本港新型冠狀病毒疫情持續，衛生署每日4點半都會舉行記者會公布最新疫情，相信大家見得最多嘅係衛生署衛生防護中心傳染病處主任張竹君。今日（30日）記者會就有記者問由1月中到今日，每次衛生署記者會都見到張醫生，網民都好關注佢嘅健康狀況，張醫生笑住答「多謝你關心」，又話「好多同事都係連續不斷地做嘢，所以我就唔係真係工作最長時間嗰個，可能仲係好啲嗰個嚟嘅」。
有記者連續問咗張醫生好多問題，「你幾耐冇放過假？你每日做幾多個鐘？工作量係點？其實政府內部有冇人可以分擔你嘅工作？」
張醫生笑住答：「多謝你關心，其實你哋見到我啦，但其實我哋成個衛生署所有人，包括署長、總監，或者其他你哋見唔到嘅同事呢，返工時間好多仲長過我，因為我要準備記者會，所以我留喺辦公室研究病例，同埋準備資料，都要好多同事嘅支持，但係處長、總監佢哋不斷都要開會，好多其他同事都要做緊其他唔同嘅嘢，例如係檢疫中心同港口衛生。」
新冠肺炎 相關報道：
相關字詞﹕抗疫新階段 新冠肺炎 新冠病毒 新型冠狀病毒肺炎COVID-19 新型冠狀病毒肺炎 新型冠狀病毒疫情 新型冠狀病毒香港 2019冠狀病毒病 衛生署 張竹君 編輯推介