2
1
1
電話號碼
21091205
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
優惠
95折
PHD薄餅博士$50 現金劵
$47.5
$50
早前經過見到PHD推出咗新Pizza, 覺得有機會係期間限定🤣所以就外賣番去試試！.首先要讚一下我嘅專屬外賣員😂運送番黎都無變形！急不及待襯仲熱嘅時候就食😋.比想像中好食，係較杰身嘅豉椒汁，亦偏鹹…但啖啖咬落都好豐富！平時食某啲批總有d位係空d少d味，呢個完全唔會！好啱重口味人士💁🏻♀️（加咗芝心邊我居然都夾份食到半個批🍕，證明好食）蜆肉都算多啦！合格以上。..葡汁雞皇飯係水準之作，汁好多夠哂撈飯。但記得唔好用白色嘅膠匙羹🥲，洗唔甩隻色…...加多咗個蒜蓉包，反而唔算香同重口味，個人覺得較普通，都係鐘意外脆內軟嗰款蒜蓉包。..呢餐超級滿足！厚批pizza+個飯其實都夠兩個人食了～😋
繼續閱讀
今次第二次叫外送PHD 🍕 ⬇️四人餐唔使三百其實好抵食，當然知道PHD冇Pizza Hut咁好味但想食佢嘅炸雞但又想食下Pizza所以就網上訂PHD。⬇️喺佢個網站即時預訂，夜晚8pm落單俾埋錢顯示8:52pm預計送達。住喺新蒲崗佢就顯示彩雲商場PHD製作同埋送！因為疫情關係而家唔會送到門口，一定要係大廈Lobby自己拎。⬇️好似得三款薄餅可以選擇、千島海鮮多寶或者一個有牛肉既。上次叫咗千島海鮮太多醬濕到一個點，今次叫多寶但係好可惜PHD冇得揀薄批、一係普通厚批一係加$19轉知心批咁我揀返普通厚。⬇️小食就係和風炸雞、意粉類揀一個好多選擇最後揀咗蕃茄海鮮長通粉。四杯嘢飲可以免費揀珍珠奶茶或者紅豆奶茶同埋好多加$選擇、最後揀咗珍珠奶茶加紅豆奶茶加兩個湯。外賣速遞記得Online揀滿指定價錢有送雞翼四隻，而且可以加$1有蒜香包。⬇️星期六夜晚送遞都好準時、8:50pm電話響起叫我落樓下拎。速遞姐姐都好有禮貌真係熱辣辣！一早上網俾咗錢就唔使錢銀交易。⬇️和風炸雞真係好食！不過今次少啲醬但依然好味。免費送嘅雞翼全部野入面最好食！或者下次可以單點。Pizza真係好一般好少料而且餅皮好厚，長通粉其實唔好味冇乜味道、之前叫過芝士菠菜雞肉飯都係冇乜味。⬇️粟米湯正常水準，珍珠奶茶啲珍珠非常硬、紅豆奶茶好好多。最後嗰塊$1蒜香包係必點，唔係即刻食我第二日放入焗爐焗返熱配火腿炒蛋就係一份薄脆蒜蓉多士早餐！要注意返嗰個蒜香包唔係平時Pizza Hut果一款黎。⬇️咁多嘢食而且星期六都可以咁快送到係可以接受、個薄餅食唔晒第二日焗返熱仲好味！不過始終佢啲薄餅係真係輸俾Pizza Hut。
繼續閱讀
食評開始之時先講句題外話，就是我之前在上手戶口，曾寫過兩間炸雞食店的食評，都是評價他們廚房製作，走濃厚韓國風的鹹蛋味道「黃金鹹蛋炸雞」。之後我的上手手提電話戶口，因為手機電話報銷，而令我後來在某連鎖炸雞快餐店裡面，食過限定推出的「黃金鹹蛋炸雞」，那些相關食評因為上手手提電話報銷而胎死腹中，相隔大約三個月後我再次食到「黃金鹹蛋炸雞」。不過今次賣「黃金鹹蛋炸雞」的食店，不是大型連鎖集團快餐店，而是薄餅店「薄餅博士PHD」。昨日我前往慈雲山之前，就曾經在「彩雲邨」巴士站旁邊的「PHD」購買過兩件「黃金脆香雞」。可惜昨日看完電視綜藝節目，打開「黃金脆香雞」外賣盒的時候，發現「黃金脆香雞」的外層脆皮，很快已經軟掉變腍。