【大阪親子遊】神戶麵包超人兒童博物館。细菌秘密基地 - Day 3 - Part II – 媽媽經｜專屬於媽媽的網站
首頁 » 作家投稿 » 生活放輕鬆 » 【大阪親子遊】神戶麵包超人兒童博物館。细菌秘密基地 – Day 3 – Part II

【大阪親子遊】神戶麵包超人兒童博物館。细菌秘密基地 – Day 3 – Part II

和牛b媽媽  更新於 2018-07-11 
看留言討論

FavoriteLoading收藏文章

上篇帶大家遊走咗麵包超人兒童博物館及商場區，係咪唔夠喉呢? 而家繼續帶大家去麵包超人館外嘅细菌秘密基地、摩天輪及餘下行程介紹。
 
日本麵包超人兒童博物館，全個日本有五個地方有(仙台、橫濱、名古屋、神戶、福岡)，就只係得神戶係有「细菌秘密基地」。
 
要去「细菌秘密基地」，就要離開麵包超人兒童博物館(付費區)啦~~
 

 
入場前，職員會用紫外燈檢查一下大人手上面有冇印有進入博物館嘅水印。因為「细菌秘密基地」都係屬於需付費嘅區域嚟。
 
原來「细菌秘密基地」係一個Playroom嚟嘅，因為假日關係，小朋友真係超多呢~
 

^ 斜台、攀石區
 

^ 毒菌妹妹嘅飛船呀~
 

^ 充氣大拳頭~
 

^ 細菌小子嘅小舞台~
 

^ 細菌小子嘅表情符號大電視~
 

^ 又有一架飛船~
 

^ 彎彎曲曲嘅小斜台，小朋友跑嚟跑去，超放電!
 

^ 當然唔少得影相區啦~
 

^ 得神戶麵包超人兒童博物館先有細菌基地咋~
 
玩嘅設施唔算太多，所以係咪超放電，又唔算係。
 
麵包超人兒童博物館旁邊，仲有一個彩虹色嘅摩天輪。
 

 
摩天輪每位收費800円，好似3歲或以上要收費。
 

^ 從高空望落去嘅景色，當日天氣唔好，天陰有雨，所以風景一般。
 

 

^ 我哋第一次坐呢一種摩天輪。
 
離開神戶麵包超人兒童博物館，我哋走到旁邊嘅「神戶馬賽克廣場Mosaic」。感覺好似沖繩嘅美國村一樣，亦有好多商店。
 

 
無意中，仲俾我發現到「櫻桃小丸子」嘅專門店，鍾意小丸子嘅我，當然要入去睇下啦！！
 

 
超多小丸子嘅精品、文具、手信等曲奇！！
 

 
和牛B話：「媽咪，我都好鍾意小丸子o架！」
 

 
仲有Calbee專門店、咸旦超人嘅專賣店。
 

 
仲有就係超多精品賣嘅Kiddyland呀！！！對唔住…我又掛住掃貨無手影相啦~~
 

 
離開「神戶馬賽克廣場Mosaic」我哋穿過天橋去到Umie，呢到真係超級多嘢行！
重點有我必去掃貨嘅景點「Seria」100円店 (掛住掃貨，無時間影相嘅我)。
 
而爸爸就帶咗和牛B去夾公仔、打機。
大概用咗700円，就夾到呢隻超大嘅Melody！超開心呀！！
 

 
兩個小朋友一齊打機，又係超開心呀！
 

 
旁邊仲有一間「鐵道模型店」，火車、路軌超級多超級齊，仲有好多以火車造型嘅商品！！
 

 

 
晚飯時間，我哋去咗Food Court食飯。日本嘅細心、貼心，竟然有一個區係專為小朋友而設。「Kids Space」入面所有飯台、櫈嘅高度都係為小朋友而設。
 

 
雖然係Food Court，但食物質素都唔可以輕視佢！
 

 
 
交通：
可到JR神戶站落車，走路大概8分鐘，或從神戶市營地下鐵「海港園地」站落車，走路大概都係8分鐘，交通都好方便。
 
 
神戶麵包超人兒童博物館。细菌秘密基地
(神戸アンパンマンこどもミュージアム&モール) 

地址：〒神戶市中央區東川崎町1-6-2 
電話：078-341-8855 
開放時間： 博物館・细菌秘密基地 10am – 6pm（最後入館 5pm）| 購物商場 – 10am – 7pm 
博物館入場費：1,800円 (1歲或以下免費) 
http://museum.anpanman-acm.co.jp/tc/ 
http://www.kobe-anpanman.jp/

2018年大阪親子遊行程
【大阪親子遊】行程簡介，Day 1 Hea遊大阪
【大阪親子遊】大阪城 + 大阪城公園 x 超長滑梯。Day 2 – Part I
【大阪親子遊】超多嘢玩嘅室內場Kids Plaza。Day 2 – Part II (超多圖)
【大阪親子遊】超多嘢玩嘅室內之選Kids Plaza。Day 2 – Part III (超多圖)
【大阪親子遊】放電公園 – 扇町公園及CP值超高燒肉放題。Day 2 – Part IV
【大阪親子遊】超好玩。神戶麵包超人兒童博物館(超多圖)。Day 3 – Part I

————————————————–
歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

{台北美食}台北串燒居酒屋推薦：「柒息地長春店」 19元平價柒串燒居酒屋 超級好吃的秘醬串燒 任何聚餐小酌首選，內用還有獨家泡菜無限量供應

{台北美食}台北串燒居酒屋推薦：「柒息地長春店」 19元平價柒串燒居酒屋 超級好吃的秘醬串燒 任何聚餐小酌首選，內用還有獨家泡菜無限量供應

別讓一姐不開心 發表於 2023-08-07 

地址：台北市中山區長春路128-1號（松江南京站 步行約5分鐘） 電話：02-25671770 營業...

台東娜路彎大酒店

2023夏季台東親子住宿推薦 【台東娜路彎大酒店】住房專案4299，平日升等精緻家庭房，再送多項活動體驗券、精選花茶禮盒組等好禮！

2023夏季台東親子住宿推薦 【台東娜路彎大酒店】住房專案4299，平日升等精緻家庭房，再送多項活動體驗券、精選花茶禮盒組等好禮！

放心玩  更新於 2023-05-19 

🎊台東娜路彎大酒店 💰 4299，即日起至2023年9月28日訂房／入住。平日2大2小 4299 元（含早餐）。...