35
3
0
港鐵灣仔站 A1 出口, 步行約6分鐘 繼續閱讀
電話號碼
21386808
開飯介紹
榮獲米芝蓮一星的「潤」中餐廳由星級名廚洪志光師傅執掌,以當代手法演繹傳統粵菜。洪師傅悉心設計的菜單精選優質上乘食材,打造出精緻、創意十足的時令菜餚,為饕客帶來與別不同的餐飲享受。菜式充分展示洪師傅豐富的餐飲經驗和精湛廚藝。 繼續閱讀
獎項殊榮
米芝蓮一星餐廳 (2020-2021)
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
付款方式
Visa Master 現金 AE
座位數目
76
其他資料
Wi-Fi
酒精飲品
自帶酒水
切餅費
泊車 詳細介紹
外賣服務
加一服務費
食評 (48)
等級4 2020-12-30
749 瀏覽
之前試過 St Regis嘅 Lenvol, Drawing Room & St Regis Bar 都非常滿意 今日終於有機會黎試下佢地嘅米芝連一星中菜餐廳 Rùn潤服務一如既往的好 餐廳環境好舒服同乾淨 安排左我地坐窗邊 雖然有1.5米社交距離同二人限制 但佢唔會為左坐多啲人而加塊膠板分開客人 多過二人就要坐響另一張枱 正正因為佢地呢份堅持 響Rùn食飯仍然會比到五星酒店嘅感覺你 店員好友善 不停幫我地加茶 而且每碟菜送上枱嘅時候都會逐一介紹錯過咗佢哋11月份食蟹嘅menu 12月份嘅menu又唔係好啱我地 所以最後我地決定食點心🥢三文魚籽蟹肉菜苗餃🥢瑤柱帶子滑燒賣🥢西班牙黑豚肉叉燒腸粉🥢娘惹香辣咸水角🥢錦繡球黑椒和牛酥🥢金蒜龍蝦春卷🍚櫻花蝦烏魚子炒飯🥄椰果石榴甘露 最驚喜同最好食嘅係佢嘅烏魚子炒飯 第一次食烏魚子 煎得好香 配上炒到粒粒分明嘅炒飯 我從此又識多樣好野食🥰另外較impressed 嘅係佢嘅西班牙黑豚肉叉燒腸粉 可以滿足哂我又想食叉燒又想食腸粉嘅願望 叉燒肉質同肉汁都拿捏得好 腸粉皮薄又滑 再加上醬油一流其他點心味道同賣相都相當出色 但就唔會有好大嘅驚喜最後要提下佢嘅甜品石榴甘露 顏色好粉紅 通常見到呢啲色都會覺得好假好藥水 呢個石榴甘露完全顛覆左我嘅諗法 食落去好清新好天然 配上椰果口感更佳⚠️聽講呢到有茶藝師但唔見有茶藝師為我地介紹🍵⚠️私心推介St Regis嘅所有餐廳⚠️沒有景觀 但其他野搭夠⚠️口罩套很美 我已經儲齊全套✌🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-14
0 瀏覽
👇🏼海苔腰果,美味配搭,腰果的脆加海苔的香,增添好吃之味👇🏼蜜餞西班牙黑豚肉叉燒(半份)$184,叉燒的質感一流,肉質軟腍,蜜味豐富,表面焦脆甘香,實在是完美的演繹💯,令人再三回味的美饌,推介🤩👍🏼👇🏼錦繡球黑椒和牛酥$128,美其名,賣相精緻,外層酥鬆,淡淡的黑椒味伴隨和牛餡料,潤的創意點心👇🏼乾炒頭抽和牛炒烏冬$268,和牛嫩滑,芽菜爽口,烏冬蘸上鮮味的頭抽,成就了這碟惹味的炒烏冬👇🏼海苔九肚魚$208,又是創新之作,外層漿粉超薄鬆化,內裏魚質嫩滑,面層灑上海苔碎,味道更錦上添花,推介👍🏼溫馨提示😉,要快吃,才可吃到最佳的質量👇🏼送的甜品,椰汁馬豆糕和開心果曲奇 繼續閱讀
(以上食評乃用戶個人意見 , 並不代表OpenRice之觀點。)
等級2 2021-02-13
0 瀏覽
