驚爆已婚！關宛珊爆Patrick Sir戒指藏泳褲
20171220
東網電視
更多新聞短片
關宛珊話同男友Patrick Sir結咗婚成年，當時喺關島註冊！
味之天使「蜜瓜」關宛珊（Kimmy）被指與男友《東張西望》主持Patrick Sir（林溥來）好事近，不過關宛珊回覆東網時，卻大爆原來已經與Patrick Sir成婚！她說：「其實都結咗婚成年㗎喇，不過一切從簡，只係喺關島註冊！因為想低調啲，所以冇擺酒，只係家人食餐飯，媽咪都話唔好搞咁多嘢，食餐飯算啦！」雖然婚訊已公開，她表示亦開心，一切順其自然。
談到求婚過程，她笑指Patrick Sir相當搞笑，當時二人在墨爾本的一個沙灘，不過Patrick Sir就古古怪怪：「佢叫我唔好落水，搞到我都有啲忟，然後佢喺水中、泳褲入面拎隻戒指出嚟求婚，我真係好Surprise，好感動，都喊晒，好彩冇咩人見到！」
現在已成人妻，不過她覺得沒有太大分別，因二人一直同住，不過大讚Patrick Sir婚後比起拍拖前對她更好，可能是因為多了一份責任感。至於可會生小朋友？她直言兩公婆都喜歡小朋友，都會想生BB，目前先調理身體。
談到被指在深圳選婚紗，她謂是在深圳改婚紗，她說：「之前做嘢嗰陣就影好多婚紗，所以都唔係好想影，但係老公話留個紀念，所以喺澳洲影咗！」
----------------------------
東網巨星開咗ig喇，大家快啲follow啦！