陳展鵬Staycation慶祝結婚兩周年　單文柔「警告」：要專心陪我！

2018年10月13日，陳展鵬和太太單文柔正式拉埋天窗，好快就生埋寶貝囡囡小豬比。眨下眼結婚2年啦，呢日佢地放低囡囡staycation二人世界，分別喺網上分享，酒店送上靚靚佈置，陳生陳太都戴帽現身，單文柔仲公開「警告」老公：「唔好左望右望專心陪我！」

陳展鵬和太太單文柔結婚後一直恩愛，不過好多時都要三人行，難得二人世界陳展鵬居然唔專心，老婆笑言：「唔好左望右望，今日係Anniversary ，你前世情人瞓咗，就專心陪我！」單文柔仲話自己花盡心思搵餐廳慶祝，周年紀念好似變咗老公生日，「陳生」表示好滿意咁話。