「天黑請閉眼。」 聽到主持嘅例牌開場白，玩家紛紛合埋眼，遊戲正式開始。

狼人開始大開殺戒；預言家開始檢查懷疑對象；女巫開始苦惱救人定殺人；完全無機會開眼嘅平民只能夠透過零碎嘅聲音爭取信息。 一個唔小心比狼人睇上眼或者發言不慎，您就無得繼續玩，只能夠乖乖地坐係隔離做觀眾。細心諗諗，其實投資同玩狼人殺都係一樣，要分析市場上來自四方八面嘅資訊，時而靜觀其變，時而主動出擊。

投資同狼人殺一樣，面對市場上嘅不穩定性，各位玩家/投資者只能透過各種蛛絲馬跡，嘗試搵出真相。喺遊戲當中，總有人混淆視聽、跳唔同角色搞亂個場，個個都有自己一套說法；就好似面對市場上唔同嘅資訊同觀點，往往要靠投資者嘅思考同分析，再決定下一步行動。

係伺機而動、期望一擊即中嘅「守衛」？

係隨時準備翻開底牌、一鋪翻身嘅「獵人」？

係洞悉市場、長期處於「上帝視角」嘅「預言家」？

係徘徊於毒藥與解藥之間、必要時孤注一擲嘅「女巫」？

定係人云亦云、信息量最少嘅「平民」？

面對瞬息萬變嘅投資市場，好多時其實我哋都只係信息量有限嘅「平民」，所以更加需要保持頭腦清晰，細心判斷同分析各種情報，唔好盲從小道消息，如果唔係隨時會因為揀錯邊、收錯風搞到有損失！

無論係狼人殺定投資，大家當然都係希望做啱決定，贏到最後。如果您都希望係呢場投資狼人殺當中取得先機，出手前就要做多啲功課，留意市場走勢，同埋掌握各類型投資產品嘅特性。想了解多啲自己嘅投資目標同風險承受能力，快啲登入Citi Mobile® App 完成「投資風險評估問卷」啦！