陳煒被爆已秘嫁醫生男友 煒哥親口回應婚訊傳聞! | 娛樂 | Sundaykiss 香港親子育兒資訊共享平台
陳煒被爆已秘嫁醫生男友 煒哥親口回應婚訊傳聞!

陳煒被爆已秘嫁醫生男友 煒哥親口回應婚訊傳聞!

陳煒現年47歲,曾經歷過一段失敗婚姻,故此令煒哥更謹慎擇偶。陳煒與前夫顏志行離婚後單身七年,去年才破Dry再拍拖,獲好友黃智賢介紹,正式與同齡兼同樣有過失婚經歷的醫生陳國強(Aldous)撻著。兩人熱戀一年半後更開始同居,愛得投入的煒哥,更曾指不排除會閃嫁!近日傳出陳煒已與醫生男友秘密結婚,煒哥則親自回應婚訊傳聞!

撰文、圖片:東方新地、陳煒IG

陳煒被爆已與醫生男友結婚 煒哥親口回應…

去年年尾,陳煒終被醫生男友細心體貼打動芳心,落實男友Mr Right地位,決定將同居關係升級,更有傳計劃婚事,不過因新冠肺炎疫情影響百業蕭條,男友的醫務所生意亦受影響,生意淡泊要守業捱過難關,加上限聚令未知何時放寬,二人有共識低調註冊不會大搞婚禮,連度蜜月亦未有計劃,賢能貼地的煒哥幫準夫婿慳住荷包,低調慳嫁做醫生夫人一樣咁開心!近日傳出煒哥已秘密簽紙,但有傳媒向煒哥求證,煒哥笑言指「好明顯係假」,更指不需要秘密簽紙,因以往不少明星結婚,記者只要查閱婚姻註冊處記錄,故此無可能會秘密結婚而無紀錄。

陳煒剛完成《黯夜守護者》拍攝,立即開拍《雙生陌生人》,直言無時間「做嘅啲嘢」。(圖片來源:陳煒IG)
陳煒剛完成《黯夜守護者》拍攝,立即開拍《雙生陌生人》,直言無時間「做呢啲嘢」。(圖片來源:陳煒IG)
被問到與男友有無共識何時結婚,煒哥就指「未有計劃」。(圖片來源:陳煒IG)
被問到與男友有無共識何時結婚,煒哥就指「未有計劃」。(圖片來源:陳煒IG)

陳煒得男友支持繼續發展事業

現年47歲出名親和順得人的陳煒,圈中人緣廣又有觀眾緣,近年擔正的劇集都大受歡迎,事業愈戰愈勇,愛情亦如魚得水,去年中與黃智賢(Ben)開設的醫美中心生意合夥拍檔陳國強醫生撻著,戀火一觸即發,拍拖以來愛得甜蜜,對女友體貼呵護備至的陳國強,更令曾經失婚的陳煒重拾對婚姻的憧憬!據知情者透露:「煒哥對感情好認真,從來都唔會拍散拖,每次拍拖就會好投入,甚至會為對方放棄好多嘢,好似第一段婚姻,煒哥就因為嫁人息影,將所有精神同時間都放喺老公同家庭上,所以婚姻不如意,令煒哥有好長時間唔開心,同前夫離婚之後仲拖拉咗一段時間先至釋懷。Aldous就好唔同,佢好錫煒哥,煒哥做咩佢都好支持,知道煒哥鍾意演戲,佢會畀好多鼓勵女友,煒哥拍劇時間日夜顛倒,Aldous唔單止毫無怨言,仲好體貼寧願自己去遷就煒哥,唔介意做望夫石等煒哥收工!又會專登攝時間陪煒哥出埠工作,所以就算煒哥仲有野心喺事業上衝刺,亦唔會因為結婚而帶嚟壓力!」

