而家同閨蜜去旺角行街Shopping，仲可以去埋「香港康得思酒店」食下午茶自助餐順便Girls' Talk，坐低叉完電又可以再作戰啦！酒店自助餐餐廳The Place最近推出「日韓街下午茶自助餐」，有豐富日韓主題美食，仲有多款現場即製熱點同士多啤梨甜品，度過滿足下午時光。
飛轉日本韓國！週末日韓街下午茶
今次日韓主題啱晒咁耐無去日本、韓國旅行嘅大家～日式主題當然要有即製爐端燒，滋味串燒則有免治雞肉棒、雞肉大葱等；另設大阪燒、關東煮、即製章魚小丸子同即煮日式烏冬等。
即製爐端燒好有日本氣氛！
章魚小丸子都係即製㗎！
章魚小丸子鋪滿木魚碎，入口軟綿輕脆，仲有彈牙章魚肉！
走上韓國街頭 超拉絲芝士熱狗棒
韓式主題則有大人氣嘅街頭小食芝士熱狗棒、卡邦尼年糕、泡菜炸雞、韓式大醬湯等，真係好懷念喺韓國街頭掃街嘅旅行回憶呀！自助餐亦有精緻可愛冷盤—手握波子壽司、蕎麥冷麵、韓式涼拌菜等，源源不絕供應。
芝士熱狗棒有極量拉絲，芝士迷一定鍾意！
手握波子壽司精緻可愛，一啖一件啱啱好。
The Place 自助餐台加裝透明罩板，食得更放心。
甜點師設計！多款韓國士多啤梨甜品
甜點廚師Roy Ma 亦以特選韓國士多啤梨，設計多款精緻粉紅甜品，女生一定心心眼！如士多啤梨巴克斯芝士蛋糕、士多啤梨千層酥同士多啤梨開心果歌劇蛋糕等，屆時仲有即製銅鑼燒伴糖漬士多啤梨。
每人更可獲士多啤梨氣泡酒、士多啤梨朱古力奶 或 韓國蜂蜜柚子茶特飲一杯，同埋無限暢飲橙汁、水果茶同咖啡。
每位均獲特飲一杯，配埋韓國士多啤梨甜品真係充滿幸福感。
The Place「週末日韓街下午茶自助餐」由即日起，逢星期六、日及公眾假期供應。訂座請致電3552 3028。
下午茶自助餐時間及價錢
下午茶自助餐 | 逢星期六、日及公眾假期 下午3時15分至5時30分 | 成人: HK$338 小童及長者: HK$248 |
The Place
地址: 旺角上海街555號香港康得思酒店L樓層
電話: 35523028