由有想法開設本地口罩生產工廠直至今日啱啱好4個月,4個月前一次被騙嘅經歷衍生咗開設口罩生產廠嘅想法,雖然被騙了6位數字嘅金錢,但今日諗返轉頭都要多謝呢位騙子,藉住啱啱一個季度同大家更新一下我哋各方面嘅情況。

首先要同最後一批未從智能櫃公司取件嘅朋友講聲唔好意思,希望各位可以理解有D物流嘅流程並非我哋可以全部掌控,經過呢次嘅經驗我哋下次會做得更好。

我哋知道響呢個行業我哋經驗尚淺,例如物流管理,生產管理等等,各方面我哋仲有好多好多不足之處需要向其他同業同前輩學習,而為咗有效咁改善各方面不足之處,由上星期開始我哋已經展開咗為期五個月嘅ISO 13485品質管理系統考核,嚟緊嘅日子我哋會努力確保一切生產都會係一個有水準嘅情況下進行,從而改善以往各種不足之處。

三色彩虹口罩我哋已經開始生產,我哋會依照我哋之前所列明嘅日期出貨,可能有啲朋友冇留意到我哋有兩個出貨嘅時間,第一批嘅出貨時間將會係7月15日或之前,第二批就會係7月31日或之前,而我哋所指嘅出貨時間意思係我哋將貨品交去物流公司嘅日子,希望大家能夠明白。

另外早前同大家提及過我哋正在測試Level 3 嘅產品,而昨日我哋接到報告通知已經通過咗Level 3嘅檢測,為咗增加產品及產能我哋嘅二號工廠亦正在建設中,預期下月底二號工廠就可以正式投入生產,繼而Level 3嘅產品就會推出。

而下星期五,七月三日我哋會發售七色彩虹版口罩,每盒會有七包,每個顏色有一包,每包有十個,每盒合共有70個口罩,詳細情況我哋呢個週末會詳細同大家講解,而我哋嘅團隊已經籌備好繼彩虹口罩之後另一個新嘅系列,日後再同大家分享。

最後要好多謝一路支持、陪伴同見證我哋成長嘅所有朋友,四個月嘅時間聽落好似好短,但過去嘅四個月入面對於我哋嚟講其實經歷咗好多好多,呢幾個月我哋收到好多支持同鼓勵,亦都收到好多批評同指責,所有嘅聲音我哋都有聽到亦都好樂意接受各方面嘅意見,我哋向大家承諾我哋會繼續努力唔會鬆懈,呢一個季度只係一個起步點,我哋仲有好漫長嘅路會繼續行落去,我哋誠邀各位見證同監督我哋去走呢條未來嘅路!

No photo description available.
No photo description available.
No photo description available.