從Ming仔關公災難看社交媒體生態 - Tiffany Suen - Medium

從Ming仔關公災難看社交媒體生態

Tiffany Suen
Nov 16, 2019 · 9 min read
mingjai喺接咗TVB嘅job之後開live,同網民傾自己嘅政治立場,隨之惹來極大反響,上萬計觀眾unsubscribe佢channel。mingjai此舉有如喺social media上表演迷你花式自殺。

有人話,Ming仔嘅問題喺唔藍唔黃,喺於呢個時勢仲保持中立,想食兩家茶禮。阮民安嘅言論,代表咗一般深黃對mingjai表態嘅反應。

阮民安喺mingjai出事後嘅Facebook回應

亦有人支持mingjai,話淺黃無罪,會繼續睇佢啲片。

我哋姑且睇下經過呢個風波之後,ming仔嘅訂閱人數下跌咗幾多:

Mingjai Youtube channel單單計算11月17日跌幅,跌咗34k,佔佢followers人數比例7%。數據證明,followers真係唔多buy mingjai嘅解釋。

而我相信,如果mingjai純粹喺衰喺淺黃度,唔會咁多人unsubscribe佢,再比Bob叔大力鞭屍。

人稱懷仔嘅Bob叔稱冇睇過mingjai嘅片,但貫徹佢一向敢怒敢言嘅性格,喺live怒屌mingjai。

只除咗淺黃之外,仲有幾條罪,令到mingjai咁黑人憎,following出現咗插水式下降。

呢篇文嘅用意並唔係譴責mingjai嘅綠絲立場,打落水狗,踩多一腳,而係想用我自己對social media嘅生態同communication strategies嘅認識去分析一下mingjai今次嘅風波嘅一啲啟示。

死因一:太多鬼唔知呀媽係女人嘅道理,比人感覺顧左右而言他

Mingjai花咗好多時間講,話深黃嘅人成日都會覺得自己係淺黃,並唔算深黃,但見到冇自己咁黃嘅人就會覺得佢地係藍;藍絲都係一樣。

Mingjai唔止一次喺live度講,話黃同藍,唔係discrete同非黑即白嘅,而係一個Spectrum。

你獨立睇Mingjai講呢啲嘢,就好似「媽咪係女人」,「犯法就係犯法」一樣,其實冇錯架。

圖片截自Jet與石永泰大律師名為《你忍心write off下一代嗎?》的專訪

不過人地tune in入黎你個live唔係想聽一啲等同阿媽係女人嘅道理,成日重複講呢啲比人感覺好condescending,閃閃縮縮,唔get to the point。

觀眾follow開你,想知道你嘅立場,你五個月黎做過啲咩,你可以話佢地八卦呀,但呢啲就係follow開你嘅觀眾想知道嘅嘢呀。

死因二:離地

Mingjai對藍黃嘅認知好似同社會共識嘅標準有相當大距離。

Mingjai話自己係淺黃,話自己其實喺企喺示威者嗰一邊嘅,但無論佢講嘅嘢定係佢做嘅actions,好似都support唔到佢對「自己係淺黃」呢個認知。

其實咩叫深黃、淺黃、淺藍、深藍,應該唔難揣摩,有睇過一兩集視點38、鏗鏘集、城市論譠嘅人應該都會知道。

唔好講有冇整文宣、有冇去遊行、有冇去現場幫手、有冇玩twitter、mingjai話自己每日睇超過五份報紙,一直緊貼事態發展,但竟然唔知道星火基金唔係買武器比示威者,而係提供經濟援助同法律支援嘅?

一個唔知星火做咩嘅人,話自己係淺黃?

當然,你仍然可以同有權利好主觀咁覺得自己係淺黃,正如百両金可以好主觀咁覺得自己好靚仔,只不過佢講出黎,大家當然會笑9 / 嬲9佢,因為呢個認知同社會嘅認知實在相差太遠!

死因三:失信

Building a social media following is all about trust.

Content creator同觀眾之前嘅關係就好似朋友一樣,如果呢段關係之中冇咗trust,觀眾唔再相信你呢個人係真誠嘅,佢地就會走。

道理就好似就好似維繫友誼一樣,當一個人唔再相信你,佢亦唔再會想做你朋友。

Mingjai成日喺live度強調一個人有唔表態嘅自由,一個人係有絕對嘅權利選擇表唔表態嘅,亦希望觀眾能夠尊重佢同佢地意見未必一樣。每個人當然都有唔表態嘅自由。但要搞清楚,觀眾respect你,唔代表佢地對你有足夠嘅鍾意去subscribe你。Subscribing is pretty big a deal. I’ve gotta like you (enough) to subscribe you.

當你講嘅嘢顯示唔到你係黃,你做咗啲咩又唔肯講,話要低調,好難怪其他人真係唔相信你有做過嘢架wor。因為你個actions同words都show唔到你有幾黃呀嘛。

Mingjai話,自己私人生活裡面做咗啲咩,係佢嘅privacy,好多嘢佢想低調咁做,佢只係將自己生活嘅2%擺喺Youtube。

作為一個網絡人(或稱為KOL或influencer),某程度上可以話你個生活就係你製作出黎嘅內容,將自己嘅生活2%擺上網,你叫人地點相信你?點能夠覺得對你有足夠了解,可以同你做「朋友」?

