妹妹生日快到了 上禮拜六提早與她慶祝 她最愛吃牛扒與龍蝦 又很喜歡吃自助餐 剛好看到灣景國際今期主題 正合她口味 款式又多 便決定訂位食Ｂｕｆｆｅｔ啦 灣景廳座位闊落 現代風格以木系作主調 我們坐在窗邊甚至看到夜景 打卡更加靚 食物分區明確 冷盤熱盤甜品等選擇甚多 最正是有即開生蠔 作為海鮮控表示滿意 熱葷亦吸引 一向少食熟食的...我吃了不少 - ◆ 冷盤 ᴄᴏʟᴅ ᴅɪsʜᴇs ◆ ⧫⧫ 凍海鮮 sᴇᴀғᴏᴏᴅ ᴘʟᴀᴛᴛᴇʀ ⧫⧫ 任食波士頓龍蝦爆膏彈牙鮮甜 妹妹大愛 最愛當然是法國生蠔 即開每次限取三隻 開得好快幾乎不用等 服務也值得一讚的 蠔偏細隻及瘦削 但味道鮮甜蠔邊亦爽脆 蟹腳蟹肉飽滿不會很咸 另外還有小龍蝦 冰鎮蝦/青口/東風螺/沙白 海鮮控很滿意 - ⧫⧫ 刺身 sᴀsʜɪᴍɪ ⧫⧫ 刺身款多 三文魚帶子甜蝦吞拿魚希靈魚 八爪魚及鯛魚等 三文魚肥美帶子亦不錯 - ⧫⧫ 頭盤 ᴀᴘᴘᴇᴛɪᴢᴇʀ ⧫⧫ 必食！ 風乾１８個月西班牙黑毛豬火腿 原隻即切即食 帶點橡果甜味的脂香鹹香 配上清爽哈蜜瓜片 咸甜交織相當有層次 鵝肝醬伴香檳啫喱 亦是相對有印象之一 晶瑩香檳啫喱配鵝肝醬與麵包 小巧精緻 基本的頭盤自然不缺 凍肉芝士沙律之類 雪化蘭腸芝士沙律及泰式鳳爪 頗有特色 - ◆ 熱葷 ʜᴏᴛ ᴅɪsʜᴇs ◆ 清蒸比目魚好軟嫩 片皮鴨不錯即切即包 辣炒海鮮 醬烤骨及避風塘炒蝦球夠惹味 香蒜粉絲蒸扇貝及小炒 直頭有酒樓感覺 燒牛扒炸廣島蠔 仲有豬腳薑自選湯麵等 - ⧫⧫ 鐵板區 ⧫⧫ 最吸引我一定係羊架 幼嫩之餘有羊羶香 牛舌非常厚肉咸香十足 仲有各種烤蔬菜 即煎鴨肝最受歡迎 勁厚切質地綿密甘香 - ◆ 重點菜式 ◆ ⧫⧫ 威靈頓牛柳 ⧫⧫ 貴為英國名菜 以酥皮包裹咸香巴馬火腿 裡面一層菇蓉再中間是牛柳 烤焗至金黃 外脆外嫩 做法費功夫的味口感層次分明 - ⧫⧫ 法式田螺 ⧫⧫ 在香脆酥盒內 釀入以白酒炒香過的螺肉 加入香草牛油及芝士焗 一致認同很好味 - ⧫⧫ 籠仔花雕蒸蟹糯米飯 ⧫⧫ 好多蟹呀份量好闊綽 下面是煙韌糯米飯 花蟹細細隻 蟹膏中帶點鮮甜與花雕酒香 淡淡荷葉香氣 撈埋煲仔飯豉油味道好夾 - ◆ 甜品及飲品 ᴅᴇssᴇʀᴛs & ᴅʀɪɴᴋs ◆ 甜品款式不算多 或者可形容為老少咸宜 除了各種蛋糕凍杯 仲有原桶豆腐花葡撻 朱古力噴泉及爆谷等 小朋友一定會喜歡 MÖVENPICK自然是最愛 足足有八隻味 青檸解膩最得我心 薄巧清爽又有脆脆感 雪糕再配上即製窩夫 冷熱相融零舍滋味 飲品有自助茶啡及懷舊樽裝汽水 很暢快 - 整體來講冷熱盤選擇都多 食物頗有水準 服務環境亦相當好 海鮮牛扒控可以一戰更多

車車之前嚟過好幾次灣景酒店Staycation覺得整體環境唔錯, 不過就無食過佢地嘅自助餐, 最近有朋友話佢地嘅自助餐都幾高質, 而且Cp值極高, 適逢最近轉左新自助餐主題做「鱈場蟹腳．鴨肝．鮮蠔」, 一聽到就忍唔住要即刻拉大book枱試下, 自助晚餐於是今晚車車就拉大隊一齊試試佢! 