93
42
5
電話號碼
35106000
開飯介紹
置身典雅的維多利亞式餐廳,享用豐盛的自助餐,不論早上、中午還是夜晚,你都可以在怡人的花園景色中,盡享各款中式、亞洲及西式經典美食。迪士尼朋友更會隨時現身和你見面,請帶上相機捕捉餐桌上的精彩瞬間。 繼續閱讀
特色
家庭親子
營業時間
今日營業
08:00 - 15:00
星期一至五
08:00 - 15:00
星期六至日
08:00 - 22:00
公眾假期
08:00 - 22:00
公眾假期前夕
08:00 - 15:00
*星期一至五: 07:30-11:00(早餐); 17:30-22:00(晚餐) 星期六至日: 07:30-11:00(早餐); 12:00-14:00(午餐); 14:45-16:15(下午茶); 17:30-22:30(晚餐) 公眾假期前夕: 07:30-11:00(早餐); 12:00-14:00(午餐); 14:45-16:15(下午茶); 17:30-22:30(晚餐) 公眾假期: 07:30-11:00(早餐); 12:00-14:00(午餐); 14:45-16:15(下午茶); 17:30-22:30(晚餐)
付款方式
Visa Master 現金 AE 銀聯 JCB
座位數目
262
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
招牌菜
即煮麵食 即切烤肉 精緻甜品 朱古力噴泉 印度咖喱 點心
食評 (156)
等級3 2021-03-20
0 瀏覽
入左迪士尼酒店staycation,活動多羅羅,雖然翠樂庭冇左buffet,但為左慳時間趕活動都選擇在此吃午餐!午餐選擇都多,有套餐有單點有兒童餐,我地一家四口點了兩個單點午餐、一個兒童餐!兒童餐都有3個選擇,有炒飯有意粉有沙津😚 寶貝女點了三文魚配炒飯、有水果、有芝士蛋糕,芝士蛋糕上還有米奇老鼠朱古力🐭,小朋友最喜歡❤️,三文魚味道有水準,炒飯有白汁粟米配搭都開胃,食完正餐還有芝士蛋糕做甜品,日式芝士蛋糕都夠濃厚芝士味,滿足!難得小朋友整個餐食哂!然後是大蝦帶子龍蝦汁意粉🍝,好大隻大蝦,啖啖肉好正,略嫌龍蝦汁太濃,意粉沾滿龍蝦汁是惹味的。最後是驚喜之作,印度香辣牛油雞配印度香飯,微辣的咖哩汁帶點點甜,配合個印度煎餅沾來食好好味,個人麻麻地印度香飯,飯粒略硬,不然賣相加味道絕對可給個讚!午餐價錢略貴,但迪士尼酒店都預左,久不久來玩下食埋翠樂庭都算盡慶,推介一下! 繼續閱讀
(以上食評乃用戶個人意見 , 並不代表OpenRice之觀點。)
話說因為book左迪士尼酒店staycation所以2日1夜都在酒店用餐當日Check-in後,我地就先去翠樂庭食午餐我地同行嘅有一位係素食者~所以留意到餐廳素食只有一款選擇另外,佢早餐時段竟然完全無素食供應現今素食文化都好普遍,所以呢點真係被扣分又講返佢個午餐先我自己就點左日式美食套餐 - HK$288🌿雜錦壽司 味道不過不失,屬於正常發揮但係喺西式餐廳食日式野都唔好咁高期望🌿焗麵豉鱈魚・野菜湯咖喱・蕎麥麵 我覺得個魚幾好食,但個咖喱同蕎麥麵就比較普通,味道有點淡🌿甜品拼盤 我本身都食得甜,但佢d蛋糕真係好甜,尤其係朱古力,不過佢d款式係會令到小朋友好開心嘅因為我冇試過其他人果份,所以不能評價但呢間餐廳個環境就真係唔錯嘅期望餐廳將來可以在早餐時段都有素食套餐❤️ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-12
0 瀏覽
情人節一早出左迪欣湖附近行下,順便就係迪迪尼度食埋早餐至走,次次黎都會有離開左香港既感覺,再食返個美式早餐,放鬆下自己。牛角酥同埋鬆餅仔都幾香牛油味,賣相都好可愛,沙律同生果正常,兩塊薯餅,腸,煙肉都發揮正常,炒蛋好大量,但個炒蛋係最差的,一來好水,二來好散,三來好濕,而且毫無蛋香,閉上眼唔知食乜。人手方面好夠,舉手好快有人應,侍應生服務態度都好好,好友善。整體來講,呢個價錢一定唔值得,但係當買個氣氛,環境,都可以。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-31