對於influencer黎講,一個好重要嘅quality同本錢,係transparency,冇transparency,好難build到觀眾嘅trust、歡心同loyalty。

死因四:自撚私

Mingjai比人感覺,好似care自己訂閱人數多過場運動。

Mingjai話喺呢個社會因為憤怒,好多人唔再會比benefit of the doubt其他人。但其實好多人都唔係喺mingjai宣布繼續喺CCTVB做節目嗰陣unsubscribe,反而係喺mingjai今日講完嘢之後先unsubscribe。咁唔通香港人又真係冇比機會mingjai解釋咩?

Mingjai成日話自己講完嘢之後,恐怕只會流失更多觀眾,佢表示有為此感到可惜同唔開心,但多次表明呢啲損失只係喺運動之中微不足道嘅collateral damage,但呢啲說話聽喺觀眾耳中,似係講比自己聽、安慰自己嘅說話多啲。事實上,真切關心示威者嘅人會唔會喺呢個時候仲討論咁多「應唔應該follow你」呢個話題,而唔係講多啲呢個運動可以點樣走落去,關心同悼念死咗嘅手足呢?

將自己多過講人地,已經比人感覺關心自己訂閱人數,多於後生仔嘅死活,比人感覺簡單黎講就係自撚私。

其實好多人都自私,適度嘅自私亦唔會比人屌。自私本來就係人性,但問題係呢一次嘅事件將佢嘅自私好樣衰咁放大咗,哀哉。

以上幾個原因已經足以令好多人覺得mingjai爭唔過,唯有退訂。

點解mingjai會搞成咁?

其實我唔覺得mingjai因為有咩大灣區好路數同賺人仔變成咁,我反而直覺覺得,佢係衰喺唔識用同理心對待佢嘅觀眾,又或者可以講係太過自我,導致今日咁嘅局面。

(另一個scenario:假設佢真心藍,藍到陳怡咁藍,其實都大有市場所在,所以其實mingjai唔需要擔心呢次事件之後就唔會再有人支持佢。(藍絲同中國14億市場確實係存在嘅,雖然mingjai話唔希望人因為政治立場支持佢,但就算觀眾係因為政治立場而支持佢佢亦阻止唔到。)

有人會問:香港人喺運動之後,係咪已經失去咗理性?

我相信唔係,有網民提出要寫聯署取消mingjai同佢老婆加拿大籍,我唔覺得如果有人咁做,會好多人響應,畢竟mingjai同actively促使警暴發生嘅er er sir同謝振中等人,evil嘅程度似乎不可同日而語。

結語 / 寄語:Youtuber唔可以淨係識得剪片。

我睇完mingjai段video之後,我都覺得好奇怪,點解平日伶牙俐齒嘅mingjai會咁豬嘅呢?我以上講嘅嘢都好簡單,唔通佢咁都唔明白?

或者只可以講:旁觀者清;當局者迷。Youtuber就算發展自己channel到一定規模,始終好難媲美一間公司,構思拍片idea、剪片、重要幫自己做埋PR,避免公關災難,一腳踢,的確唔容易。

希望以上嘅道理,mingjai會明白,亦都有更多Youtube creators能夠明白,唔會衝蹈mingjai嘅覆轍。至於佢點翻身,就睇佢造化喇。

mingjai喺live講過好多次,同理心好重要,諷刺嘅係佢似乎同理唔到佢地viewers,所以亦都避免唔到遭受到今次嘅關公災難嘅惡果。

其實講開又講,mingjai拍片嘅技巧係十分高超嘅,有人稱佢為香港嘅Casey Neistat。(但其實Casey都唔係淨係剪接叻架,人地都有kind(善良)同rebellious(叛逆)等等嘅values喺佢嘅片到展現到出黎架。)

Casey Neistat係有名嘅美國vlogger,亦以高超同鮮明嘅剪接同講故事技巧聞名。

希望mingjai從今次明白到,其實拍片技巧只係一個Youtuber嘅skill set裡面嘅其中一部分,淨係拍片叻,唔足以令觀眾一路比solid同loyal嘅support畀你。觀眾支持你,更加係因為你個人,你所代表嘅價值觀,所謂愛之深,責之切,有多麼愛,就有多麼恨,希望mingjai能夠明白,亦能夠做得好啲,重獲觀眾嘅喜愛啦。

最後,事後mingjai喺Facebook update,話都係會捐錢比星火。無論佢點樣比人罵都好啦,我都支持佢呢件事要快啲做、即刻做。畢竟比起人命,訂閱同like,又算咩呢?

Tiffany Suen

Written by

A Hong Kong-based English teacher and writer. Founder of Finnie's Language Arts. Imperfectionist. | youtube.com/finnieslanguagearts

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade