有無諗過可以一個價錢住哂香港同曼谷嘅瑰麗酒店？最新推出限時快閃優惠，入住一晚香港Rosewood 送一晚曼谷Rosewood，仲包埋雙人早餐，每位平均都係$3,162 起，連服務費$6,325 起！計返差唔多低至6折！準時10月31日10:00 pm 準時搶！
香港+曼谷瑰麗酒店快閃優惠
預訂香港瑰麗酒店尊貴海景客房住宿一晚送曼谷瑰麗酒店豪華客房住宿一晚連雙人早餐(保證升級至行政客房)，每位平均都係$3,162 起，連服務費總共$6,325 起！
- Holt’s Café 雙人早餐
- % Arabica 飲品兌換券 (一套12張)
- 曼谷瑰麗酒店免費住宿禮券將於辦理入住香港瑰麗酒店時發放給客人，客人需直接向曼谷瑰麗酒店預訂房間([email protected])
- 曼谷瑰麗酒店住宿禮券有效期由2022年12月1日至2023年6月30日，並不適用於指定日子：2022年12月22日至2023年1月2日
【優惠日期】10月31日10:00pm 至11月9日 11:59pm
【入住日期】12月1日至2023年6月30日
▼香港瑰麗酒店海景客房
▼大理石浴室
▼曼谷瑰麗酒店
▼曼谷瑰麗酒店行政客房
【香港瑰麗酒店 海景客房入住報告】
小編今次被安排入住32樓嘅海景客房，雖然係基本房間，但係梳化同床分隔明顯，喺其他酒店可以叫做Studio Room。房間面積570呎，係香港酒店基本房間算數一數二大。
海景房間
由於高樓層，所以景觀算開揚，望一半尖沙咀景、一半維港景，不過對面既廣告版有少少礙眼。客房設計以舒適家居為主，走現代英倫風格。房門後係一條長走廊，中間有個小櫃，有啲似剛返到屋企放低鎖匙既感覺。反而係個廁所走浮誇路線，雲石大浴缸加多上塊全身鏡，女仔打卡一流！
▼客房海景景觀，一半尖沙咀景一半維港景
▼房間面積570呎，係香港酒店基本房間算數一數二大，配備圓枱、床尾及窗邊小梳化
▼雲石浴室及大浴缸，被多塊全身鏡包圍住
服務
大部份同事都好有禮貌，行過會同你打招呼。星期日入住都幾多人，感覺到同事有少少分身不暇，例如打電話落Reception，連續幾次都無人聽，結果打去Concierge反而有人聽。房間內有唔少貼心位，亦都包括左一條三合一充電線。不幸地小編個條唔work，唯有又打落去問，好彩今次一打就通，可惜換左幾次都唔得，直至同事講公司用既質素唔太好…咁唯有算啦~
唔少高級酒店都會提供浴鹽，尤其係見到個咁靚既浴缸，可惜小編係房間搵唔到，一問之下原來係同事無放到係房。正既係浴鹽配有香草，味道都幾香而且比較少見。
早餐
可以選擇in room或者落去Lobby旁邊的Holt’s Cafe。餐廳以本地茶餐廳作概念，可以點各樣的香港地道菜色。早餐以Semi-buffet形式，推介的Continental Selection有啲常餐既概念，可以中西混合揀一款主菜加兩個配菜。Semi-buffet有各式包點同水果，最驚喜既係有菠蘿包同餐包。早餐味道正常，最大敗筆係普遍唔夠熱，粥同咖啡只係和暖，加上望馬路景，性價比不算高。
▼茶室Holt’s Cafe
▼早餐Semi-buffet有菠蘿包同餐包
設施
作為香港頂級新酒店，泳池景無得輸！無邊際加上維港港島景緻，令游水變成一件賞心樂事。泳池用既唔係較傳統的淺藍色，而係深藍色，當天色一般的時候，就會有「海池一色」的感覺…
▼戶外天際泳池
▼戶外天際泳池
總結
硬件上的確係超哂班，所以用嚟打卡都值。但係軟件上仲有唔少可以進步的空間，先配得起呢個身份，希望下次有機會體驗到另一個Rosewood。
香港瑰麗酒店Rosewood Hong Kong坐擁壯麗的維港景緻，極致宏偉奢華，由入住一刻已經致力提供住客最豪華待遇！細緻到由24樓起的客房樓層，每一層都設有專屬的「Salon」，俾賓客喺「Salon」享受美酒或茶，締造輕鬆舒服的空間。
▼無邊際泳池
2 comments
請問香港人入住額外房價9折要點先有，官網唔見
呢個優惠暫時無咗，可以睇下其他~