36歲Ming仔獻身TVB《一個人去旅行》開播 潛水4個月粉絲低位反彈?! | 最新娛聞 | 東方新地
mingJaiFeature

36歲Ming仔獻身TVB《一個人去旅行》開播 潛水4個月粉絲低位反彈?!

現年36歲的Ming仔(梁嘉銘)去年11月先後因與無綫合作以及就理大事件失言,短時間內失去逾11萬粉絲,自此人間蒸發、多個月來各個頻道「零更新」,但原來佢在事發前獻身無綫TVB的首個節目《一個人去旅行》正式於3月2日在TVB首播,據知此節目一再延期,贊助商亦因 Ming仔關係備受網民留言狙擊,節目在黃金時間播出,會否令Ming仔人氣進一步下挫?先睇睇過去三個月Ming仔在Facebook、Instagram以及 Youtube一共跌咗幾多粉絲先:

圖文:東方新地

直播失言 Ming仔Youtube失11萬訂閱!

如果陸浩明講錯沙士病毒源頭是「公關災難」,Ming仔在去年11 月的言行簡直可稱為「花式自殺」!作為香港初代 YouTuber嘅 Ming仔,原本Youtube頻道有接近 50萬 Follower,都可以算係新一代旅遊代言人,不過他在2019年11月16日網絡直播失言,沒有先認真了解目前社會狀況就進行評論,不但惹惱一眾香港網民,更因為捐款爭議觸發反修例運動支持者不滿。

在11月11日那個星期, Ming仔的youtube頻道暴跌8萬2訂閱!
在11月11日那個星期, Ming仔的youtube頻道暴跌8萬2訂閱!
其後Ming仔潛水再無新作推出,youtube的追蹤人數,4個月內由498,000跌到384,000!
其後Ming仔潛水再無新作推出,youtube的追蹤人數,4個月內由498,000跌到384,000!

Ming仔人間蒸發 極度深潛避批評

雖然後來Ming仔於Facebook上道歉及澄清自己的想法,但由於處理失當,網民似乎唔收貨,認為其想法「離地」,Facebook粉絲數2日內蒸發10萬,YouTube訂閱人數在16日當日暴跌2萬。網民表示唔想再睇佢,更建議其於另一YouTuber「達哥」組成「達明一派」搵食。自此Ming仔再無更新,近乎人間蒸發,其Facebook專頁人數亦因此由37萬大幅下跌至24萬,,YouTube訂閱人數也由49.8萬跌至38.5萬:

Ming仔的 facebook 專頁是另一重災區,「粉絲懸崖」由11月初開始,跌到1、2月仍有零星退讚,又由於持續多月再無更新,已經變成荒蕪「死Page」。
Ming仔的 facebook 專頁是另一重災區,「粉絲懸崖」由11月初開始,跌到1、2月仍有零星退讚,又由於持續多月再無更新,已經變成荒蕪「死Page」。

更新!節目開播後粉絲止跌回升!

令人意外的是,雖然Ming仔節目《一個人去旅行》談論及關注度極低、評價也頗為負面,但其facebook及instagram帳戶在節目啟播後,竟出現了「止跌回升」的現像。

節目沒有冠名贊助,集中介紹英國不同城市,只有ming仔一個獨遊。
節目沒有冠名贊助,集中介紹英國不同城市,只有ming仔一個獨遊。
有睇開Ming仔網上影片的觀眾表示,節目「集無綫與Youtbe旅遊節目兩大弊端」,節奏差、無深度、欠現場感⋯⋯似乎大台今次「試新嘢」結果麻麻。
有睇開Ming仔網上影片的觀眾表示,節目「集無綫與Youtbe旅遊節目兩大弊端」,節奏差、無深度、欠現場感⋯⋯似乎大台今次「試新嘢」結果麻麻。
在沒有任何新帖的情況下,Ming仔的 Instagram多咗百多個follower!
在沒有任何新帖的情況下,Ming仔的 Instagram多咗百多個follower!
如果用3月1日420,796最低位嚟計,多咗四百幾新的facebook fans!
如果用3月1日420,796最低位嚟計,多咗四百幾新的facebook fans!
觀眾表示寧願睇ViuTV、寧願睇大陸劇,都唔會支持Ming仔,但結果他的facebook卻係多咗新fans,有網民分析「多咗高齡師奶fans、下次可以同肥媽上大灣區」。
觀眾表示寧願睇ViuTV、寧願睇大陸劇,都唔會支持Ming仔,但結果他的facebook卻係多咗新fans,有網民分析「多咗高齡師奶fans、下次可以同肥媽上大灣區」。

