Facebook

今日同大家講, 我啱啱開公司銀行戶口嘅經歷

英國生活嘅速度同埋反應，大家喺香港係冇可能會想像得到

總之慢嘅慢得滯, 快嘅快得滯

Status update:
2020-05-15 HSBC UK online application submitted
2020-05-22 Starling Bank & Monzo online application submitted
2020-05-26 Monzo rejected
2020-05-29 Revolut online application submitted**
2020-06-01 Revolut business account opened**
2020-06-07 Starling Bank rejected

申請 Revolut --> https://link.revolut.com/Xd9qF2q576
**After submitting your documents, you can web-chat them to confirm the documents, this will speed up your process**

話說新公司係2020年4月尾由會計公司幫手係英國註冊, 因為希望公司上面所有嘅支出都會有銀行紀錄以便日後被Home Office睇, 我隨即係五月頭已經開始申請公司銀行戶口, 不論你係申請網上銀行定係傳統銀行, 都可以透過網上申請, 呢方面真係好過香港多多聲.

由於我已經有英國 HSBC 嘅個人戶口, 我係英國嘅會計建議我申請返佢哋嘅公司戶口, 覺得佢哋已經有我所有嘅個人資料, 希望可以快啲申請到. 好啦, 去左佢哋個網頁嗰度入晒所有需要嘅資料, 去到要 upload 身分證明文件同埋公司證明文件嘅版面嗰陣時仲心諗, 大公司真係唔同啲, 可以有三個方法俾你做呢樣野, 包括 download 佢個 App 之後用手機影相 upload, 用電腦 upload 檔案, 或者最原始,親身去佢分店搞. X！結果我三個方法都經歷晒!

首先 download 左個 App upload 晒啲相上去之後, 個 App 上面顯示話搞掂, 五個工作天會有基本答覆. 點知等咗兩日, 喺個申請網頁版面上面都繼續要我上載資料, 我當時估計個 App 都係窄窄地, 所以隨即喺網頁版上面再次 upload, 咁樣都話上載搞掂, 五個工作天會有基本答覆. 好! 又等多兩日, 再 Check 個網頁版上面發現完全冇變過, 咁咪要打電話去問囉. 點知佢話如果用 App 上載嘅話最少要等五日佢哋先會收到啲文件, 喺網頁上面 upload 有機會快少少, 佢又叫我等多兩日. 兩日之後結果都係冇變, 再打電話上去追問, 佢都話唔知點解唔得, 叫我直接落分店提供資料. 結果攞晒啲資料落分店, 搞掂之後兩個鐘, 申請版面即刻將我由 "Application Submitted" 跳去 "Aapplication Pre-approval". 之後係點咪繼續等囉. 佢仲提我而家開戶口最少要等一個月. 當然而家六月頭都未有消息啦.

其實當個 App 發現唔得嘅時候, 已經開始向其他網上銀行申請公司戶口. 首先就搵咗係英國有銀行 license 嘅 Monzo 同 Starling.

Monzo. 我一開始就用佢地隻App直接申請佢嘅公司戶口, 但係download佢個app嗰陣時錯手用10分鐘成功申請咗個人戶口. 佢仲好快速過兩日寄埋張 debit card 過嚟. 錯有錯着, 原來佢哋要用戶先註冊個人戶口之後, 再係個 App 入邊申請公司戶口. 我心諗今次仲唔開唔到? 點知入晒所有資料落去, reject 左我三次之後, 仲 block 埋申請公司戶口嗰個掣. 咁當然要即刻係個 App 裏面 message 問佢哋點解唔得啦. 過佢哋深入嘅分析之後, 姐係傾咗好L耐, 發現原來 Director 身份係唔可以係一間公司, 奈何我嘅投資者用咗佢嘅公司註冊咗去做 Director. 即係呢間銀行可以放棄.

Starling. 我一開始用佢地隻 App 直接申請佢嘅公司戶口, 係輸入資料同埋上載文件嘅流程都十分順利, 咁上載完資料, 佢梗係要用個””人”"去睇吓我啲文件得唔得㗎啦, 點知一睇就睇到而家都仲睇緊, 中途我梗係有用過 App 裏面嘅 message 問吓佢, 究竟我個申請係咪有問題?定係你個 App 有問題? 相信大家睇完我上面啲嘢之後都知道個答案係乜, 冇L錯, 等... 有唔同嘅就係呢幾日隻不斷咁叫我上載文件, 每次都話某一份文件未合資格,要上載其他..到而家都係繼續等.

等無可等, 其他睇落爭少少但係都喺網上銀行都要嘗試. 最後我嘗試左 Revolut, 最後估唔到呢間得咗! But 個過程真係好L L L click!!
同其他網上銀行少少分別, 我可以喺佢哋嘅網頁上面申請, 輸入資料Upload晒啲文件之後, 其實同上面好多間銀行嘅申請一樣停咗係一個位, 就係一封信 (for operate prove). 某程度係證明你公司有實際係你輸入嘅地址工作緊, 通常都要水電煤或者租約. 但因為我係有會計幫手註冊公司, 而註冊地址係用我個投資者嘅寫字樓. 好多寫字樓基本上到而家都未開始返工, 就算有政府信寄俾我都好, 都係冇機會攞到手, 因為嗰邊都冇人返工. 結果差咗好多轉問咗好多方向之後, 我發現咗佢所謂 operate prove 嘅地址並不需要係註冊地址. 咁我咪隨即問佢囉,而家 lock down, Work from Home, 屋企算唔算係....? 佢居然話冇問題, 仲問我攞而家屋企地址有我名,3個月內嘅水電煤單添.....誰不知英國係呢方面都已經電子化, 好多都只係喺網頁上有顯示價錢, 並唔會好似銀行咁會有statement.. 最重要呢間屋嘅水電煤都係用太太名登記. 正呀!!!!!!!!!!!!!!!!!!!!!!!!!!!!!!!!! 好啦咁我繼續問佢問題睇吓有冇地方有彎轉, 最後佢容許用我太太嘅電費單, 另加一封信,寫明我同太太同住喺呢個地方,同埋佢嘅身份證明文件. 搞咗五個鐘之後忽然之間就收到呢個電郵. 仲要係即刻有張電子 debit card 用得, 實體 debit card 卡都係過兩日就到!!

得咗嗰陣時, 就係咁簡單.

希望大家明白, 過得嚟英國住, 問題每日都會不斷持續發生, 佢哋嗰種優柔寡斷嘅回應, 配合科技發展嘅快捷, 用香港嗰啲方法未必有效, 未必有 "如果錢可以解決到嘅問題就唔係問題” . 但係佢哋每個地方每種制度裏面, 如果你努力不斷遊走嘅話, 一定會搵到機會. 跌錢跌時間咪當交學費, 最緊要搞得掂. 行得到呢一步, 先可以繼續行落去.

唉！唔知下一個難題會係乜..唔知又要用幾多個鐘頭同啲英國人講電話呢.. 所以係英國手提電話 unlimited plan真係唔慳得

#startupvisa
#innovatorvisa
#英國移民
#英國創業
#HSBCUK
#Monzo
#Starling
#Revolut
#開英國公司銀行戶口