美聯物業 Midland Realty 覺得好有挑戰性。

【香港奇趣地名逐個捉】の「諸事喱」

今日係學生哥開學大日子﹗小編梗係要應吓景,幫大家補習「中文X歷史」題,就地取材由香港地名入手。

咪睇香港彈丸咁細,暗藏唔少離奇地名,「紅毛嬌」、「諸事喱」、「狐狸叫」、「狗屎圍」、「蟹鉗咀」、「難過水」…呢度即係邊度?認真估你唔到﹗

話說唔少街名地名取材自日常生活,人名、動植物、食物、俗語…奇趣名字背後有段故。由今期開始,小編帶大家捐窿捐罅,逐一拆解箇中迷思。

~~~~~~~~~~~~~~~~~~~~~~~~~~~~~~~~~~~~~~~~~~~~

【諸事喱】
(zyu1 si6 lei1)

【位置】
中環「美輪街」(Mee Lun Street),連接歌賦街、荷李活道嘅石級路。

【詞義】
「諸事喱」泛指諸事八卦、求知慾超強嘅朋友。原來那些年「諸事喱」係指酒樓殘羹冷飯,即係「大嘥鬼」最痛恨嘅「廚餘」﹗

【前世】
19世紀末,中環「美輪街」係鼠疫疫區,重建後開咗間大酒家,引咗班小販喺門口霸地頭開檔賣小食,傳聞用「諸事喱」(酒樓餸頭餸尾)招呼食客,但你有你負評,佢有佢生意旺到冇停手,從此「諸事喱」成為「美輪街」嘅花名。

【今生】
今日「美輪街」一樣係食神朝聖地,懷舊茶記「勝香園」遠近馳名,招牌名物豬扒脆脆、鮮茄豬扒公仔麵你一定食過﹗麻石石級X三棵冬青樹係條街嘅signature,沿途開咗唔少個性小店同特色畫廊,成為文青人氣蒲點。

就地搵樓?立即Click睇:http://goo.gl/tLk2wt

未提供相片說明。