08年下嫁台灣富商顏志行,婚後煒哥甘為老公放下演藝事業,跟隨夫婿在台灣、北京及泰國定居,可惜前夫過分專注工作,與煒哥聚少離多最終離婚收場,12年二人結束四年婚姻。
08年下嫁台灣富商顏志行,婚後煒哥甘為老公放下演藝事業,跟隨夫婿在台灣、北京及泰國定居,可惜前夫過分專注工作,與煒哥聚少離多最終離婚收場,12年二人結束四年婚姻。
前年在好友黃智賢(Ben)的醫美中心開幕邂逅,煒哥與阿Ben的生意拍檔陳國強(Aldous)醫生熱戀一年半感情修成正果,已計劃下年拉埋天窗。
前年在好友黃智賢(Ben)的醫美中心開幕邂逅,煒哥與阿Ben的生意拍檔陳國強(Aldous)醫生熱戀一年半感情修成正果,已計劃下年拉埋天窗。
雖然已屆中女年齡,不過保養得宜的煒哥,外貌和身材同廿年前分別不大,難怪陳國強趕緊私有化女友,無謂夜長夢多!
雖然已屆中女年齡,不過保養得宜的煒哥,外貌和身材同廿年前分別不大,難怪陳國強趕緊私有化女友,無謂夜長夢多!

好識照顧身邊人

兩人感情一日千里,今年初醫生男友 Aldous更搬入煒哥位於油塘的香閨過同居生活,經深入了解後,Aldous更覺同煒哥心意相通。據知情者透露:「同居之後大家有更多時間相處,一齊生活感覺好直接,大家有咩缺點一目了然,佢兩個都離過婚,更識得去體諒對方同溝通,有咩亦會攞出嚟講,反而因為咁,令佢哋感情更深厚,覺得大家嘅價值觀同睇法好一致,煒哥性格好溫柔,唔單止煮嘢叻,仲好識得照顧身邊人,令 Aldous有好溫暖感覺,更加唔想錯過對方。」

每日都會返診所和醫美中心坐鎮的陳國強,日前傍晚在中環收工即駕駛辣跑趕回煒哥位於油塘的寓所,急不及待返家陪女友。
每日都會返診所和醫美中心坐鎮的陳國強,日前傍晚在中環收工即駕駛辣跑趕回煒哥位於油塘的寓所,急不及待返家陪女友。
疫情打擊診所和醫美中心生意淡泊,工作清閒不少的陳國強,日前把握時間陪女友煒哥享受拍拖樂,對女友呵護備至的Aldous,除經常做柴可夫接載女友出入,呢日只係到寓所附近的便利店買零食,兩人亦秤不離砣!
疫情打擊診所和醫美中心生意淡泊,工作清閒不少的陳國強,日前把握時間陪女友煒哥享受拍拖樂,對女友呵護備至的Aldous,除經常做柴可夫接載女友出入,呢日只係到寓所附近的便利店買零食,兩人亦秤不離砣!
二人在便利店揀了大堆零食,醫生男友好有風度幫手攞嘢,步出便利店亦回頭等埋女友先一齊行。
二人在便利店揀了大堆零食,醫生男友好有風度幫手攞嘢,步出便利店亦回頭等埋女友先一齊行。

47歲陳煒低調慳嫁醫生男友 疾下生意淡泊貼地約會秤不離砣

煒哥有份拍攝的邵氏網劇 《飛虎之壯志英雄》近日煞科,趁未開新劇,煒哥爭取時間陪男友外出拍拖,不用開工煒哥打扮隨意,雖然同男友未有太親暱動作,但一個甜蜜眼神和彼此默契,足證煒哥已經揀到Mr Right。
煒哥有份拍攝的邵氏網劇 《飛虎之壯志英雄》近日煞科,趁未開新劇,煒哥爭取時間陪男友外出拍拖,不用開工煒哥打扮隨意,雖然同男友未有太親暱動作,但一個甜蜜眼神和彼此默契,足證煒哥已經揀到Mr Right。

47歲陳煒低調慳嫁醫生男友 疾下生意淡泊貼地約會秤不離砣

高大威猛、有型愛 chok的陳國強,同凍齡索爆煒哥可謂襯到絕,加埋架百萬紅色辣跑,夠晒閃!
高大威猛、有型愛 chok的陳國強,同凍齡索爆煒哥可謂襯到絕,加埋架百萬紅色辣跑,夠晒閃!

