速成班
Signal VS Whatsapp私隱設定
如果係關注即時通訊軟件私隱保安的朋友，相信都會聽過下SIGNAL 呢個APP。SIGNAL 係目前私隱保安度最高嘅APP，咁我呢條片就會教大家點樣去SET SIGNAL，我覺得有 5 個必要學嘅功能。如果唔想咁易俾其他人HACK 咗，記住睇哂成條片呀！
咁其實大家最近因為疫情既關係，都用多咗好多軟件去溝通，香港的私隱專員公署，都出咗通告提醒大家要加强網絡保安。包括咗加强密碼，Wi-Fi無線網絡的安全，安裝防病毒軟件，把文件加密呀等等，但係… 日防夜防，你自己果部手機，特別係你用來同朋友，客戶傾計嘅APP，有冇做好保安措施呢？
如果大家DOWNLOAD 左 SIGNAL 嘅話，相信可能對佢嘅操作介面有少少失望，覺得唔係咁user friendly。當然啦，呢隻APP 係SEL PRIVACY。
#1 Signal 的Disappearing Message 一看即銷功能
咁第一個教大家用嘅FUNCTION, 就係 disappearing message，即係當你睇左個MESSAGE後，會喺你指定時間內自己DEL，你可以把訊息銷毀時間SET 做 5 秒，或者一個星期。當然啦，如果你係用來傾公事，想有留底，你就唔好用呢個功能啦.
#2 Signal 的View-once Media 功能
第二個不錯的功能呢，我覺得相當唔錯，就係 View-once Media。有時你想SEND D 相呀，或者圖片俾比你朋友，都可以考慮用呢個功能，只要在SEND 之前，按呢個BUTTON，咁就唔怕比人偷睇到你SEND咗乜相片比人。同時，接收果睇完一次後，係唔係好高私隱度呢?
#3 Signal 的Screen Lock 保安 功能
咁第三個我都好鐘意嘅功能就係 Screen lock，呢個係一個好基本嘅電腦保安功能。即係你平時返返下工想去廁所，你會都LOCK 左個SCREEN，但係呢個咁重要嘅FUNCTION，我地用返嘅WHATSAPP 都仲未有。你可以在SIGNAL 設定裡，SET返一個LOCK SCREEN 時間，要用指紋解鎖，咁，就算唔小心比人執咗部機，都多一層保護啦。當然，我想讚一個SIGNAL 有一個細心位，就係轉APP時都可以Set Screen Block。係唔係好細心呢!
#4 Signal 的訊息通知功能
第四個特別提升PRIVACY嘅設定，就係NOTIFICATION。唔知大家平時同朋友食飯，或者坐埋一齊時，唔小心看到人哋部電話，彈D 短訊通知出嚟呢？當然啦，我知大家都係唔小心看到，但如果睇到一D 自己唔應該睇到嘅嘢，就唔係咁好啦。SIGNAL 就有一個好好嘅私隱功能，就係你可以選擇，不在通知時顯示人名、內容等等，只係會顯示有新消息，幾好幾好!
#5 Signal 的重點不同：Sealed Sender
我想喺呢度，同大家解釋下，SIGNAL 的一個好核心嘅加密功能，叫做Sealed Sender。SIGNAL 團隊當然係用「點對點加密」,即係點對點加密技術，佢哋覺得依家應用，喺WHATSAPP 嘅點對點加密技術，雖然會加密訊息嘅內容。但係有d META DATA，例如邊個係發信人、邊個係收信人呢D 資料，其實係仲未加密。換句話來講，如果有人截取到WHATSAPP 用戶之間的訊息，雖然佢係無乜可能睇到MESSAGE 嘅內容，但係邊個係發信人，幾時、那裡、用乜IP發出，都會睇到。因為呢D 資料係未加密的，情況就好似你雖然把你封情信入咗去信封，用D口水封住咗個信封，幫你送信嘅同學仔雖然睇唔到封情信 ,但係都會知你寫信俾邊一個同學仔。SIGNAL 就把點對點加密更上一層樓。就連邊個發係信人資料都加密埋，佢只係負責派信 ,佢哋自己都唔知道邊個係發信人，因為個名都加密咗，只有收信果個人，拆開封信時才知道.
#5 Signal 是Open Source，開源碼 ，公開透明運作
SIGNAL 同我哋用開嘅WHATSAPP，有一個好重大嘅分別，而呢個分別，就係佢點解可以成為網民投選，最高私隱度的即時通訊APP。就係，SIGNAL 係OPEN SOURCE 㗎！當然，你會問我，OPEN SORUCE 即係點？嗯，咁我哋係唔係都好怕D 通訊軟件，向第三方透露我哋資料？例如之前有人話，WHATSAPP會將資料傳送比FACEBOOK，又或者安咗某D APP之後，成個PHONE BOOK SEND咗上太空之類。當然啦，有D 傳言係真，有D 傳言係假都唔出奇。但係，問題嘅根源，係由於我哋睇唔到呢D 軟件嘅原始碼。當然啦，佢地呢D IT公司，又點會公開佢哋嘅原始碼俾我地睇呢?
唔係話有乜鬼鼠嘢，而係一公開咗原始碼佢哋咪無錢賺LOR！但係，SIGNAL係一間非牟利組織，佢哋根本唔係為咗賺錢，至於佢哋係為D 乜?你自己上去佢地官網睇返。佢哋把SIGNAL 嘅原始碼公佈，最重要嘅原因，係想在全世界人嘅監察下，做出一個高保安度，無第三方干擾嘅即時通訊軟件.
#你會放棄Whatsapp, 轉用Signal 嗎？
我哋係可以隨時睇到佢軟件裡面每一句CODE，你發現到有唔妥，可以即時修正。就算你唔識寫RPOGRAM，呢個世界仲有千千萬萬嘅人，幫你去睇實SIGNAL有冇問題。同時，如果你唔中意用佢哋部SERVER，你自己都可以起部私人SERVER用SIGNAL，呢種咁公開透明嘅軟件，絕對係中意高私隱度嘅用家最愛！
今日嘅分享就到此為止啦，如果你鐘意我哋條片，就麻煩你俾我LIKE 我，訂閱我們的YOUTUBE 頻道，記得去點止學嘢網站睇下有乜新課程報啦!
Signal 參考資料
https://signal.org
https://www.theverge.com/2020/2/24/21150918/european-commission-signal-encrypted-messaging https://en.wikipedia.org/wiki/Signal_(software)