灣景國際灣景廳位於港島區灣仔北部臨海地段..., 搭車係灣仔站或會展站就到, 餐廳環境幾大, 整潔企理, 格調高雅, 旁邊嘅落地玻璃窗仲可以欣賞維港夜景, 食物款式幾多, 而且有多款海鮮包括加拿大鱈場蟹腳／即開法國生蠔／麵包蟹／鮮蝦/鮮蜆/藍青口/東風螺等等, 而日式刺身更有成6款咁多, 包括三文魚/八爪魚/鯛魚/北海道帶子/希靈魚/甜蝦／吞拿魚, 仲有勁多甜品, 未食已經好興奮! 加拿大鱈場蟹腳超大隻, 蟹肉鮮甜爽嫩超juicy! 車車食左勁多隻好滿足! 生蠔肥美爽口帶濃濃海水味! 鴨肝煎得好香, 口感滑溜細膩, 入口即化，配搭脆卜卜嘅小多士同意大利黑醋簡直絕配 唔中意生蠔嘅朋友仔亦有極邪惡嘅芝士煙肉焗蠔, 蠔肉上面鋪滿咸咸香香嘅芝士同煙肉再烤至金黄色, 味道濃郁, 鮮味十足 黑松露鴨肝蟹籽炒飯超足料, 黑松露香氣四溢, 配搭油脂甘香嘅鴨肝, 飯粒飽滿圓潤, 粒粒分明, 飯面上鋪滿蟹籽, 口感豐富又惹味 炸物有車車最愛嘅吉列廣島蠔, 日本廣島蠔鮮肥飽滿, 外層酥脆可口, 內裡軟嫩鮮味 傳統嘅法式焦糖燉蛋好多時都係係甜品果個area, 車車一開頭都以為甜品地區無位擺擺左去熟食區, 望真d原來係鴨肝焦糖燉蛋, 焦糖色嘅脆面配搭加入左鴨肝醬嘅燉蛋, 食落帶有鴨肝嘅鮮香味, 口感嫩滑, 估唔到又幾夾 除左海鮮刺身壽司外, 仲有各式新鮮沙律, 芝士切肉等冷盤, 仲有多款熱食香煎鴨肝 ／蜜糖芥末燒煙豬柳／香草烤羊脾／燒美國西冷牛扒／北京片皮鴨／香草脆皮豬腩卷／、紅酒燴牛尾／泰式紅咖喱炒青口／香煎海鱸魚柳等等, 而最最最驚喜嘅係, 竟然有豬腳薑🙈, 真係照顧到唔同客人嘅口味, 車車都食左兩隻蛋! 至於甜品區係車車另一個最期待嘅一環, 多款式之餘仲要超好食! 淨係有8款口味嘅MÕVENPICK雪糕已經好加分, 車車足足食左9個波!另外必試芒果拿破崙同班蘭焦糖燉蛋, 拿破崙頂層鋪上芒果肉, 咬落去脆卜卜, 入面有朱古力食落唔太甜好清新, 勁快比人搶哂! 班蘭焦糖燉蛋口感軟滑超creamy, 食極都唔膩! 除左西式甜品點少得有中式同港式呢, 有楊枝甘露／豆腐花／港式雞蛋仔／芋圓DIY／迷你葡撻／羅漢果桂圓紅棗糖水, 仲有小朋友至愛嘅朱古力噴泉等等! 真係好開心! 食飽飽想飲下野, 除左有茶同咖啡外, 自助飲品吧仲有玻璃樽裝汽水! 真係飲飽食醉大滿足😋更多

放假前夕，去咗食好耐無食嘅buffet大餐 位於灣仔會展站中間嘅灣景國際酒店，新出咗「鮑魚．黑毛豬」自助晚餐 - 沙律 - 香烤黑毛豬頸肉泰式沙律 - 豬頸肉鮮嫩多汁，加上香茅、蔥、辣椒等醃料醃製12小時，再於表面抹上椰糖，用埋東南亞醬汁夠晒惹味 日式鮑魚昆布沙律 - 口感爽嫩頂級8頭鮑魚配上清酒慢煮，肉質鮮嫩有彈性，柚...子沙律汁夠醒神 - 冷盤 - 麵包蟹 - 好大件多膏多肉，膏係橙紅色硬身，肉質鮮甜 新西蘭生蠔、藍青口、東風螺、沙白 - 鮮甜 - 刺身 - 三文魚、吞拿魚、北海道帶子、北寄貝、牡丹蝦等都係少不了的，仲有希靈魚、八爪魚、鯛魚等，最鐘意鯛魚，肉質好爽 - 熱食 - 香脆黑毛豬腩肉卷 - 貴為主題食物之一，油脂豐富，雖然邪惡但好腍，煮得入味好食，製作時間需要三日，絕對係誠意之作 香煎羊架、鴨肝 - 好鐘意，煎得香口，油份重 海鮮粥 - 好多海鮮，有魷魚、蝦仁，仲有鮑魚入饌，味道鮮甜 