Below is a snapshot of the Web page as it appeared on 5/12/2024 (the last time our crawler visited it). This is the version of the page that was used for ranking your search results. The page may have changed since we last cached it. To see what might have changed (without the highlights), go to the current page.
Bing is not responsible for the content of this page.
Un'ordinamentu giurìdicu in deretu est su cuncordu de sas normasgiurìdicas chi regulant sa bida de una comunidade; cunforma a su brocardu "ubi societas ibi ius", est a nàrrere ue bi (at) sotziedade bi (at) deretu, sos ordinamentos giurìdicos sunt a s'ispissu identificados cun sas organizatziones soberanas, pro nàrrere sos Istados, sas Federatziones e sas Cunfederatziones de Istados.
Classificatzione de sos ordinamentos
Originàrios e derivados
Un'ordinamentu giurìdicu podet èssere originàriu opuru derivadu. Est originàriu cando non faghet derivare sa soberanidade sua dae mancu un'àteru ordinamentu, pro nàrrere: s'Istadu, sa Crèsia, sa Comunidade internatzionale); est imbetzes derivadu cando sa soberanidade cosa sua no est nen dereta ne immediada, ma ispigrat sa soberanidade de un'àteru ordinamentu (sos entes territoriales e s'Unione europea sunt esempros de ordinamentos giurìdicos derivados). Su deretu de s'Istadu si cumponet de duos chirros mannos: deretu privadu e deretu pùblicu, cada unu cun sas partziduras suas.