖啡/虹吸/cold brew/愛樂壓，左邊寫明咖啡產地等等資訊。另外有多款酸種/bagel包嘅菜式，沙律/甜品等。仲有威士忌嗰D野，呢個post就唔詳細講啦。

Long Black $42



首先，single origin就當然會係貴D，更何況餐廳對咖啡嘅講究度極高(下面再講)，我個人覺得又係一個長知識嘅經驗。

第二，我以為餐牌寫是日咖啡豆係來至埃塞俄比亞，但佢比我嗰個係哥倫比亞，而我scan張卡嘅qr code之後就顯示關於埃塞俄比亞嗰隻，但究竟我係飲緊D咩????

講返正題，餐廳分開咗Espresso同正常long black俾你品嚐/襯托出佢本身獨特香氣。木板上附有兩張紙仔詳細解究，並都有支筆俾你寫出個人對呢杯咖啡嘅甜感/酸/厚度/香氣等作個人記錄。





我就當飲緊埃塞羅比亞嗰隻，烘焙程度喺中深度，海柭屬於高水平(越高海拔咖啡會越甜越多花/水果香)。第一吓聞係有D花香，入口平順，第一感覺偏向清甜，帶有微微酸性，唔覺得苦。再飲啖Espresso，更能突出佢莓類激烈嘅酸性同朱古力嘅香苦，但飲到最後卻覺得有D淡茂茂。

Eggado $88



飲啡當然要配返D野食啦。呢碟貝果望落夠哂澎湃，超多餸同沙律蔬菜。以我平時食開7字頭嘅貝果三文治黎講，呢個就算好大份，cp值中上水平，而個名非常之日式。沙律中嘅油醋均勻分佈，每片葉都有油香與微微嘅酸味，比起平時只放在菜響面頭果d，呢個嘅味道更為平衡。

呢排食得/整得太多酸種包，於是就叫咗芝士洋蔥貝果。貝果外型粗糙，煙韌度適中而唔會咬到牙軟，對我而言就剛剛好，又有些粉香。外層有D類似芝士粉顯突嘅咸香，內裏有一粒粒嘅香甜洋蔥粒，我就覺得幾唔錯。



炒蛋喺螢幕前都見到非常之水嫩，有加入奶/忌廉，香滑四溢，又唔會undercook，如果有D黑椒調味就好。牛油果份量都好慷慨，差唔多有哂成隻，每片生熟都剛好，在口中軟化，冇任何草清味。加上爆脆嘅魚籽，增添咸香味。

將軍澳海濱公園沿海一帶有好多餐廳，行開附近散步順便食個飯。呢間裝潢偏歐陸設計嘅多國菜餐廳，空間好寬敞，分左室內同戶外坐位，店內仲有個好別緻嘅開放式酒吧枱，牆上亦掛左好多油畫裝飾，人流唔算多，可以靜靜地望住個海，吹下海風，傾下計，感覺好舒服好寫意🌊

食物款式好多樣化，包括沙律、意大利粉、意式燴飯、披蕯、烤肉、牛排、串燒、炸雞、漢堡、三文治、炒麵炒飯同甜品等，飲品方面亦有多款酒精同非酒精飲品選擇。整體份量適中，味道唔錯，由於位於海傍一帶，所以價錢上都預咗唔會平，偏中上，不過勝在環境好加分，所以都算合理同值得一試

_
➤雜錦海鮮燴飯 Mixed seafood & parmasen risotto🦑🦐🍛$160
賣相唔錯，初初望落以為份量唔多，但個碗其實都幾深下，兩個人share食份量岩岩好。米飯濕度同軟硬度適中，粒粒分明，食落濕潤煙靭有咬口。蕃茄醬汁濃稠，酸酸甜甜咁好開胃，完全唔覺得膩，而且應該係用新鮮蕃茄煮，陣味唔似茄膏，仲食到幾重嘅海鮮味，味道幾岩我地口味。不過配料比例偏少，有蝦、魷魚同鋪咗三隻青口，再喺面頭灑左少少芝士粉