片皮鴨 - 油香濃，加蔥、青瓜包住食，非常滿足 鮑魚海味扒時蔬 - 呢碟有菜苗、花膠、蝦乾、瑤柱等海味，鮮甜十足，同時都係我最啱食嘅中菜，前後食咗5件 鬼馬咕嚕黑毛豬肉 - 黑毛豬梅頭肉肉質嫩滑，配上油炸鬼提升口感，糖醋汁酸甜開胃 仲有鯖魚、豬腳薑、汁煮青口等 - 甜品 - 有小朋友好鐘意嘅朱古力噴泉，配料有棉花糖、薩琪瑪、餅乾條 食咗豆腐花，有糖水、花奶等加添 多種味道movenpick 雪糕 仲有蛋糕、奶凍 免付加一優惠價，灣景廳：  星期一至四：成人$498 / 長者$468 / 小童$428 星期五至日、公眾假期及前夕：成人$538 / 長者$508 / 小童$478 *適用於2022年6月20日至8月31日 指定信用卡可享85折優惠 *指定日期不適用 *只適用於按原價計算 灣景廳 (灣仔) @theharbourviewhk 灣仔港灣道4號灣景國際1樓 灣仔站A5/ 會展站B3 皆可到達灣景國際，各出口只需步行約10分鐘 #foodie #hkfoodie #foodiehk #852foodie #foodblogger #hkfoodblogger #hkfood #hkfoods #hkfoodstagram #hkfoodblog #hkfoodpic #foodstagram #hkkol #ufoodphoto #hkig #hkigfood #hkhotel #wanchai #wanchaifood #hkdinner #hkbuffet #相機食先 #香港美食 #吃貨人生 #灣仔美食 #灣仔 #酒店自助餐 #香港酒店 #自助餐 #灣景國際更多

我終於開始我的happy summer 同老公食個dinner buffet 灣景國際灣景廳「鮑魚．黑毛豬」自助晚餐 勁吸引 黑毛豬及鮑魚入饌的款式都有好多 香脆黑毛豬腩肉卷 香烤黑毛豬頸肉泰式沙律 鬼馬咕嚕黑毛豬肉 梅菜煎黑毛豬肉餅 日式鮑魚昆布沙律 花雕鮑魚雲耳炆雞 鮑魚海味扒時蔬 鮑魚瑤柱海皇粥 仲有不少環球菜式及麵包...蟹、新西蘭生蠔、藍青口等冰鎮海鮮源源供應。仲有各式刺身包括三文魚、八爪魚、鯛魚、北海道帶子、希靈魚、甜蝦、北寄貝及吞拿魚等多達8種款式亦會源源輪流奉上 有熱食，有冷盤，岩曬各人的需求 記得留肚食甜品，雪糕仲要係MÕVENPICK，8款味道，一定岩心水。 另設自助飲品吧可供暢飲汽水及橙汁更多

灣景國際灣景廳，位於會展對面，雖然唔係最高級既酒店但環境真係唔錯，幾舒服😌餐廳都幾大，古式啲但都好雅致坐得舒服，拎野食一啲都唔迫 👍🏻拎個湯飲下先，平時我好中意飲中湯，但佢實在太似水，黑菘露蘑菇湯 望落唔錯，飲落味ok，但打唔夠水同蘑菇未完全混得埋，但都ok既😁 先試#生蠔，開定放係度既，較細隻，無乜肉亦唔太濃，間中有...