陳煒男友每月開支不少

身高六呎外形高大威猛的陳國強,是屋邨家庭醫生,平日說話陰聲細氣非常溫柔,除了是廿四孝男友,更是街坊眼中的好醫生,有醫德又有愛心,加上有十多個醫學銜頭,陳國強早年離開屯門醫院,便自立門戶掛牌行醫,在將軍澳及旺角開設的兩間診所,以往開診必逼爆病人,加上與黃智賢及另一醫生合資開設醫學美容中心,有指他每月穩袋百萬收入,可惜近月因新冠肺炎疫情影響,醫務所及美容中心生意淡泊。據知情者透露:「喺疫情下,好多人怕被傳染,如非必要都唔敢去睇醫生,中環嘅醫學美容中心影響仲大,為避疫人人口罩不離口,邊有人敢去做美容,Aldous收入亦少咗,不過 Aldous份人好有擔當,離婚之後一路都有喺經濟上支援前妻及兩個女兒嘅生活費,每月開支唔細,依家惟有希望疫情快啲過,一切可以回復正常!」

新冠肺炎疫情肆虐接近一年,打擊各行各業,身為家庭醫生和醫美醫生的陳國強,其位於旺角和將軍澳兩間診所,以及與黃智賢合資在中環開設的醫美中心,生意額亦因疫情下跌,要同全港市民一齊共度時艱。
新冠肺炎疫情肆虐接近一年,打擊各行各業,身為家庭醫生和醫美醫生的陳國強,其位於旺角和將軍澳兩間診所,以及與黃智賢合資在中環開設的醫美中心,生意額亦因疫情下跌,要同全港市民一齊共度時艱。

有共識唔大搞婚禮

同全香港市民一樣,要捱過疫情經濟難關,幸好 Aldous身邊有個對他百分百支持和體諒的女友煒哥,雖然貴為無綫當紅花旦,不過煒哥生活貼地,同醫生男友拍拖撐枱腳,向來唔愛揀五星級食府,反而愛幫襯平民食店,鍾意捐窿捐罅搵地道好嘢食,對於男友有擔當會照顧前妻及女兒,煒哥亦好支持,被私有化的煒哥,同男友亦有共識低調註冊唔大搞婚禮,搵到個一百分好老婆,陳國強當然要盡快箍到實!

近年事業愈戰愈勇, ,煒哥工作做到冇停手,早前與閨密朱晨麗合拍《飛虎之壯志英雄》,收工亦黐到實一齊擦海鮮。
近年事業愈戰愈勇, ,煒哥工作做到冇停手,早前與閨密朱晨麗合拍《飛虎之壯志英雄》,收工亦黐到實一齊擦海鮮。
《飛虎之壯志英雄》 煞科,煒哥下月又有新劇《暗夜守護者》開工,除與好拍檔袁文傑再合作,她加盟無綫八年,更首度與亞視之友陳展鵬合作拍劇,得老公支持婚後繼續衝事業。
《飛虎之壯志英雄》 煞科,煒哥下月又有新劇《暗夜守護者》開工,除與好拍檔袁文傑再合作,她加盟無綫八年,更首度與亞視之友陳展鵬合作拍劇,得老公支持婚後繼續衝事業。
演技超班的煒哥,18年憑《宮心計2深宮計》霸氣太平公主演出贏盡口「最受歡迎電視女角色」 ,但已被觀眾封為 「民間視后」 。
演技超班的煒哥,18年憑《宮心計2深宮計》霸氣太平公主演出贏盡口「最受歡迎電視女角色」 ,但已被觀眾封為 「民間視后」 。
今年煒哥有全年收視冠軍劇集 《法證先鋒4》Queen姐爭視后,真是喜上加喜。
今年煒哥有全年收視冠軍劇集 《法證先鋒4》Queen姐爭視后,真是喜上加喜。

關鍵詞
陳煒

你又點睇?

更多精選內容