影片
港鐵石門站B出口或第一城站 D 出口，步行8分鐘
繼續閱讀
電話號碼
36531168
開飯介紹
位於沙田的酒店餐廳，設270呎的自助餐桌，提供各式各樣的多國菜，如晚市時段供應: 即開生蠔、鐵板燒及爐端燒、日式天婦羅、自家製意大利雪糕、Häagen-Dazs雪糕、冰鎮龍蝦、長腳蟹等。自助餐亦設有下午茶、晚餐時段。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關獎賞計劃
相關文章
新年約成班好友聚餐，大家都不約而同揀咗自助餐！今晚黎到主打粵式海陸盛宴既Alva House，帝逸酒店ALVA HOTEL BY ROYAL一向口碑甚佳，令大家都好期待💗Alva House推出全新「粵．嚐．食」海鮮自助晚餐，精選環球時令優質食材，匠心巧製各式手工佳餚，今晚同好友們一同嚐盡經典滋味🌟頭盤、沙律菜，有新鮮沙律菜、橄欖油及特色醬汁；仲有清新味蕾既海蜇手撕雞沙律、泰式鳳爪沙律、蟹肉芒果牛油果沙律等🥗另設時令水果區，推介少見既蜜柑、車厘子、蜜梨，哈密瓜、西瓜等切成片裝方便食用，新鮮又香甜！更有多款日式前菜，如味付螺肉、芝麻八爪魚、中華汾律等，好有童年回憶，中學時期最愛食🤪 🤪🧀冷盤有齊芝士拼盤、Cold Cut、煙三文魚、風乾火腿，煙三文魚每次一REFILL就引來長龍，滑順絲柔、帶點煙燻鹹香風味，的確出色～🦞冰鎮海鮮有即開生蠔、冰鎮龍蝦、麵包蟹、海蝦、蟹腳、青口、翡翠螺等，即開生蠔柔滑肥美、極富濃郁海洋氣息，愛蠔者必試！麵包蟹膏肥肉美，飽滿蟹肉夠哂結實！冰鎮龍蝦肉質鮮甜味美，Q彈又爽口！🇯🇵刺身即叫即切，有油甘魚、阿根廷赤蝦、希靈魚、帆立貝、吞拿魚、三文魚等；壽司款式亦頗多，最推介迷你魚生丼飯，細細碗有齊三文魚子、香蔥吞拿魚腩蓉、帆立貝及海膽，鮮味十足！🇯🇵日式美食仲有即炸天婦羅、即燒串燒，師傅們一整晚忙過不停，持續出品REFILL，每次取天婦羅同串燒都係熱辣辣香噴噴！滋味升級！🥢中式美食有老火菜乾湯、蟹粉小籠包、迷你佛跳牆，三款都好多棒場客！我就最愛迷你佛跳牆，聞落香濃撲鼻，精選多種昂貴食材，包括鮑魚、花膠、瑤柱、竹笙、花菇等，同熬煮湯頭相互搭配，鮮香甘甜，令人回味無窮！另有秘製片皮鴨、中式烤乳豬、豬腳薑、杭州排骨、花膠鮑螺片、海南雞飯，同好友一致最愛水煮龍躉片，由新鮮龍躉炮製而成，魚肉嫩滑辛香，溫補祛寒一流～🍜粉麵及粥均有供應，推介鮮味龍蝦鮑魚粥，由新鮮蝦頭熬製成綿滑粥底，再配上龍蝦、鮑魚，可再自選配料，食得更滿足～🍴西式美食點少得自助餐必備既燒牛肉，估唔到仲有我最愛既威靈頓牛排！忍唔住ENCORE咗幾次～酥皮鬆脆金黃，包裹着鮮甜多汁既牛肉，脂肪含量低，口感豐富、層次多元，出色！另有燒羊髀、紅酒牛尾、黑松露粟米餅、忌廉青口、西式餐包、超濃稠番茄湯，而鍾情澱粉質朋友必試海鮮意大利麵及南瓜蟹肉意大利飯，飽肚滋味之選～🇮🇳異國美食今期有印度美食～印度羊肉咖喱及雜菜咖喱，配印度烤餅、印度米，100% matched！