一隻半隻濃啲啲，普通😼cold cut既三文魚 同火腿都算正常ok，刺身特別既有#有殼甜蝦 同 #帆立貝，都算幾鮮😍 #凍海鮮 黎喇，原來無蟹腳失望到🥲主題係蝦就一於食多啲蝦補數，#凍蝦 都算新鮮有啲一口既蝦，蟹籽加紫菜個個幾特別幾好味😋青口就正正常常，其他就算啦，所以返食左一大盤蝦，好爽😄 除左凍食，仲有熱盤既#黃金蝦，蝦仲用更大隻既虎蝦，蝦味都好濃，配埋咸蛋黃都好正好夾🤩白汁燴魚都幾好食，係膩左啲，翠塘豆腐配左櫻花蝦仔幾香幾唔錯，但唔夠滑，都算ok架喇😆 熟食驚喜居然係#清蒸沙巴龍躉，大條但蒸得幾適中，唔生又唔過龍相當唔錯，無乜人食好多，可以超正咁夾好多，肉質又滑又鮮，高質😙 相反地以為係賣點既片皮鴨，皮又厚醬又無味肉又硬🤨豬肉腸正正常常，#燒西冷 驚喜！坦白講好多高級自助餐既燒西冷都做唔好，但真心依舊幾好食，牛味都濃🐂 甜品設計唔錯細細啖一口，可以試好多唔同，最正係#朱古力噴泉 唔食得都玩得😉 整體黎講食物唔算高級，但環境同味道都ok，係一個舒服既體驗😇價錢唔算貴下都算係咁，有主題既時候黎應該好啲😀 lotsoeat @instagram @facebook @openrice @tripadvisor @google更多

大老細退休所以揀左食buffet，之前試過第二間麻麻所以黎試下呢間，灣仔office有exclusive offer加埋member再夾番錢，除番開都係每人$220左右都幾抵(不過聽同事講久唔久都加價，上一上官網睇11月開始呢個offer加到每位$208)。 食物種類都幾多，海鮮、魚生、中菜、沙律、甜品等等都有。比較特別係有豬...腳薑食🤣，忍唔住食左2隻蛋，同事食左豬腳都話好入味！ 🔅沙律 都幾新鮮，有幾款醬自己加，正常發揮🖖🏻。 🔅中菜 試左炒粉絲、炒飯同柴魚花生粥，炒同炸既都係唔夠熱。另外南乳脆炸雞同南瓜粿都唔錯，炸雞、咖哩角薯片都仲脆脆地既。 🔅海鮮&魚生 同事話普普通通所以我都無特別試😂。 🔅甜品 大阪燒同waffle都係有人喺隔離整，waffle自己加雪糕上去食幾正😝。可惜既係lunch buffet係無moven pick食🙈，得雀巢定唔知咩幾大桶雪糕，要自己做雪糕妹忽雪糕😂。 💬Overall都中規中矩既，雖然食物種類唔算超多，但$200鬆啲都唔錯，環境又ok坐得舒服，如果無折就唔太抵😂。 🥢灣景廳 📍灣仔港灣道4號灣景國際1樓 ☎️3909 9088 / 5721 2553 (whatsapp) ⏰星期一至日 07:00-23:45更多

天氣漸涼，秋意開始蔓延，秋高氣爽的氣候不禁令人食慾大動，今年中秋佳節就來到灣景國際灣景廳飽吃一頓「和牛」「蠔」滋味自助晚餐過節，來一場海陸盛宴展開食欲之秋。 餐廳環境寬敞，座位排得比以前更鬆動，充滿空間感，店員勤快收碟執拾，坐得舒服自在，食物refill 速度亦夠快。 進入酒店時會有員工替賓客量度體溫，所有餐廳員工及客人自取...食物時均會配戴口罩，自助餐區設置透明屏障，減低飛沫傳播機會，共用餐具每半小時更換1次，餐桌上提供即棄手套於使用共用餐具前戴上，讓食客吃得更安心。 全晚冰鎮海鮮源源不絕地供應，款式包括加拿大雪花蟹腳、美國及新西蘭生蠔、鮮蝦、鮮蜆、藍青口及東風螺等。 我自己尤其喜歡蟹腳，爽彈蟹肉雪白細膩，絲絲分明，鎖住原始鮮甜海味。 魚生刺身夠鮮美，款式多達8種，包括三文魚、八爪魚、鯛魚、北海道帶子、希靈魚、甜蝦、北寄貝及吞拿魚。 法國Fine de Claire生蠔及日本室津生蠔 (每位只限1客) 法國生蠔一向備受追捧，以海水味濃取勝，一入口先是海水的鹹，清冽得不帶一絲澀味，純粹自然，肉質肥美結實，口感充滿彈性嚼勁，蠔味留在口腔久久不散。