John Lloyd natameme sa mga ibinuko ni Ruffa!

SEEN : Tama ang report noon ni Mo Twister na kinunan sa Palawan ang Survivor Philippines : Celebrity Doubles Showdown. Buking ang denial ng Survivor Philippines staff dahil itinanggi nila ang impormasyon na ibinigay ni Mo Twister ngunit lumabas ang katotohanan na kinunan sa San Vicente, Palawan ang reality show ng GMA 7.

SEEN : Tahimik pa ang kampo ni John Lloyd Cruz sa rebelasyon ni Ruffa Gutierrez na lasenggero siya. Hindi pa gumagawa ng damage control ang Star Magic.

SCENE : Nalalaman na ng mga tao ang mga problema at pangyayari sa ta­hanan ni Genelyn Magsaysay dahil sa patuloy na pag-iimbestiga ng mga pulis sa kaso ng pagpatay sa kanyang anak na si Ramgen Revilla.

SEEN : Most in demand si Julius Manahan noong Lunes ng gabi dahil sa magkakasunod na panayam sa kanya sa mga news program ng ABS CBN, TV5, at GMA7. Si Julius ang ama ni Janelle Manahan, ang girlfriend ni Ram Revilla na inoperahan sa Asian Hospital and Medical Center noong Lunes.

SCENE : Marami ang naplastikan sa inasal ni Charice nang patayin ang kanyang ama pero hindi ito naging dahilan para tumigil siya sa pagpapainterbyu tungkol sa pangungulila niya kay Ricky Pempengco.

SEEN : Nakabaon pa rin ang bala sa leeg ng basketball player na si Ali Peek na binaril sa RFM Gym, Mandaluyong City noong Lunes ng gabi. Naka-confine si Ali sa Medical City.