仲有好友大力推薦既迷你薄餅，餅皮薄脆，餡料鹹香。☕飲品提供凍、熱檸檬紅茶，水及自助咖啡機。🍮甜品同樣精彩豐富！兩大甜品櫃放滿色彩奪目既甜品，款式甚多實在令人睇見都興奮！！是夜有一大班好朋友，大家開心SHARE嚐盡多款出色甜點，尤其推介榴槤類，芳香濃郁、甜中帶甘，榴槤控既大家都表示好滿意！推介炸榴槤酥、榴槤奶凍、榴槤斑斕慕絲蛋糕、斑蘭榴槤蛋糕、榴槤卷蛋！🍰另外亦試咗蝶豆花果凍、雲呢拿芒果百香果慕絲蛋糕、意大利芝士餅、焦糖燉蛋、麵包布甸、荔枝啫喱、焦糖香蕉朱古力蛋糕、芒果拿破崙蛋糕、鮮雜果千層酥、楊枝甘露布甸、伯爵茶歌劇院蛋糕、紅桑子朱古力蛋糕、冰糖燉木瓜雪耳糖水等，滿足一眾甜迷胃口，真高興～🍨甜品櫃旁邊就係自家製意大利雪糕，必試陳皮老薑雪糕，大廚特意用上廣東三寶之二 - 陳皮＋老薑，精選遠年陳皮配以老薑搾製薑汁，陣陣陳皮香氣夾雜微辛薑香氣息，清香獨特！另有蜜柑雪葩、蘋果山楂雪葩及榴槤控最愛既榴槤雪糕，嘆盡咁多款中西式美食加甜品，今晚真係滿足又開心！
繼續閱讀
用餐日期：2024/04/23可用餐時段：12:00-14:30，2小時30分鐘用餐費用(每人）：$236餐廳環境：環境整潔乾淨 冷氣足 檯與檯之間闊落 坐得舒服服務：服務員服務態度好 收碟及時 食物及時refill 沙律吧：有約4款沙律菜 21款配料 5款已調好味的沙律 5款醬汁 2款火腿片 1款煙三文魚片 沙律菜沙律配料新鮮選擇不錯味道也好 煙三文魚味道好但有點偏咸 如有黑醋醬/柚子醋更好 推薦 芝士：有3款常見芝士 味道正常冰鎮海鮮：有6款(青口 蝦 藍青口 翡翠螺 蟹腳 龍蝦腳)試了蟹腳 味道鮮甜不咸 推薦刺身/壽司：有5款刺身(吞拿魚 三文魚 阿根廷赤蝦 立魚 希靈魚）10款壽司 試了2款刺身 希靈魚味道正常 吞拿魚多筋味道一般 不推薦麵包：有5款麵包 試1款 味道正常 如有提供麵包烤烘機加熱更好 湯品：有1款中湯+1款番茄湯 試了番茄湯 湯夠濃不咸味道好 推薦熱食：有約18款熱食+12款烤物(烤西冷+烤羊髀+烤雜錦腸+烤乳豬+烤雜菜+烤牛仔骨+5款串燒+烤薯格)+7款炸物+6款印式+麵檔 試了烤西冷+烤羊髀+咖喱牛肉+烤紫薯+幾款菜 這家的烤西冷是預先切好壘在一起 因沒保暖關係拿到手時這牛扒面已結了一層肥膏觀感很差 牛扒因提早切開變凍關係牛肉已變硬實質感 羊髀也烤得過熟偏乾硬 味道一般 其他的幾款都味道正常 甜品：2款中式糖水(豆腐花+紅豆沙)+約21款西式甜品/糕餅+3款曲奇+2款糖果+朱古力噴泉+窩夫餅 試了豆腐花+紅豆沙+檸檬撻+芝士蛋糕+芒果蛋糕 豆腐花和紅豆沙麵夠熱一起混和食味道很好 另3款西式甜品也不過甜味道好 推薦 雪糕：有5款獨立包裝的haagen-dazs雪糕 選了個人最喜愛的士多啤梨味 