另一款日本室津生蠔肉質肥厚，蠔味相對較清，擁有嫩滑清新的口感，微微的海水加上蠔身的鮮甜味道，在口腔內散發著奇妙的海洋氣息。 如果蠔痴嫌只有兩隻生蠔未夠盡興，其實自助餐區無限量供應美國生蠔及新西蘭生蠔，每次拿取時亦不限件數，可以瘋狂任食到回本！ 熱盤方面同樣貼題，換上多款以和牛或鮮蠔的特色菜。 芝士龍蝦汁焗蠔 焗蠔舖滿牽絲芝士，底層舖以蒜香菠菜，火候控制得剛好，不會焗得過久，將蠔身一啖滑入喉。 黃金砵仔焗蠔 用本地鮮蠔、雞蛋、芫茜及油條先蒸後焗，色澤金黃，香濃蛋香中滲出蠔鮮味。 鮮蠔蝦湯脆米泡飯 泡飯吸入湯汁更入味，後加的脆米入口脆卜卜，軟脆相間帶來雙重層次的口感。 吉列和牛牛肝菌可樂餅 麵包糠外層炸得金黃酥脆，內裡混免治和牛、牛肝菌及薯蓉，入口軟綿，每一口都滲透著甘香的肉汁。 三蔥鬼馬炒和牛 和牛肉質細嫩不過韌，炒得帶有焦香鑊氣，配上片片香脆油條，更添香口。 台式紅燒和牛面頰 牛面頰是牛肉中最嫩滑一種部位，肉質鬆軟，還有嚼勁十足的牛筋，牛味香濃，燘煮得極之入味。 香蒜和牛舌沙律 牛舌口感爽脆，配以惹味的香蒜調味，喚醒沉睡中的味蕾。 自助餐當然不少得燒美國西冷牛扒、烤德國腸拼盤及香煎羊架，肯定可滿足各食肉獸。 香煎鴨肝 每晚7時半起於鐵板爐區供應，油脂豐腴的鴨肝煎得表皮香脆並帶有焦香，內裡卻是軟綿順口，與脆卜卜的多士互相輝映。 北京片皮鴨 可說是這裡的buffet名物，每次來到我都必吃，由師傅現場即叫即切，鴨皮燒至赤紅色，閃亮發光。 餅皮軟綿煙韌，包著皮薄肉嫩的鴨肉、青瓜和甜麵醬，一口咬下唇齒留香。 不是每間酒店buffet 都會供應原條蒸魚，所以這裡大條又厚肉的清蒸沙巴龍躉也是我的心水推介，魚肉鮮嫩，不會蒸得過了火候，高蛋白低脂肪，可說是老少皆宜的菜式，而且最原始簡單的做法原汁原味，反而能更突顯出食材本身的鮮味。 沙律吧款式亦算多選擇，煙三文魚色澤鮮豔，脂肪條紋清楚利落，魚肉鮮美而有彈性。 海量甜品款式包括朱古力噴泉、豆腐花、窩夫、迷你葡撻、美式芝士蛋糕、蘋果金寶芝士蛋糕、蕃薯蛋糕、南瓜西米布甸、香橙慕絲蛋糕、朱古力蛋糕、法式焦糖燉蛋、藍莓奶凍、鮮奶燉蛋白、木糠布甸、野莓黑醋阿華田慕絲和白朱古力柚子慕絲蛋糕。 雖然已經吃到十成飽，但吃甜品的又是另一個胃 :p 野莓黑醋阿華田慕絲 阿華田慕絲充滿那陣熟悉的可可麥香味，mousse下藏有酸中帶甜的野莓醬，層次分明。 白朱古力柚子慕絲蛋糕 以金箔點綴的賣相矜貴高雅，法國白朱古力慕絲有如綿綿白雪，清新果香的柚子啫喱作間層，甜而不膩。 焗棉花糖麵包布甸 8時起會於甜品專區即席炮製，賣相精緻小巧，外面焗得香脆，內裏就如燉蛋般濕潤軟嫩。 蘋果金寶芝士蛋糕 以烤焗過的金寶碎灑面，夾雜著蘋果切粒，將天然酸甜果香與芝士蛋糕的濃滑交互融合，齒頰留香。 蕃薯糖水 正值入秋時節，來一碗驅寒暖胃的蕃薯糖水，可以一解秋燥。 原來中秋節吃buffet會有月餅放題 XD 相當應節，令節日氣氛更添濃厚。 一餐豐盛圓滿的buffet當然少不了任食Mövenpick雪糕，這裡供應足足有八款口味之多。更多