➤墨西哥鐵板烤肉(雞肉) Fajitas(chicken)🐔🌮$160
除咗雞肉，仲有牛肉、提卡咖喱雞同素菜等其他選擇。即叫即烤，上碟個陣鐵盤仲滋滋聲響，熱辣辣冒住煙，好香烤肉味。雞肉切成一條條，份量頗多，本身以為都係普通烤雞肉，點知食落比想像中好味，有驚喜！好滑嫩多汁，一啲都唔韌同乾。除咗雞肉本身嘅調味，另外再帶少少焦香，配搭埋燒烤醬，好惹味。就咁單食都好好味，另外亦可以用鬆軟煙韌嘅粟米餅卷夾住烤好嘅雞肉條同底下嘅配菜洋蔥、燈籠椒，再按個人口味搽上墨西哥式嘅沾醬 - 微酸清爽嘅酸奶油，酸甜偏辣嘅莎莎醬同creamy嘅牛油果蓉，包完一啖咬落去，口感同味道都非常豐富，又有飽足感，幾推介

➤草莓奶昔 Strawberry milkshake🍓🥛$58
偏甜，士多啤梨味唔夠濃，陣味少少假，唔似新鮮士多啤梨，而且比較稀身，幾容易化成水，普通


➤藍莓沙冰 Blueberry silky smoothies🫐🥛$58
偏酸唔係好甜，藍莓味偏淡，乳酪味幾出，感覺似飲緊藍莓益力多，都幾fresh，質感都算幼細順滑，望到一點點嘅藍莓渣

_
🍽味道指數:★★★★☆
📷環境指數:★★★★☆
🛎服務指數:★★★☆☆
💰抵食指數:★★★☆☆
😋推薦指數:★★★☆☆


📍Bacaba
將軍澳唐賢街29號藍塘傲地下9號舖

送牛迎虎，亦是我這位職場小薯踏入社會剛好一年的時間，決定請家人一起吃頓飯來開始新的一年今次我選擇了之前在九龍灣分店嚐過的The Point，帶屋企人來試試她們的意粉和薄餅。


尖沙嘴分店面積較細，亦是頗受歡迎的店舖，來之前最好預先訂位了。
正值新年，餐廳提供跟平時一樣的週末、假期午市套餐，食物選擇很多。

除了午市套餐，還有一個經典套餐予二或四人享用。由於所有餐牌上都有太多選擇，而很多菜式我們都想試，最後決定點一個經典的四人套餐分享，那就不需要考慮太耐糾結吃甚麼。


前菜我們選了龍蝦湯，店員送上的時候已經香味四散。龍蝦湯的質地偏稠，有濃郁的龍蝦味，與忌廉的平衡幾好所以不會太膩，加入了橄欖油幫助帶出材料的味道。食得出湯裡加入的是龍蝦肉，雖然質地比較老不滑，但起碼不會以小龍蝦來代替偷工減料，也有龍蝦肉味。建議加入一些黑胡椒，味道會更有層次和開胃。

我平時沒有特別好天使麵，不過這碟Capellini with Smoked Salmon煙三文魚蘆筍刁草忌廉汁天使麵對我來說幾有驚喜。沒有特別好天使麵是因為我以前食的都是煮得很腍，吸透了醬汁結果變成一堆堆又沒有口感的食物，讓我之後對這款意粉都沒有甚麼好感。剛上菜時碟裡有如圖那樣份量的醬汁，隨著時間意粉會慢慢吸收，同時也會容易變得軟腍易斷。直至我們進食時，忌廉汁基本上已全部吸收，但吃上去天使麵完全不會變得太腍，是剛剛好的軟硬度加上這款忌廉汁味道香濃，有三文魚的油脂及刁草的香氣，慷慨地掛在意粉上，食得非常滿足，亦是少有我喜歡的天使麵菜式

原本我們打算點要另加$28的Conchiglie with Wagyu Beef Ribs紅酒燴和牛肋肉配蜆殼粉，但店員告知暫時未有供應，退而求其次就選了Spaghetti Truffle Carbonara鮮蘆筍野菌黑松露卡邦拿拉意粉。醬汁creamy有少許黑松露的香味，吃上去忌廉的味道較重，感覺較膩，幼蘆筍的份量少但野菌的份量都幾多，而意粉吸收了醬汁的水份和味道變得濃縮，本身濃厚的味道變得更飽膩，感覺普通，亦明顯比前者遜色。

第一個薄餅是在其他餐廳都可以見到的BBQ Chicken Pizza (9”)。批底有少許厚度，裡面主要材料有烤雞肉、野菌、焦糖洋蔥，雞肉不多不會太覺得牠的存在，洋蔥帶出香甜味，沾上了燒烤醬的薄餅有BBQ的感覺，而芝士跟野菌增加了薄餅少許creamy的感覺，吃起來不會太膩。這個薄餅的味道正路，但也沒有甚麼驚喜，是一款符合大眾口味的薄餅。

