221
81
96
| 餐廳: | KITCHEN |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
港鐵九龍站 D 出口, 步行約1分鐘
繼續閱讀
電話號碼
37172299
開飯介紹
KITCHEN餐廳以現代化和時尚風格為設計主調，提供多元化和國際化的經典美饌與創意美食，滿足各位饕客愛吃愛喝的慾望。餐廳內大部分的座位皆面向維港西面，可一覽無遺地欣賞海港美景。
繼續閱讀
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | KITCHEN |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
食家推介
相關文章
-𝐊𝐈𝐓𝐂𝐇𝐄𝐍 𝐛𝐲 𝐖 𝐡𝐨𝐭𝐞𝐥今次黎試左 「環球營火燒烤」 自助晚餐🦀估唔到有唔少新加坡菜式係個人幾中意! 後尾先知原來果幾款亦都係酒店既highlight ✨W酒店既自助餐特別之處 就係一晚會有3道限量驚喜菜式 一人一份⭐️⭐️⭐️每當有鈴鈴聲響起 就要拿拿林去搵係邊度派餐 每次聽到都會不自覺地好興奮又緊張🤣當晚就有花膠鮑魚 + 芝士焗蟹蓋 + 火焰雜果雪糕🥳餐廳環境非常寬敞舒適 多人同時間拎野食都唔會覺得迫個人幾欣賞餐廳擺設同設計 以酒店自助餐黎講 自助區域係屬於開放式廚房類型空間雖然唔算好大 但食物既種類好多!🔥Global Campfire BBQ' Dinner Buffet ($638/pp)🦞 冰鎮海鮮區款式多 樣樣都好新鮮 包括開邊龍蝦 / 海螺 / 藍青口 / 翡翠青口 / 帝皇蟹腳 / 熟蝦 / 麵包蟹 / 蜆 等等 就連醬料都多選擇 個人幾中意個蛋黃醬配龍蝦一齊食🍣壽司刺身區有三文魚 / 北寄貝 / 吞拿魚等待既刺身 同埋多款壽司卷物可以揀～🥗前菜區除左有沙律基本款之外 仲有多款芝士 (連Burrata都有得任拎!) / 火腿凍肉 / 乾果 / 果仁及餅乾 / 麵包 等等 驚喜既係就連潮州滷味都有! 🔥熱葷區西式 印度 日式 粵菜 烤海鮮樣樣齊 當中包括香草燒羊架 / 烤蠔 / 烤蝦 / 日式雞串 / 燒和牛肉扒 / 釀魷魚筒 / 烤墨西哥粟米 / 胡椒蟹 / 味噌三文魚 / 蘿蔔牛筋腩個人特別推介惹味的胡椒蟹配炸饅頭 🥰蟹肉煮得剛剛好 肉質非常!非常!非常之嫰滑然後配炸饅頭係當晚既重點 蘸一蘸茨汁 勁好味!🍲主食區高度推薦喇沙 - 湯底既椰奶香味相當濃郁 配料有鮮蝦 + 魚蛋 + 豆卜 加埋秘製叄巴醬 夠晒惹味 呢個真係有瞬間去左新加坡 / 馬來西亞既感覺!另外仲有一中一西既湯品 當晚有藥材烏雞湯 夠晒養生~ 🥧甜品區高度推薦流心斑蘭咖央葡撻同豆腐花❤️另外仲有即席表演火焰雜果雪糕 / 特濃朱古力蛋糕 / 西米糕 / 珍寶珠 / 迷你雪糕 / 開心果草莓蛋糕 / 馬卡龍 / 芝士蛋糕 / 紅莓奶凍 / 榛子撻 / 小泡芙 等等 自助餐黎講 呢個甜品數量真係不得了 淨係食甜品都飽晒~整體黎講 都係性價本極高既自助餐選擇🥳600蚊位除左包基本汽水茶咖啡之外仲包左任飲氣泡酒 / 紅白酒 / 啤酒 非常罕有😍重點係餐廳內大部分既座位都面向維港可以一覽無遺地邊食邊欣賞海港景色~如果早少少去仲可以睇到由日落到夜景!