儘管「黃金脆香雞」裡面的鹹蛋鹹鮮味未有變質，但當時炸雞溫度已經因為我遲遲未食而冷掉，始終未能作準。炸雞冷卻驅使我在翌日，要再幫襯「PHD」多一次。幸好「PHD」還有一個比其他薄餅店多出的優點，就是「PHD」餐廳裡面，原來還有堂食檯櫈座位，提供一眾臨場上門光顧「PHD」的朋友。「PHD」的薄餅跟炸雞一樣，都是奉行快餐店的銷售模式，即是食客需要先到收銀櫃檯面前付款購票，然後才能慢慢等候「PHD」廚房店員製造食品出來。於是我在「PHD」購買的兩件，很重鹹蛋鹹味的「黃金脆香雞」，跟「PHD」下午茶茶餐裡面的牛肉薄餅「PHD珍寶」，再加「PHD」裡面製造的手調綠茶飲品「凍芒果椰果綠茶」，需要等候大約三十分鐘。但是由於「PHD」裡面的下午茶飲品「凍芒果椰果綠茶」，基本上不需要什麼製作時間，我購票後不久，「凍芒果椰果綠茶」飲品很快已經順利造好，我一邊喝一邊等候「PHD珍寶」薄餅跟「黃金脆香雞」出來。果然「凍芒果椰果綠茶」飲品製作完成不久，「PHD珍寶」牛肉蘑菇薄餅跟「黃金脆香雞」已經很快製作完成，廚房店員立刻通知我，我立刻收到所有飲品食品。「PHD」下午茶茶餐裡面的迷你版本招牌薄餅，「PHD珍寶」表面的餡料包括了蘑菇、芝士、菠蘿、蕃茄還有牛肉。有芝士作為調味料的薄餅，「PHD珍寶」味道沒有理由會太淡薄。事實上迷你批版本「PHD珍寶」的芝士味道頗為濃厚，我從薄餅處拉起其中一件再扯起來，結果薄餅拉出了一條很長很高的芝士拉絲，芝士餡料裡面的芝士味道偏向比較酸，配合配合酸味菠蘿，味道效果就更明顯。至於牛肉在下午茶迷你批版本「PHD珍寶」裡面，牛肉佔薄餅裡面的味道其實不算很大。「PHD珍寶」裡面的牛肉被切成肉碎，所以牛肉的原有肉味，都被芝士的甜味跟菠蘿所掩蓋。蘑菇在「PHD珍寶」薄餅裡面所佔的味道也不算強，但是蘑菇起碼還有一個好處，就是蘑菇的口感頗為彈牙，可以跟甜味的芝士以及酸味的蕃茄醬互相配合，變成一道味道酸酸甜甜的迷你批薄餅。「PHD」的下午茶迷你批，雖然只是非正式常餐，但是薄餅實際的大，比我預期之中來得比較大，我的手掀起「PHD珍寶」迷你批的其中一角享用，享用過程因為拉出大量芝士而變得有點困難。至於「PHD」下午茶茶餐配備的手調飲品，台灣風手調飲品「凍芒果椰果綠茶」，實際製成品體積比我預計來得更大，整杯飲品的份量很大，就連飲品的芒果甜味，也比我預期來得更甜。「PHD」的手調「凍芒果椰果綠茶」飲品，始終不是台灣手調黑糖珍珠鮮奶飲品，「凍芒果椰果綠茶」裡面沒有口感煙煙韌韌的黑糖珍珠，只是口感偏向比較硬的椰果，感覺稍為遜於黑糖珍珠鮮奶。不過，「PHD」裡面的台式手調飲品跟隨下午茶茶餐一起上，大部分飲品的價錢即使昂貴也很有限，一杯甜味手調「凍芒果椰果綠茶」飲品，才港幣十元一杯而已，非常抵飲。我一路享用「PHD」份量又大，芒果味道又甜的手調「凍芒果椰果綠茶」飲品，再慢慢享用下午茶迷你批薄餅「PHD珍寶」，大約數分鐘過後，主菜食品兩件「黃金脆香雞」終於也造好了。我發現原來彩虹店「PHD」廚房，剛剛新鮮製作完成的兩件版本「黃金脆香雞」，兩件炸雞都幾乎是無骨炸雞，炸雞差一點就已經啖啖無骨，夾雜鹹蛋鹹香味的雞肉。雖然「彩雲邨」分店「PHD」銷售「黃金脆香雞」以及下午茶薄餅，都是近乎快餐店的售票模式，但是每件「黃金脆香雞」入口的時候，口感都是偏向有點熱度。雖然我在「彩雲邨」分店「PHD」裡面，完全沒有機會看到「彩雲邨」分店「PHD」廚房店員，實際上製作「黃金脆香雞」的狀況，但是估計「PHD」廚房店員還是會等候柯打來到，才油炸製作「黃金脆香雞」。