第二款我們則點了偏向重口味的Carnivore (9”)。主要的材料有辣肉腸、西班牙辣腸和意大利香腸粒，是一個「綜合腸」薄餅。剛剛烤好的薄餅熱得冒煙，聞上去散發著幾款香腸的油脂，很是吸引。薄餅的味道香帶點辣，有濃郁的烤腸味加上溶掉的芝士，與燒烤醬造成一個滋味、邪惡又惹味的pizza我們四人一致認同味道出色，推薦大家試試！


最後我們單點了兩杯熱咖啡以及一客Brownie in a Pan($68)為這頓午餐作結。之前聽過這款甜品，這次還是第一次試到。上菜時店員提醒我們鐵板很熱，原來是把鐵板燒熱，放上加入砂糖的香蕉，以高溫幫助焦糖化香蕉的表面，烘熱香蕉和雪糕下面的brownie，再在上面放上一球雲呢拿味雪糕。香蕉熱得很燙口，除了本身有吸引的香蕉味，還有表面的焦糖和朱古力醬，味道香甜。相對之下，brownie沒有太突出的甜味，但是當雪糕配著香蕉或者brownie吃的時候，形成了一個冰火的狀態，更能夠帶出香蕉本身的甜味，味道不錯呀


整個用餐流程來說，我覺得這裡的程序是幾清晰和平均的。每一款食物沒有很快就上菜，但是上菜時都是剛剛做好的，清楚地由餐湯、至主菜和甜品送上，而食物與食物之間的上菜時間相隔偏向平均、有秩序，不如某些餐廳一次過堆著送上令客人手忙腳亂。雖然是一個細位，但我覺得有安排過的程序的確會讓客人有一個更好的用餐體驗。服務方面店員們都是有禮的，但稱不上很好的服務，欠缺了一點熱誠。餐廳環境以西餐來說算是有點狹窄，檯與檯之間的距離相近，基本上是可以聽到隔離檯在說甚麼，而是次用餐隔離檯的客人聊天聊得很興奮，同時半開放式、與商場連接的餐桌設計私隱低，感覺不是太好。


食過The Point兩次，都覺得食物的質素是不錯的。之前我以大概這個價錢，可以在其他餐廳食到包括牛扒等食物，而這頓飯我只有食了pizza跟意粉，沒有太經濟，但食物質素都有保證。感覺這是一間幾適合家庭用餐的餐廳，假日的set lunch價錢會高一點，平日的set lunch或者有甚麼慶祝我都會考慮再來

一間50年代為主題嘅素食西餐廳🍴 餐廳既裝飾同背景音樂🎵🎶， 已經可以令我坐足全日😍😍😍 不單懷舊既陳設， 而且好多都係古董，直情如寶一樣🏺👑 氣氛令小編沉醉一整日😌 所以今次相片會由店面開始🤗 食物都以素食烹調， 而且佢地都以半糖既模式處理食物， 好味又健康👏👏 1️⃣Peking Wrap🫔（6pcs) 食法如同片皮鴨一樣， 今次叫作頭盤👏 用皮包住素鴨，青瓜絲🥒， 連同同片皮鴨一樣既烤鴨醬😘😘 口感同味道都好似食緊真片皮鴨一樣😍 2️⃣Union Square with hot sauce 🍝 焗意大利香草紅甜椒汁， 配上雜菜意粉🍝 自家製嘅汁醬配上番茜味道非常濃郁😍 裏面有西蘭花🥦，茄子🍆，粟米粒🌽， 翠玉瓜等等😋 令每一啖都非常爽口， 而且汁醬都有一種令人開胃嘅感覺， 酸甜平衡得剛剛好👍👍 3️⃣I am fabulous🍔 (Burger) 素食漢堡扒用左紅菜頭腰果蘑菇扁豆蓉做， 食落都有漢堡扒肉嘅質感👍 佢有大大塊厚切蕃茄🍅同意大利芽菜， 連上面扮芝士個醬都係素食嚟㗎🥰 味道亦都模仿得非常相似👏👏 漢堡包另配上雜菜沙律🥗 同埋超巨型薯角😘😘薯皮表面都脆卜卜 雖然佢唔係真正嘅肉類， 但食完都非常飽肚🙆‍♂️🙆‍♂️🙆‍♂️ 4️⃣Drinks: Wake up / Secret🍹🥤 -Wake up 佢係一杯冷榨果汁， 有甘荀🥕，檸檬🍋，雪梨🍐同蘋果🍎 非常健康又有益，飲落好醒神， 酸酸甜甜，亦好解渴💦 Wake up哩個名果然好貼題👍 -Secret🤫 其實佢一啲秘密都冇🤣， 因為一望就知佢係杯凍朱古力🍫🥤 特別之處係佢哋嘅忌廉係用椰油等植物所造， 飲落除咗有濃厚可可味， 仲有啖啖椰子香🥥🤩🤩 作為甜品或飲品都一樣咁出色👍 總結：個人評價 4.7/5星