與無綫合作節目播出日期一再延後

據了解本來Ming仔與無綫合作的英國藝旅遊節目《一個人去旅行》本來定於2月中、農曆新年後推出,但由於武漢肺炎疫情爆發,旅遊節目乏人關注,無綫寧願加碼拍多幾集玄學節目《天天開運王》、出動《學是學非》班底推出《學是疫學非》回應疫情,都唔想擺Ming仔出嚟見人⋯⋯

無綫在原定播放Ming仔旅遊節目的時間,改播《學是疫學非》
無綫在原定播放Ming仔旅遊節目的時間,改播《學是疫學非》
據無綫官方的宣傳資料顯示,節目本擬2月中播出。
據無綫官方的宣傳資料顯示,節目本擬2月中播出。

現身大台惹負評 試圖割蓆自保

去年11月初Ming仔亦有就與無綫合作,向當時的Fans交代:

關於單job,其實反修例風波前已在進行中,接住社會發生咁多不公嘅事,都好掙扎,思前想後,我選擇咗尊重專業精神,完成埋工作再算。
今次應該係我handle得最差嘅一次(包括呢個post),唯有老實認錯,同各位真心說聲抱歉🙏🏻
但呢次恐怕避免不到令大家失望了。無論各位接受與否,我都會吸取今次教訓。

Ming仔與無綫的合作,在去年底的「節目巡禮」中曝光,即時惹來網民負評。
Ming仔與無綫的合作,在去年底的「節目巡禮」中曝光,即時惹來網民負評。

「山泥傾瀉式」退Like!Fans有機會再暴跌!

由於連番失誤,ming仔已近乎停產,有網民認為他的價值已經「歸零」,相信一兩年內難以在業界搵食,贊助商亦因 Ming仔關係受網民留言狙擊,雖然已經潛水近四個月,但今次節目登陸大台,未首播單是預告片已經喚起網友不愉快記憶,似乎有機會再觸發新一輪「退Like潮」,再現崩盤式跌粉 絲現像:

眾多平台中,Ming仔在 instagram損失的粉絲最少(三個月跌5萬),仍有137,000 follower。
眾多平台中,Ming仔在 instagram損失的粉絲最少(三個月跌5萬),仍有137,000 follower。
IG最後一帖,就是在曼徹斯特的旅行相,雖然有四千多個讚好,但留言區被批評與支持的留言所淹沒。
IG最後一帖,就是在曼徹斯特的旅行相,雖然有四千多個讚好,但留言區被批評與支持的留言所淹沒。

網民:同無綫攬炒!再unfollow一次

網友對於節目即將播放,普遍反應都係「熄機、unfollow」,亦有部份網民真心表示「邊個Ming仔?無人識佢喎」:

36歲Ming仔獻身TVB《一個人去旅行》3月2日首播 潛水4個月避無可避!
對於仲有卅幾萬人做subscriber,網友表示不能理解。
36歲Ming仔獻身TVB《一個人去旅行》3月2日首播 潛水4個月避無可避!
有人為咗達成「unfollow」,專登follow咗先再退讚⋯⋯
36歲Ming仔獻身TVB《一個人去旅行》3月2日首播 潛水4個月避無可避!
2019年兩大網上KOL消聲匿跡,網友改圖並建議他們組成「達Ming一派」進軍大陸。
36歲Ming仔獻身TVB《一個人去旅行》3月2日首播 潛水4個月避無可避!
有網友起底摷出Ming 仔 Facebook衝破30萬訂閱時的影片,好想知呢個報數器有冇「倒扣」功能。
36歲Ming仔獻身TVB《一個人去旅行》3月2日首播 潛水4個月避無可避!
其實早在無綫邀請Ming仔拍旅遊節目前,他曾是ViuTV旅遊清談節目的常用客席主持。
Ming仔獻身TVB 節目《一個人去旅行》 3月2日首播 潛水4個月、失11萬粉絲無得避?!
《一個人去旅行》 本來係無綫2020其中一個重頭綜藝,與網上KOL跨平台合作,諗住可以大有作為。

《一個人去旅行》

主持:Ming仔(梁嘉銘)
3月2日星期一至五 2230-2300
共10集

《一個人去旅行》節目介紹

以下是無綫官方介紹《一個人去旅行》的節目內容:

「Freestyle」是旅遊新趨勢,意指「即買即飛」、沒有詳細計劃、自駕遊「走到哪住到哪」的旅遊方式,是一種忠於自己、無須顧及他人感受、具自由及有彈性的旅行新體驗。網絡紅人Ming仔梁嘉銘以拍攝多國旅遊Vlog而為人所熟悉,今次他將以一貫方式,隻身「Freestyle」,以第一視覺分享旅行日常、地方軼事。這趟旅程既沒有刻意營造的環節,也沒有特別的安排,Ming仔將以普通遊客的身份遊走英國、蘇格蘭、北愛爾蘭等地,拍攝一個最接近現實的旅行節目,來一遍只有地點、沒有目的地的「Freestyle」。

Footer