終於黎到瑞吉酒店staycation今次亦都係book左套房送2000dining credit既package發覺萬豪集團既高檔次酒店全部都係咁玩法因為禁晚市關係本身係book左夜晚食潤既但都同之前住麗思卡爾頓一樣要改1445呢個時段食餐廳單字一個潤由總廚洪志光一手建立一年內就將潤升格成為米芝蓮一星餐廳以往曾經係文華廳同國金軒任廚既洪師傅同之前食過滿福樓既孫師傅原來曾經係拍檔黎洪師傅幾次出走孫師傅都會再次搵番其實我覺得呢個行頭可能都幾細幾間酒店總廚其實都係fd黎而我地一入門口就見到洪師傅行左出去確認到有開工今日安排坐係度窗口位雖然無景睇本身上次去天龍軒呢個early dinner就已經少客今次係潤亦都係得少少地四五檯客其實呢我真心覺得潤呢間餐廳真係無乜中菜廳feel大部份餐檯都係四四方方再加上佢地朝頭早會用黎做酒店既早餐一早就已經搬晒朝早所需既餐具同碟係度令成個感覺唔係幾暢快真係你唔講都無人會覺得呢間係中餐廳而我地張臺呢雖然有放左個靚靚可以重用既口罩套係檯面但明顯地我係少左隻茶杯既而且我真係第一次食呢種酒店級既中菜係無檯布既無可否認開始去多幾間呢d中菜廳係真係會拎黎比較既人亦都開始比較挑剔但擺盤少左樣餐具又真係幾唔細心同埋餐檯黎講真係去咁多間最細既呢張堅係雙人檯黎雖然都放得落幾碟送鮮花擺設格離張檯唔知做乜擺完中菜設定又執走佢之後又改早餐設計咁潤亦都係少數有茶藝師駐場既中菜廳全港只有幾間頂級酒店中菜好似嘉麟樓 龍景軒 欣圖軒設有茶藝師潤緊隨其後成為一份子原本想開壺靚茶見識一下手藝結果好失望咁都只係得一壺外觀透明既茶壺擺左上黎而並無茶葉表演呢壺係經理兼茶藝師既Kezia chan推薦既花茶送既花生同xo醬餐牌同天龍軒唔同呢個時段都仲有點心供應既官網就無點心menu而chope同我地今日見到既點心menu亦都非常之唔同唔知係咪會成日轉menu呢之前去天龍軒都講過頂級酒店既點心數量係可以改既今次問過都可以不過最少要兩粒起咁就每樣點心都按人頭點左兩件今次係第一次係酒店食點心點心就無預期佢會逐度上架啦而個次序都應該無咩標準第一個上既係荔芋餐包原本我係想試下佢地菠蘿包今次只得荔芋包都試住先但都幾有驚喜外層好脆芋味亦都好夠除左點心仲有叫左幾樣主餐牌既項目今次就無好似之前咁散叫幾樣扮set無湯無主糧無甜品算係比較亂黎鍾意食咩就叫咩但第二度就上左主餐牌既煙薰鵝肝其實我不嬲都唔好鵝肝滑sansan咁不過呢個招牌菜黎已經賣相唔錯擺上檯仲有煙由下面噴出黎一盤六件每人三塊係太過份如果有專屬點心可以一齊食就更好第三度係龍蝦腸粉138蚊只得一分為二兩件而其他同價位既腸份係有成六件呢份龍蝦味唔出就覺得比較唔抵食糯米小丸子以為只係一舊飯粒但裡面係肉丸黎同埋有幾粒魚子醬幾得意食完見到個籃下面有好多窿窿娘惹咸水角水果造型但其實係咸點呢度點心設計都幾有心思創意度十足味道又唔錯平時唔食得辣既女朋友都話一d都唔辣招牌點心和牛酥之前book晚市都有d失望係無得叫呢個今次轉左午市就可以點得到繡球造型雖然食落好簡單但睇宣傳師傅話係功夫菜黎另外其實仲有一款招牌點心龍蝦春蝦直頭列入左主餐牌入面不過因為早餐可以食得到就唔洗點食完點心侍應有幫我地換過隻碟同天龍軒名字一模一樣既黑毛豬叉燒叉燒醬另上一份十件半份就五件價值184蚊同天龍軒差唔多價不過就多一件唔知係疫情定因為第三輪午餐關係要預先pre order食落去都淋既但就無天龍軒咁大件咁滿足就唔知係咪都係用上膊頭肉不過呢個咀就無可避免咁會整污糟張檯西班牙黑毛豬就試左幾次啦下次試埋嘉麟樓既匈牙利鬈毛豬睇下又點唔同壓軸係冬季菜單既粉皮蒸白鱔肉好實而且好入味好好食再加埋下面d粉皮絕對可以用黎做主糧一人一份都不為過更重要既係呢籠鱔連一百蚊都唔洗係好難相信會係酒店出現既價錢參觀埋廁所同房一樣都係用上銅器水龍頭今餐無叫甜品不過餐廳都有美點雙輝送番桂花糕同自家制既開心果餅乾塊餅幾好食瑞吉酒店所有餐廳都無入到萬豪大中華七折名單入面花茶每人九十六蚊係幾香既但我預想係會有部茶車之類既野所以覺得唔太值點左五樣點心再加埋叉燒等等無點甜品埋單一千二百幾萬豪gift