環境相信大家一見到就認得😂 門口🚪係由兩排蠟燭台🕯️組成既走廊打卡位，感覺係低調又有氣派既奢華😌 以前係Upper House既時候已經想試，跟住就變左做Salisterra，由拉丁語組成，Salis 指 鹽🧂，Terra指土地，寓意地中海賜比人既豐盛同美好，所以係主打地中海菜，裝修用大地色🟤，用左赤陶橙🟠，泥土酒紅🔴，礦物藍🔵，土灰綠松🟢同琥珀焦糖🟡，氣氛柔和舒適～ 見好少食地中海菜就黎試下～ 仲安排到坐窗邊，因為喺高層加落地玻璃🪟，所以俯瞰到金鐘一帶既景色，連維多利亞港後面既九龍半島亦一覽無遺，可以見到開揚既大海景😍 不過成日都變menu，呢個menu就當比大家參考啦😜 久唔久都有啲dish會翻兜～ 野食整體都唔錯，鹹點幾surprise幾得意，不過甜點真係普遍都甜左啲～ 呢到既tea set同平時既三層架唔同，係用白瓷碟分甜點同鹹點咁裝都幾靚～ 不過講左話要加生日牌，但係staff都係唔記得左... 最後另外加左喺朱古力盤到，上面放左啲橙皮果乾🍊，但食到最後已經好飽，加上甜得濟所以食左一兩舊就無食，呢個位扣左啲服務分，亦見到之前都有foodie分享過類似問題，希望佢地會注意⚠️啦 (5 😍 係滿分，🤩係半分） Beaufort and Truffle Gougeres ⚫️🌰 (好味指數：😍😍😍😍) 一粒係黑松露⚫️味既而另一粒係芝士🧀️既，泡芙入口鬆化，帶啲牛油🧈香味，入面軟綿，鹹泡芙幾有新鮮感，不過表皮可以再鬆脆啲～ 黑松露⚫️味幾濃郁，估唔到佢獨特既香味同泡芙幾夾；而芝士🧀️係用左波福芝士🧀️係比較硬身既，黎自法國波福地區🇫🇷，聞起黎有啲像堅果🌰同拖肥糖🍬，味道低調帶啲鹽味🧂，唔會好油亦令到個泡芙creamy啲～ Nduja Financier 🥓🫔 (好味指數：😍😍😍😍🤩) 呢個係辣肉撻，nduja 係辣肉腸，以豬頰肉🐷、五花肉等，混入以肩頰、腳、豬頭🐷、五花煉成既豬油製作，跟住加埋辣椒🌶️，再煙燻或者熟成，由於脂肪多，質地軟滑creamy，有人叫佢做”紅色 Nutella”；另外蒙哥馬利車打芝士🧀️係黎自英國🇬🇧既，帶有甜甜既甘草香同堅果🌰香味～ 整體味道同小編細細個食既吞拿魚粒(有金色同銀色包裝既零食)有啲似，係一種正方形既乾肉粒，味道帶鹹香～ 口感方面因為係鹹版既financier (金磚蛋糕🫔)，外層酥脆，質地會比較厚，不過因為味道惹味所以唔會濟，上面仲有啲香脆既薯絲🥔，感覺幾得意 Pithivier 🎃🥧 (好味指數：😍😍😍😍) pithivier係法式酥皮批 🇫🇷🥧，外型係半圓既，外表油亮，食起黎外酥內香，個餡有淡淡既南瓜味🎃香味，口感香滑綿密又甜甜地，如果南瓜味🎃可以出啲就更加好～ 另外用左羊奶芝士🐐🧀️又唔覺羶，鹹香細膩、微酸又帶奶香同鹹蛋風味，兩樣配埋都幾惹味同幾夾 Brandade Croquettes 🐟🍘 (好味指數：😍😍😍😍🤩) 炸鱈魚球🐟🍘喺tea比較少見，其實似葡國菜🇵🇹既馬介休球🍘，馬介休其實係用鹽🧂醃過既鱈魚🐟，喺食用前將魚浸水💧去沖淡鹹味，口感依然似新鮮魚咁豐腴鮮嫩，所以個鱈魚球🐟🍘香口又唔會好油，外皮炸得酥脆，入面有綿密既薯蓉🥔、洋蔥🧅天然既甜味配埋鮮甜既鱈魚肉🐟，幾好食😋 