繼續閱讀
食物方面：-刺身新鮮，只有兩款，三文魚同希靈魚-海鮮新鮮，選擇多😆-熟食9成都好好味，好夠味，肉質好好😋而且選擇多，比較推薦係燒腩肉，燒蝦，三文魚👍🏼-甜品得個外表靚，基本上就冇一樣得，好甜，冇香味😛唯一就係哈根大師雪糕，而且係罕有既抹茶味😆服務方面：員工都有禮貌，但收碟比較慢，另外可以早啲俾顧客入座，而家要等到12:01先開始安排入座環境方面：-都舒適，有海景，傾計都舒服性價比方面：-午餐$300幾蚊一個人，價錢屬中高，如果甜品都好食都幾抵如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆
繼續閱讀
聖誕黎到W hotel 食Lunch buffet，5歲以下小童免費👍 冷盤方面有凍蝦、凍螺、青口、藍青口、龍蝦仔同麵包蟹，居然冇長腳蟹同生蠔，有D失望。刺身有三文魚、吞拿魚、八瓜魚同希靈魚，至於壽司方面，得幾款，款式唔多。 熱葷方面得十款度，不過勝在有火雞🐓應下節。另外仲有D點心，居然有芝麻卷。 全場最吸引應該係D甜品，超靚，超吸晴，有十幾款。 整體黎講，食物選擇唔算多，夾野食既地方又較為擠迫，可取之處係甜品吸引，同埋5歲以下小童免費。
繼續閱讀
黎w酒店 6/F，同老公慶祝生日🎂 限時三個半鐘既自助餐，我地2個鐘戰敗左！ 超飽飽飽飽！！ 服務好好～～依家真係好多酒店都無應有既服務！ 同埋我好欣賞呢間餐廳，每次有新鮮既野食都會用搖鈴通知客人去排隊！ 手快有手慢無😙😙收碟收得好快，服務員全部都好有禮貌😊啲座位都坐得好舒服，早去仲可以有窗邊位坐睇海景😍😍我地食左2個鐘飽到想嘔🤣 埋單走！ 其他人應該會覺得我地好蝕環境擺設好靚，整體好舒服好有美感 ❤️❤️值得再去🫶🏻🫶🏻🫶🏻 推介！！！！🔸龍蝦🌟🌟🌟🌟🔸牛扒🌟🌟🌟🌟🔸羊架🌟🌟🌟🌟🔸豆腐花🌟🌟🌟🌟🌟🔸蟲草花雞湯🌟🌟🌟🌟🌟🔸甜品🌟🌟🌟 偏苦，唔岩我口味🔸壽司 🌟 不推介😞🔸燒腩仔🌟🌟🌟
繼續閱讀
本身都有少少期待，但係食完真係覺得唔抵食，入去冇幾耐頭15分鐘內龍蝦已經冇晒, 冇晒一段長時間，佢都唔加龍蝦。去到後尾好多海鮮清咗，佢都唔加。我唔係upload咗同一張相上嚟俾大家睇兩次，而係唔同時間出去，海鮮吧都係冇加過任何嘢。而且我覺得好明顯係特登唔加，因為佢唔係唔夠人手，我見佢係有人企咗喺度做其他嘢，或者唔做嘢都唔會加番啲海鮮。因為我一次都唔係攞好多嘢食，所以我頻頻出咗去好多次，但係都唔見佢有加海鮮，食咗成晚得出嘅結論就係佢啲海鮮只係30分鐘內會輕輕加少少，跟住就唔會再加。認真講，一間自助餐佢收人都唔係一個好平嘅價錢，仲要今晚係年尾呢啲時間佢收嘅價錢就更加貴，但係啲質素竟然係咁差，其實真係好令人失望，基本上出面好多自助餐平過佢都做到不斷refill海鮮，我完全理解唔到點解佢呢間做唔到。
繼續閱讀