MANDY LIEU傳5年情盡收3億分手費 跟洗米華共同撫養3子女|香港01|即時娛樂

MANDY LIEU傳5年情盡收3億分手費 跟洗米華共同撫養3子女

撰文:
最後更新日期:

MANDY LIEU當年喺娛樂圈發展相當搏命,不介意性感示人。(視覺中國)

2014年Mandy Lieu同已婚太陽娛樂集團創辦人周焯華(洗米華)被影到親密出席聚會,三角戀正式曝光掀起風波。Mandy近年於幕前消聲匿跡,長居海外照顧二人嘅3名子女。不過最近卻傳出二人5年情終告分手,Mandy更獲3億掟煲費。

2015年12月17日,MANDY LIEU公開跟周焯華上演世紀牽手,兩人公開戀情。(視覺中國)

Mandy當年喺娛樂圈發展得相當唔錯,至2014年與已婚澳門娛樂大亨周焯華(洗米華)拖手出席飯局,戀情正式曝光。同年12月經理人證實 Mandy Lieu 未婚有孕4個多月,及後返到馬來西亞安胎,但仍是非不絕。於2015年5月20日,喺英國倫敦為周焯華產下一女,女兒取名周願。其後再喺16年6月及17年9月為周焯華誕下一子一女。

洗米嫂有全家做後盾,仔仔柏豪(周焯華與前妻所生)經常在網上幫Heidi發聲。(IG:@heidi.honey)

不過洗米華一直同元配陳慧玲(Heidi)未離婚,三角關係引發掀然大波,雙方不停隔空出招,Mandy三年抱三原本諗住有機會坐正,可惜有報道指因為洗米華家庭觀念相當重,加上周家成員都力撐Heidi,洗米華為免家庭破裂,令Mandy等足5年周焯華都未同Heidi離婚。有指Mandy終於心死斬纜,由於二人育有三個仔女,佢地依舊保持友好關係,洗米華俾3億分手費兼負責三個小朋友嘅生活費,並定期赴英探望子女。

Heidi獲周家上下力撐。(IG:@heidi.honey)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。