另外怕食客會覺得油，就配左香茜蛋黃醬🌿🟡，番茜🌿既清香同惹味既大蒜蛋黃醬 (aioli) 🟡可以中和翻炸野🍘既油膩都幾好，不過個炸鱈魚球🐟🍘再熱啲就更加好食～ Sun-Dried Tomato and Chickpea Beignet 🍅🍘 (好味指數：😍😍😍😍🤩) beignet其實係法國人🇫🇷既炸麵糰，有啲似我地既油炸鬼咁帶有啲彈性，原本係唔甜既，甜只係因為表面有糖粉，而今次係鹹點所以就無落糖粉～ 裡面仲mix左日曬番茄乾🍅同埋鷹嘴豆，番茄乾🍅酸酸甜甜，而鷹嘴豆味道清新香醇，整體味道帶啲煙燻同鹹香都唔錯，不過係稍為乾左啲～ 上面仲有啲爽脆既紫椰菜花🟣🥦同埋青瓜絲🥒，靚啲又有啲唔同既層次，口感幾豐富 Scones 🍪 (好味指數：😍😍😍🤩) 口感比起平時食開既濕左啲，口感介乎麵包🍞同蛋糕🍰中間，唔係好似平時既scone🍪，宜家嗰種外脆內軟既感覺唔夠分明，而味道幾重奶香🥛不過唔夠牛油香🧈，所以就會淺色啲，至於clotted cream同自製jam就一般，cream有奶香🥛不過稀左啲，而jam就有酸酸甜甜既士多啤梨🍓香味，但比較普通 Brillat-Savarin Passionfruit Cheesecake 🧀️🍰 (好味指數：😍😍😍😍) 第一次見熱情果甜品係成個熱情果咁上😂 賣相唔錯～ 上面係酸酸甜甜既熱情果gel狀既jelly🍮，下面就係軟滑、味道濃郁細膩既芝士🧀️，不過唔係好感受到有蛋糕🍰或者餅底係底，會感覺濟啲～ 另外甜度方面小編幾鍾意食甜野就覺得還好，但個fd就話甜左啲，同埋可惜到食既時候比果皮沾染左少少苦味 Yuzu-Matcha Slice 🍊🍵🍰 (好味指數：😍😍😍😍) 柚子🍊同抹茶🍵甜品分開食唔少，原本諗住今次mix埋可能會有特別既化學作用，結果得面頭既少少抹茶粉🍵，所以食唔出有抹茶味🍵，有啲失望... 柚子🍊味幾清香，酸酸甜甜都幾開胃，mousse口感滑溜，質感幾輕盈唔會好實 Black Forest Chouquette 🍫🍒🌰 (好味指數：😍😍😍😍) 上面有啲用酒🍷浸左既櫻桃🍒，但好藥水味😣，所以就整開左... chouquette其實係珍珠糖泡芙🌰，小巧精緻，酥脆可口，原本係唔甜既，只係靠之後加既珍珠糖，今次就無落珍珠糖，將可可粉撈左喺麵團嗰到，不過可可味🍫可以濃啲，而上面同裡面既朱古力忌廉🍫味道就正常，味道幾濃郁又唔會太甜，不過個泡芙🌰感覺唔特別 Kumquat Dark Chocolate Cremeux 🍊🍫 (好味指數：😍😍😍😍) 金橘🍊味道清新酸甜幾醒胃，朱古力味🍫比起上面提到既都香濃，甘香醇厚，口感軟滑creamy，不過太甜... 可能喺調教金橘🍊同糖既比例唔好，金橘🍊已經甜其實唔係落咁多糖，另外下面有薄薄既朱古力🍫🍪做底，係幾脆身既不過一樣甜，所以令到整體都係甜得濟 $588 for 2 好味指數：😍😍😍😍 推介指數：😍😍😍😍

