#今晚要住你 Klook Staycation 抵得祭嚟到第三日，有大家都好熟悉嘅香港維港凱悅尚萃酒店，今次仲要有三個唔同嘅優惠比你揀, 咁啱小編之前自私住過一次，可以同大家分享吓！

預訂： https://flyagain.la/1x5j

【酒店】一間酒店三款優惠！香港維港凱悅尚萃酒店住宿優惠，每房連buffet只係$970起！11月30日前入住
詳情：https://flyagain.la/86884

房間：小編入住嘅正正係海景客房，房間整齊企理，都叫舒服，不過可能座向問題，維港望到少少，如果以為會望到整個維港嘅，可能會差少少。另外，海景客房並無浴缸，想浸浴嘅朋友可能會有少少失望喇。

至於Buffet方面，小編就食過佢早餐及午餐。小編私心評價嚟講，佢個早餐都幾多常見嘅港式早餐、好似雞尾包、湯粉類、雞蛋仔之類嘅，都叫比個貼近我哋成日食嘅早餐，不過佢個奄列用盒裝蛋漿開，如果你條脷超勁嘅，可能會覺得蛋味弱咗啲。其他都係中規中矩。

至於Lunch，小編就覺當日嘅冷盤弱咗啲，刺身唔太有味，靑口有啲發育不良，沙律反而有驚喜，有泰式木瓜沙律或廚師用芝士輪即場撈嘅凱撒沙律，食熱食同甜品都可能會開心啲，多選擇之餘亦都好好味。痴肥小編非常欣賞嘅地方，係佢有枝裝汽水任飲，真心無得輸呀（當然，食得自助餐，就唔好飲咁多，蝕章呀）！水果都好甜，唔會話雪到凍冰冰無乜水果味！雪糕輪盤有成12種XTC雪糕，正所謂「減肥？聽日先」，每款食一球啦！但個輪盤蓋開不停開關開關, 尾段去拎已經有啲溶。

不過要留意嘅，就真係好多人去呢度Staycation ，拎嘢食可能要花啲時間喇！