card已經用盡係房價身上所以就無得再平個價位就一般由兩點九食到四點半都差唔多兩個鐘食物係好食點心仲幾有特色但我唔知係呢個時段少客關係定酒店cut cost啦並唔係話侍應有西面等唔舒服既情況但就覺得唔算好專業或者同餐廳有做埋早餐有關而且即使叫左款貴茶係人客唔多既情況之下大部份時間都要自己手動斟茶覺得個服務係追唔上酒店級數上次天龍軒即係覺得侍應無咩笑容但我都覺得佢地係專業既潤既侍應比我感覺就好似只係純粹有禮並無太用心既感覺而且仲要無檯布成日聽講話呢間餐廳值得上更多星星但係我今次既體驗係呢間餐廳仲有好多進步空間而聽日去埋既L'Envol都有同一樣既感覺服務算係比中菜好但都會有甩漏而食物都唔算特別好食唔覺值得升格兩星我自己個人就認為呢間瑞吉酒店真係過譽晒走果時其實已經見到職員係一直係度準備聽日早餐好多酒店都只係因為原早餐餐廳容納唔到咁多客所以開放自己既星級餐廳提供早餐時段好似文華扒房同珀翠咁但潤係由始至終都係瑞吉既早餐餐廳我就覺得真係唔係咁合適 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-12
0 瀏覽
今日係我生日,妹妹幫我慶生因為疫情嘅關係我哋只可以食下午飯。菜單如下:煙燻滷水鵝肝(2件)點心三弄 黑魚子糯米小丸子,娘惹鹹水角, 三文 魚仔蟹肉菜苗餃, 西班牙叉燒蝦乾龍蝦藜麥腸粉杏香荔茸松葉蟹鉗原個椰皇海帶燉鮮鲍豉油雞百合杞子魚湯浸豆胚栗子紫米西米露煙燻滷水鵝肝(2件)呢個煙燻滷水鵝肝先會用一個蓋嵌着,然後會慢慢打開,煙燻會喺個底度慢慢升上嚟,需要即食會感覺到有濃濃嘅煙燻味,而且鵝肝入口即溶,必試點心三弄 黑魚子糯米小丸子,娘惹鹹水角三文 魚仔蟹肉菜苗餃, 西班牙叉燒黑魚子糯米小丸子:把豬肉放入熱熱的糯米中然後造成一粒小丸子,個口感好好肯Juicy娘惹鹹水角:綠色那一個蘋果的就是鹹水角,主廚用了一塊樹葉作為底部的裝飾,睇得上他對菜式要求度是挺高的!三文 魚仔蟹肉菜苗餃:皮做得很薄好,很精緻,三文魚子混合菜苗餃這個組合很新鮮。西班牙叉燒:我特別叫總廚安排這個西班牙叉燒給我吃,上次他還是在國金軒做總廚的時候,我愛上了他的叉燒,好味到啦。所以今次要再食,佢私下同我講半肥瘦嘅叉燒,而且係西班牙嘅,燒出嚟係最好味嘅!蝦乾龍蝦藜麥腸粉呢個腸粉嘅口感非常得意,外面是趣博博的入邊就包住龍蝦肉,值得一試😋杏香荔茸松葉蟹鉗呢個呢好味道真係唔識講,好似以前我哋酒樓食嘅蟹鉗咁,但係呢佢就包左一塊塊嘅杏仁片,而裏面呢就係包住新鮮嘅蟹鉗肉,再攞去炸,新鮮嘅蟹鉗肉好有彈性,一試難忘呢個湯而家係我第二次飲啦因為第一次飲完之後覺得太好飲,所以今日再encore!首先係將個椰子嘅水攞出嚟,然後再放入煲湯嘅材料例如雞,元貝,在加回椰子水,放入燉爐,再燉幾個鐘,呢個湯非常清甜!值得一試$399 豉油雞叫了半隻豉油雞,總署跟我說這裏的豉油雞是非常出名。特別係歌雞皮非常之香口,入味,但因為我已經差不多有八成飽了,只吃了兩三夠只好打包百合杞子魚湯浸豆胚百合杞子魚湯係一個比較有保養嘅湯,再加上豆苗,不錯的一個菜式今天因為是我的生日所以總廚也為了我,安排了這個生日熊貓,壽包,杏仁餅,椰汁糕一份。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-25
210 瀏覽
堅正!好多米芝蓮餐廳都係虛有其表,但係呢間真係除咗精緻之外食物真正高質素,今日去食點心樣樣都好食,好多陣時去呢啲餐廳之前已經有期望,結果就會失望,到呢度唔單止唔會失望而且仲喜出望外,鹹水角太出色,必推!蛋白杏仁茶食得出係自家磨製味道濃郁現時冇一間糖水舖做到咁好食,chief 好有heart! 繼續閱讀
(以上食評乃用戶個人意見 , 並不代表OpenRice之觀點。)