🚦Dear Coffee and Bakery（大圍）

🍈豆乳開心果乳酪蜜瓜夾心貝🍈$45
8.5/10
咬落去嘅時候蜜瓜汁會標出嚟，中和返比較膩嘅豆乳同埋開心果乳酪🤤但因為蜜瓜係甜嘅，所以整體嘅感覺都係偏甜，感覺配返酸味嘅水果可能會更加平衡🤏
包體就做到回彈、拉扯、煙靭！各方面都整得好好食🤩

🍦紫米乳酪焙茶貝果🍦$45
8.5/10
拎咗返屋企之後，又用焗爐翻熱5分鐘，整咗出嚟之後個外皮有少少少少脆，但拉扯力更高🆙唔知係咪因為焗過，所以相對來講佢煙靭level低咗
紫米同埋乳酪嘅份量都幾多，有料有料🕳但呢個組合一甜一酸，未係最襯嘅組合😛但紫米控要試！仲有焙茶控都要！就咁喺紙袋拎出嚟已經聞到好香嘅焙茶味👃焗完之後有少少熱，所以紫米嘅香氣好出🥰唔怕比乳酪冚過咗🥛焙茶味道好足🍵

🦀明太子蟹肉沙律貝果🦀$50
6/10
呢個貝果，佢係切開一個海苔味嘅貝果，再搽少少嘅蟹肉醬入去🍘而我想講嘅係，嗰啲醬真係好少好少😢所以無論係蟹肉定係明太子嘅味都係好單薄、好淡，最有味係撒喺上面嘅柴魚碎🐟而且海苔味都好淡，所以整體個味道好少👧食咗1/3已經唔係好想食🙊
不過得分位都係佢嘅貝果都係保留到應有嘅質感😚切到最底要俾啲力先得，拉扯力max🤣上碟前佢有翻熱，但只係暖過室溫少少，私心prefer再熱啲+脆皮🍽

🍓草莓牛奶抹茶SCONE🍓$45
8/10
本身鍾意食包多個scone，但佢嘅scone質感係我鍾意😘因為佢唔乾身，偏腍嘅scone🤩好易入口！而且有好濃郁嘅抹茶味🍵最欣賞嘅就係佢嘅scone本體😋
反而夾心嘅部份有啲失色，因為cream cheese冇乜味，士多啤梨都唔甜🍬但多咗佢哋的確係可以令到scone嘅口感同埋味道再提升一個層次🪜

整體7.5/10
1️⃣食物都係唔錯嘅，同之前去嘅一次一樣，都係有好吸引嘅menu📖以後咁樣月更，我每個月都要一訪🤣同埋味道都有一定嘅水準🥰雖然係貴啲，但可以理解做係咖啡店嘅價錢☕️
2️⃣不過，可能因為實在太受大家歡迎所以坐到差唔多一點嘅時候，去到人流高峰，環境有啲嘈🎧再加上燈光都唔係好適合閱讀，所以溫咗一個鐘之後就離開咗📚
3️⃣比起上次，今次嘅整體分數稍為回落，因為服務遜色咗，同埋試多咗唔同嘅產品，發現係有少少參差嘅🥯但最穩陣嘅就係有鮮果配搭嘅夾心貝果🍑
4️⃣正正因為今次諗住帶啲嘢食返屋企，所以又特登去佢哋嘅外賣自取app度格過價💰最後發現現場買嘅話，每個item會平大概$5👍

