網民爆SJ隊長利特服役慘況 被上司迫交出女團成員手機號碼|香港01|即時娛樂

網民爆SJ隊長利特服役慘況 被上司迫交出女團成員手機號碼

撰文:
最後更新日期:

韓國推行全民徵兵制多年,只要通過體檢合格嘅男性都要入伍,就連當紅藝人都無可避免。韓國綜藝《真正的男人》為大家披露軍中嘅生活,但鏡頭背後嘅生活又係點呢?近日有韓國網友通過自家製視頻《Super Junior與軍隊》披露Super Junior隊長利特2012年入伍時遇到種種的不公平待遇。

有網友/粉絲以視頻披露韓國藝人於軍中嘅生活。

視頻中,該名網民友指出利特於入伍期間「在壓力底下要替上級的私人家庭活動當主持」,並試過於深夜被吵醒,為嘅只係錄製視頻予上級嘅屋企人,濫用權力嘅情況十分嚴重。「他也被上級強迫打電話給女團成員,他要打電話給銀赫(SJ成員)去拿女團成員手機號碼,連問候的時間都沒有,拿到號碼就要收線。」除咗被不公平對待之外,利特當時就連寫信予粉絲「報平安」亦受到批評,事緣佢當時為怕粉絲擔心,所以在信中提到「我一點都不辛苦」,結果被民眾狂鬧,指佢「拎軍隊開玩笑」。

SJ隊長利特於2012年以現役兵身份服役。

此外,該網友亦提到SJ另一成員厲旭於退伍後,曾指出於軍中最痛苦嘅時刻係沖涼,原因係不停被眼望望,幸好有同期訓練嘅朋友幫忙遮掩。由於呢個視頻並非由電視台製作,所以有幾多係真幾多係假都不得而知,但利特曾在退伍後,曾在訪問提到於當兵時,因遭逢家庭巨變而患上嚴重憂鬱症,共曾有輕生的念頭。
 

藝人於軍隊中一舉一動都備受關注,就好似G-Dragon入伍初期,網上流傳一份「GD觀察日記」,內容清楚地列出GD嘅身高、體重、紋身、痣等位置。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。