所以我才能食到「PHD」廚房新鮮製造，溫度還熱的「黃金脆香雞」食品，而且「黃金脆香雞」實際的製成品，炸雞表面的炸雞皮還被炸得十分香脆。我一邊用手拿着「PHD」提的餐具，提起其中一件的「PHD」「黃金脆香雞」製成品，另一隻手拿着手提電話，一邊拍攝「黃金脆香雞」。結果「黃金脆香雞」在如此浪費時間和折騰的情況之下，「黃金脆香雞」雞皮的口感仍然有脆口感覺，炸雞皮裡面也有濃厚的鹹蛋黃醬鹹香味。最重要的是，「PHD」的兩件油炸「黃金脆香雞」食品，炸雞的表面也是油光滿面，新鮮炸雞炸出來的油份，佈滿了在兩件「黃金脆香雞」的炸雞皮，跟鹹蛋黃醬表面上，我為免弄髒雙手，所以選擇用餐具慢慢食炸雞。相對昨天我拿着「PHD」外賣自取版本的「黃金脆香雞」，一路外賣自取攜帶坐車前往慈雲山「慈正邨」，再在看完「Running Man」之後才享用「黃金脆香雞」，所以當時炸雞的口感稍為放涼變腍，這是我需要負的責任。我汲取了昨日，不小心把「黃金脆香雞」擱在一旁未享用，導致「黃金脆香雞」稍為放涼和口感變腍的教訓，今次我在「彩雲邨」「PHD」裡面，一等到「黃金脆香雞」上檯後，就儘快享用。趁熱享用的「黃金脆香雞」，「黃金脆香雞」裡面的鹹蛋黃味道非常之濃厚，炸雞裡面的鹹蛋味道真的很香，炸雞的鹹味相對下算是適中。而且「黃金脆香雞」雞肉裡面的味道，除了有鹹蛋黃的鹹香味和甜味之外，我還意外地食到「黃金脆香雞」雞肉裡面，有頗為濃和重的黑椒辣味，估計「PHD」廚房的人加了不少黑椒去醃製雞肉。「PHD」為炸雞醃製加入了黑椒辣味之後，再在雞肉雞皮的表面上，加上鹹蛋黃再醃製，令本來味道已經偏辣的「黃金脆香雞」，再增加了鹹蛋黃的鹹味、香味。雖然「PHD珍寶」迷你批裡面加入了不少牛肉碎，令薄餅可以食到不淡的牛肉味道，但是「PHD珍寶」迷你批的牛肉味再濃，還是不及「黃金脆香雞」裡面的鹹蛋黃醬味道那麼鹹香兼備。即使「PHD」兩件食品加手調芒果椰果綠茶飲品，價錢需要港幣一百元左右，我食完仍然覺得賺回成本了。
繼續閱讀
送餐好慢，送到黎啲french fries好淋🌚我啲雞粒同french fries啲比例係1:5完全好失望，其他分店好好多真心totally disappointed 希望有改善仲要啲french fries有陣味好差好失望🌚🌚🙄🙄
繼續閱讀
一向極小寫食評的我都容忍唔到， 這次的外賣食物質素，今晚剛收工便致电彩雲分店叫了一個送外賣2-3人薄餅套餐，當時接線生表明因公眾假期需等候約個半鐘，我覺得無問題亦合理，大約1個小時後。 薄餅套餐送到屋企， 當付款後預備享用晚餐時 ，發覺薄餅是凍的， 餅收縮哂看來已放了半小時或以上， 餐湯衹得微暖， 燒汁海鮮意粉，汁還汁，意粉還意粉 ，好似冇煮過咁， 係我人生中從未見過最差劣的薄餅套餐， 最後要自己再整理翻熱後先能進食， 跟住致电彩雲分店投訴， 並要求同經理對話，但經理連電話都不敢聽，都唔知乜嘢服務質態度，而無奈接聽的店員祇解釋因人多，所以D食物係咁，我哋表示明白， 不過我住宅同該店舖是隔兩條街，兩分鐘車程 ，我亦都冇什麼特別要求， 味道好與壞見仁見智 ，但係起碼都要熱，唔熱都起碼要暖， 唔係好似一堆凍既垃圾比客人食呀？ 仲有人客多及單多，係同送餐時間長短有關係，相信同食物嘅質素係完全冇關係， 希望為店舖要自我檢討及改進，不然相信客人必定流失。
繼續閱讀
您可能會有興趣的...