💌鍾意我嘅分享就like同follow我啦💌

平時生活繁忙 有時候都想去清淨嘅地方休息下🍃
香港公園入面除左有花睇之外
當中嘅羅桂祥茶藝館有間茶室主打品茶 唔同款式嘅茶應有盡有
而且仲有素點心 可以一邊嘆茶一邊食🍵😋
.
🌟百花仙子 ($58)
開花茶嘅茶底係白茶 加入熱水之後乾花花球會慢慢打開
可以觀察開花嘅神態🌼
而且茶杯有特別設計 底部較厚所以會隔熱
等客人倒茶嘅時候唔會太熱
茶嘅味道清新怡人 好易入口 而且仲可以打卡🤪
.
🌟玲瓏香蕊 ($48)
至於呢個係茉莉花茶
茶具包括有茶壺同小茶杯🫖🍵
比起上述嘅開花茶味道較濃
由於茶底用上青茶 味道亦都偏向清新
.
🌟黑松露燒賣 (2粒) ($48)
黑松露味道好香 就算係素食都整到好像真😳
搞到掛住食 食左一粒先記得影相😂
.
🌟香煎鍋貼 (2件) ($32)
鍋貼嘅餡料十足 入面有滿滿嘅蔬菜🥟
但係要注意當中有西芹 
.
🌟芝士脆素蝦卷 (4件) ($48)
呢道菜啱晒我呢個小朋友口味嘅食客
素蝦味道整得好似真蝦一樣🍤
外層香脆 加埋半溶芝士真係好好味🧀
.
🌟金菇菜苗餃 (2件) ($28)
菜苗餃外皮略厚 同鍋貼一樣當中有味道濃烈嘅蔬菜做餡🥬
.
🌟迷你荷葉糯米包 (2件) ($42)
荼館同平時酒樓唔同 
呢度好少炒粉麵飯等主食供應🤔
所以黎到食午餐嘅我選擇左呢個糯米飯醫肚
有荷葉嘅清香 而且飯亦都夠晒軟熟 
.
🌟奶皇包 (2件) ($32)
奶皇包鬆軟 屬正常發揮 亦都幾飽肚
.
🌟蟲草花姬松茸湯水餃 (3件) ($45)
姬松茸湯好清甜 水餃入面有素肉同蟲草花
味道易入口 好有驚喜🤩
.
小編一向都比較鍾意食肉 而且唔太鍾意食濃味蔬菜🤭
所以平日都對素食卻步🙈
但係呢間茶館除左茶品出色之外
佢嘅素菜點心都令我對素食改觀 成個體驗都唔錯☺️

要多謝我的食神朋友，讓我可以沾光吃到這家超級難訂的壽司店。

這家小店的位置很偏僻，反正我就是相信了地圖，但我走了很迂迴的上斜路，這條街的名字就已經叫做「樓梯街」，可想而知我是為了吃這一頓走了多少的樓梯才到。最慘的是地圖還點了我走了一條錯的丶恐怖的倔頭路。而且為了增加悲慘的氣氛，老天爺在我走到一半的時候下起了傾盆的大雨，我到達門口的時候整個人都呈現半濕的狀態，令我發誓這一頓如果不好吃的話就要拆了他的招牌（哈哈！ ）。

