Kyriakos Mitsotakis
| Kyriakos Mitsotakis | |||
_03_(cropped).jpg) | |||
| Fødd | Κυριάκος Μητσοτάκης 4. mars 1968 (56 år) Aten | ||
|---|---|---|---|
| Statsborgar av | Hellas | ||
| Yrke | politikar, investor | ||
| Utdanna ved | Harvard University Stanford University Athens College Harvard Business School | ||
| Mor | Marika Mitsotakis | ||
| Far | Konstantinos Mitsotakis | ||
| Ektefelle | Mareva Grabowski | ||
| Barn | Sofia Mitsotakis, Konstantinos Mitsotakis, Dafne Mitsotakis | ||
| Alle verv |
| ||
Kyriakos Mitsotakis (fødd 4. mars 1968) er ein gresk politikar som er statsminister i Hellas. Mitsotakis representerer det konservative partiet Nytt demokrati, som han blei leiar for i 2016. Mitsotakis blei vald inn til parlamentet i 2014. Han var minister for forvaltingsreform frå 2013 til 2015. Etter at Nytt demokrati vann parlamentsvalet i 2019, overtok Mitsotakis som statsminister den 8. juli 2019.
Han er son av Konstantinos Mitsotakis, som var statsminister frå 1990 til 1993.
Liv og virke[endre | endre wikiteksten]
Bakgrunn[endre | endre wikiteksten]
Kyriakos Mitsotakis kjem frå eit av dei politiske dynastia i Hellas. Han er son av Konstantinos Mitsotakis, som var statsminister frå 1990 til 1993. Oldemor hans var syster av Eleftherios Venizelos, som var statsminister i åtte periodar mellom 1910 og 1933, og som hadde ein son, Sofoklis Venizelos, som var statsminister tre gonger.[1] Systera til Mitsotakis, Dora Bakoyannis, har vore gresk utanriksminister og ordførar i Athen.[2] Sonen hennar Kostas Bakoyannis blei i 2019 ordførar i Aten.[3]
Mitsotakis blei fødd i Aten, men då han berre var tre månader gammal flytta familien i eksil til Paris på grunn av militærdiktaturet i Hellas.[4] Familien vende attende til heimlandet etter gjeninnføringa av demokrati i 1974.
Mitsotakis er utdanna i USA. Han har bachelorgrad i samfunnsvitskap Harvard University (1990), mastergrad i internasjonal politikk frå Stanford University (1993) og MBA-grad frå Harvard Business School (1995).[5] Han har arbeidd i London for Chase Investment Bank (1990–1991) og McKinsey and Company (1995–1997).[4][6] I Hellas har han òg arbeidd i banksektoren og i ein næringslivsorganisasjon.
Politisk karriere[endre | endre wikiteksten]
Mitsotakis tilhøyrer partiet Nytt demokrati og blei vald inn til paralamentet for første gong i 2004.[5] Han blei gjenvald i påfølgjande val. I 2013 blei han minister for forvaltingsreform i regjeringa leidd av statsminister Antonis Samaras.[4] Nytt demokrati måtte gje frå seg regjeringsmakta til SYRIZA i 2015 og etter to valnederlag same året, blei partileiinga skifta ut. Mitsotakis blei vald til ny partileiar av partimedlemmane i januar 2016.
Etter at SYRIZA tapte valet i 2019 blei Mitsotakis statsminister i landet 8. juli 2019.[7]
Kjelder[endre | endre wikiteksten]
- ↑ Åshild Breian og Inger Lise Hammerstrøm: «Gresk «Kennedy-dynasti» ventes å overta makten i Hellas», Aftenposten, 7. juli 2019. Lest 8. juli 2019.
- ↑ «Mitsotakis and the return of a Greek dynasty». BBC News (på engelsk). 8. juli 2019.
- ↑ Kokkinidis, Tasos (2. juli 2019). «Kostas Bakoyannis Elected New Mayor of Athens» (på engelsk). Greek Reporter. Henta 8. juli 2019.
- ↑ 4,0 4,1 4,2 Chrysopoulos, Philip (7. juli 2019). «Kyriakos Mitsotakis: Meet the New Greek Prime Minister» (på engelsk). Greek Reporter. Henta 8. juli 2019.
- ↑ 5,0 5,1 «Kyriakos Mitsotakis». Hellas' parlament. Henta 8. juli 2019.
- ↑ Stevis-Gridneff, Matina (8. juli 2019). «Greece Liked to Underestimate Kyriakos Mitsotakis. Now He’s Prime Minister.». The New York Times (på engelsk). ISSN 0362-4331.
- ↑ «Tsipras hands over power to Mitsotakis» (på engelsk). 8. juli 2019. Henta 8. juli 2019.
- Denne artikkelen bygger på «Kyriakos Mitsotakis» frå Wikipedia på bokmål, den 7. mars 2021.