haagen-dazs雪糕用料天然味道很好 士多啤梨雪糕有不少真士多啤梨在內 推薦 水果：有4款 其中2款沒去皮 試了2款去皮的 味道正常鮮甜 如所有水果都去皮更好 推薦飲品：有果汁 熱茶 熱水 檸檬切片 2部可出奶類的熱咖啡機 試了Latte 這家的Latte奶泡夠厚實咖啡不苦味道好 推薦 總結：這家環境舒適 服務員服務態度好 拿取食物不用怎排隊 現在kxday有買一送一優惠後自助午餐價錢吸引 沙律菜海鮮熟食麵檔甜品水果雪糕飲品都選擇多味道好 如烤西冷烤羊髀不過熟即叫即切肉質更嫩滑 有提供麵包烤烘機 柚子醋/黑醋醬 更好 整體是值得推薦的自助午餐餐廳自助餐環境：
繼續閱讀
沙田地方大，酒店多的是，現時在石門区也不少，這家在石門站附近的酒店雖不太高級，但環境幽靜，人跡罕見，非常合適放假休息。我們在附近按摩後來到酒店lobby,休閑休息一下，聊天，十分休閑。他的英式下午茶套餐，下午茶的底层是咸點，有煙三文魚、煙火腿的面包或餅，蛋糕則是傳統的巧克力蛋糕、草莓蛋糕等，味道不太甜，且新鮮制作，口味特別鮮美。配搭也可選鮮果汁，咖啡。選擇還可以。另一个菜是四式三文治，廚子用了四款不同的面包配襯四款不同的火腿、三文魚等，，再配上脆口的薯條，是下午時分最好的食品。
繼續閱讀
人均選擇$600-$700/位的自助餐九龍地段選擇多～但食物種類、味道、用餐時間及空間真心Alva Hotel 係幾不錯。沙田帝都門口或者石門站都有shuttle bus 直接去到，就算由第一城站或石門站走過去都係10-15分鐘內，地點都非常方便。相同價位既有朗廷或者朗豪酒店、香格里拉、JW,但講食物品種都唔夠Alva hotel.係度book staycation book埋有discount .沙律前菜都6-7款。是晚泰式鳳爪沙律不錯❤️一般刺身類有6種，當晚有三文魚、吞拿魚、赤蝦、油甘魚、八爪魚、希靈魚。海產類有款，是日有青口、蟹腳、面包蟹、生蠔、蝦、龍蝦，熟食有40多款，是晚鵝肝多士、鵝肝炒飯、蟹羮⋯⋯都很好吃，另外串燒、東南亞美食，還有榴連主題十多款甜品，意大利精品雪糕、雪芭，及一般精美甜品十多款，甜品。季節水果3-4款。美中不足，飲品只有凍熱檸檬茶水及熱茶啡，但係也是很好的。回頭率高，所以不時都會返吃☺️
繼續閱讀
湊埋小朋友黎食，就係貪佢5歲以下免費😍Lunch buffet 都超多野食，真係喜出望外。午餐都有生蠔、長腳蟹任食已經難得👍刺身、壽司、沙律、天婦羅、串燒、燒味，竟然仲有乳鴿食，食物種類多。甜品都有成廿款，仲會限時推出火焰雪山蛋糕，另外仲有生果、乳酪、Häagen-Dazs 、自家製意大利雪糕，竟然有榴槤味添😍仲有手調飲品。超多野岩小朋友食，仲有珍寶珠任食😂除左食，仲有全場圖書任睇。另外仲有遊戲區，有得玩充氣彈床，同埋賽車Game。真係完全唔使驚會悶親小朋友🤭
繼續閱讀