來到就知道為什麼這家小店如此難訂，因為真的是很細小，一排吧枱只有大概八個座位，中午也只做一轉客人，所以客人都排到明年去了。

我和另外一個客人都是一起到的，在門口等了一兩分鐘之後就開門了，然後原來要等所有客人一起到達之後才會上菜的，也理解這個做法，一般小店都是這樣，方便師傅統一處理。趁着等待的時間左盼右故一下，小店的裝修全部都是原木色的，我很喜歡天花板的設計，像日式酒盒的雕刻，門口的插花也不錯，聽說經常會換的。師傅為了怕我們等待的時間太無聊，先給我們上了一大碟的薑，這裏的薑很特別，不是平常壽司店吃到的酸薑，不是酸酸甜甜的，反而是帶點鹹味的，肯定是自家醃製的，味道會比甜味的稍為淡一點，我朋友很喜歡吃，我就OK，因為覺得鹹味的會更辣一點。小墨魚
第一貫上的是小墨魚，肉質肥厚軟糯，甘甜肥美，黏性比較重，甜味裹滿着整個口腔，而且有一股蝦蟹膏的甘香味，後來吃多幾件都有這個味道，就知道應該是師傅在醬油上下了功夫。深海池魚 一週熟成
第二貫的深海池魚師傅介紹說是經過一周熟成的，果然是比平常的鮮味，但畫龍點睛仍然是這個下了功夫的醬油，更加突出了魚肉的甘甜。水魚蒸蛋下一道上的不是壽司，反而是蒸蛋。這碗蒸蛋非常特別，我是第一次吃水魚蒸蛋。這款蒸蛋就算在日本料理中也是屬於罕見的，在蒸蛋的面層上鋪上水魚的肉，特別是邊緣的位置，充滿着骨膠原，可以很順滑地吸入口中，味道也極為鮮味，非常像超級濃郁的雞湯，水魚的肉口感味道也像雞肉，這個水魚蒸蛋初體驗非常美味，令我留下深刻印象。白蝦
繼續吃壽司，接下來是富山灣白蝦。
又是甘甜軟糯的一貫，甜美的蝦肉鋪得滿滿，有一點彈牙，咬下去的時候牙齒能夠感受到少許的回彈，當然畫龍點睛繼續又是這個甘香的醬油，配合每一件壽司吃都很美味。鰤魚
開始進入肥美的階段，下一貫是我愛吃的鰤魚，厚切，鮮味濃郁，不錯。竹莢魚
接下來是味道更為濃厚的關竹莢魚，是我愛吃的銀皮魚，色澤油亮，魚味濃郁，滿滿都是鮮味，氨基酸飽滿，配上小蔥更美味，美中不足是魚肉的油脂不足，如果再肥美一點就完美了。燒鯛魚
接下來轉一轉口味，上了一碟燒物，是煮熟的魚，看着師傅串起慢慢燒出來的鯛魚(旁邊還有一大碗白蘿蔔)。這一碟燒魚除了有兩片魚肉之外，還有白蘿蔔小山及一粒燒銀杏。這個魚肉燒得剛剛好，魚肉仍然是充滿肉汁的，簡單的用鹽調味已經足夠，可以品嚐到魚肉本身的味道。要一讚的是銀杏的味道很香，而且軟糯，不錯。中拖羅
接下來越來越重口味，上了一貫中拖羅。這件中拖羅的魚肉也經過熟成，從色澤上可以看出已經濃縮了味道。
這味魚肉鮮味滿滿，入口之後濃郁的鮮味包裹着口腔，而且沒有筋，非常容易咀嚼，要說缺點的話以中拖羅來說較為瘦削了少許。赤身醬油漬
下一件上的是赤身醬油漬，我對於這一波操作有點摸不着頭腦。
因為在一般的情況下，是先會上比較瘦的赤身醬油漬，然後才上油脂豐富的中拖羅，當然，上一件中拖羅不算肥，但也不至於排在赤身前面吧。
話說回來，這件赤身顏色非常美麗，像是紅寶石一般的深紅色，看得人食指大動。吃畢也明白為何赤身會排在中拖羅後，應該是因為這件壽司的味道比較濃郁，醬油的味道醃得更透，不過總括還是覺得稍為瘦削，個人喜歡這件排在中拖羅之前。大拖羅
吞拿魚三部曲來到最終一部，大拖羅上場了！這件大拖羅很肥美，雖然未去到有一些點吃過的全粉紅色，但油脂分布得很均勻，感覺比較像是野生的吞拿魚所擁有的顏色，入口即溶，非常享受。
可能之前的排列是為了更突出這件大拖羅的油脂吧。黑鯥
這件黑鯥以炭火烤過表皮，但僅限於紙薄的魚皮表面，內裏的魚肉完全是刺身狀態，火候控制得很好，真的沒有功力都做不出這種狀態。
魚肉幼嫩，充滿肉汁，而且魚肉也很肥美，雖然不及大拖羅，但仍然是鮮味十足的一貫。三文魚子海膽杯接近尾聲了，來了一碗三文魚子海膽杯。我一向喜愛柚子漬的三文魚子，但大部份的鮨店提供的是醬油漬三文魚子，因此很期待這一間餐廳是用什麼做法。這家餐廳也是自家醃漬的三文魚子，用的不是以上兩種手法，反而是用鰹魚做的出汁，是我第一次品嚐到的，很特別。
口味方面我仍然是最愛柚子漬的，不過這是個人喜好選擇。柚子胡椒味噌汁 山椒
接下來已經要想味噌汁了，這裏的味噌汁也很特別，味道是柚子胡椒配上山椒的，香香辣辣，比一般的味噌汁要多點層次，加上很多細芽蔥提供了香味，不錯吃。煮穴子 黑胡椒
最後的結尾壽司煮穴子，配上簡單的黑椒調味。向來喜愛穴子、鰻魚之類的重油份的魚類，這穴子也煮得很好，烤得很香活化了魚皮邊緣的油脂，但也不會煮得過老，魚肉煮得剛好，仍然充滿肉汁，配上簡單的鹽及黑胡椒調味已經足夠，美中不足是在邊緣位置會吃到少少魚骨，有點影響口感。玉子
最後有海綿蛋糕一般的玉子，採用的是蓬鬆的玉子，香香甜甜、濕潤，是不錯的玉子，配上白蘿蔔蓉同吃也別有一番風味。蔥吞拿魚手卷
這件蔥吞拿魚手卷壽司真的是最後，因為所有餐點都在玉子結束，這個手卷是我們另外加錢點的。
師傅飛快地在我們面前做好手卷，這件吞拿魚用料上乘，魚肉非常油潤，配上烤香了的海苔及漬黃蘿蔔蓉等等，鮮味及香味在口中爆發，令人回味無窮。總括來說這裏用料上乘，菜式特別，價錢及味道都不錯，但若果說要等半年或以上才能夠吃到，我又覺得有點過於誇張了。