2888 瀏覽
迪士尼樂園就冇開 不過酒店就仲開 可以book黎食lunch今日係2020年最後一日 特登book黎迪士屋酒店翠樂庭食個lunchOnline 睇餐牌 有4款 set揀 (亞洲 日本 西餐 港式)有前菜 主菜 配菜 甜品拼盤 茶/咖啡 ($288)我揀咗港式套餐前菜: 陳醋蚧肉帶子好開胃! 青瓜 黑木耳起底 面頭有帶子薄片 妃子 旁邊有蚧肉 醬汁酸酸地 帶子鮮甜 蚧肉超重味 係真·🦀青瓜脆卜卜主菜同配菜都十分精緻😍份量夠一個人食 又落足料黃金明蝦球🦐炸得好香脆 層粉唔算厚蝦球大大隻 咬落爽口多汁外層仲有鹹蛋黃碎 食落更香 粉狀 十分香口冇相睇落咁細 有5大粒架!用紅蘿蔔絲放底 面頭有海苔絲 雖然冇味 但賣相升級籠仔黑松露蒸雞飯🐓🍚超足料 有勁多黑松露 大大件雞脾肉 一大碗飯雞脾肉好嫩滑 又入味 咬落好淋米飯遍軟 我覺得如果硬身會更好食 宜家有啲濕 不過米飯索咗雞汁 有鹹味 味道唔錯 當然落埋豉油更好食😋甜品拼盤 賣相好靚又可愛 啱打卡每位客人3款 全部都好好食 果然有水準🍫Dale嗰個係黑朱古力撻 好好食 撻底超脆❤️我平日唔鍾意朱古力 但係佢依隻唔甜 苦苦地 一啲都唔漏之餘入口好香濃 令你停唔到口🍰Mickey係檸檬紐約芝士蛋糕 超香芝士味 帶出微微檸檬香味 鍾意佢唔係用檸檬糖霜 而係似吉士 蛋糕厚實 又唔太甜🥞Minnie 係香蕉忌廉pancake 依個就唔太好食 pancake冇味同唔鬆化🥐最後係芒果吉士酥 芒果勁多汁又香甜 酥餅咬落鬆脆 入口即化 吉士甜度適中 同芒果夾味甜品真係十分出色👍🏻包茶/咖啡 揀咗earl grey+ lemon又酸又苦 幫助消化 earl grey唔算濃醇不過配甜品最啱 中和味道-迪士尼酒店高級餐廳果然有返咁上下超級好食 全部味道好到位環境一流 佈置似花園 令人感覺放鬆舒服😌座位十分寛鬆闊綽 兩個人坐梳化五人枱又唔多人 氣氛寧靜 感覺入咗世外桃園🌺服務人員態度勁好 主動提出話幫我地影相 好friendly👍🏻價錢係貴(成年最貴今餐😂)但係絕對值坐吓享受吓都過咗兩個鐘為2020畫上完美句號🥰好開心奇妙嘅一日 繼續閱讀
(以上食評乃用戶個人意見 , 並不代表OpenRice之觀點。)
意外驚喜下午茶!!早前因爲有生日優惠都介紹過#香港迪士尼樂園酒店 既華特餐廳下午茶、中規中矩啦唔算好好食、只係打卡既話都值得去!最近又因為續年票既關係又一次黎食下午茶🤣 不過由於疫情關係、華特餐廳座位已滿、所以安排左係翠樂庭享用黎之前都冇咩期望、期望只有帶港女著15週年既衫見下朋友仔影下靚相🤣🤣(佢靚衫多過我)三層架黎到唔洗講啦、賣相一定靚!今次以慶祝香港迪士尼樂園15週年做主題、除左有米奇標誌外仲有城堡!樂園最新起好既城堡大家有冇入去打卡呢?食物方面有4款咸點、3款甜點同鬆餅!咸點:#墨西哥辣牛肉紫薯蓉撻 紫薯上面有城堡既logo,少少辣、但估唔到都幾夾、最初以為係甜品🤣#炸新豬肉洋蔥莧菜卷 第一次食新豬肉幾得意、比平時食肉冇咁負擔、而且用炸既方法唔會太油膩好香脆👍🏻#龍蝦沙律蟹子軟包 龍蝦好爽甜!唔會好多沙律醬、仲好足料😍😍#蟹肉沙律碟豆花啫喱魚子配黑松露野菌撻 呢款最驚喜!!!上層係蟹肉沙律、下層係黑松露野菌撻、兩款味道都好特出!蟹肉鮮甜、黑松露香濃、加上牛油撻香脆、我試過分開食 同一齊食、都樣都好好味🤤 如果有得refill 我最少要食5件🤪🤪鬆餅就略為冇咩特別、中規中矩、不過讚一讚比上次好食、唔太乾👍🏻👍🏻甜品:#自家製意大利朱古力雪糕 大大個米奇頭、見到即刻心心眼😍職員都好細心提我地要食左先🤣不過你知啦港女有排影相!影完開始食都知會溶、食落味道真係好濃朱古力味但唔係死甜!如果即食一定會更好食!#雜莓慕絲蛋糕 甜品每款都係打卡位!立體朱古力城堡搶哂鏡頭!由於用雜莓比起只用紅桑子既冇咁酸、酸甜度剛剛好!#白朱古力慕絲配熱情果醬 呢個慕絲比頭先既細滑、熱情果既果香中和左白朱古力既甜、為成個tea set劃上完美既句號飲品:揀左特飲玫瑰花茶、可惜加入蜂蜜 、略為甜左少少🌹整體來講 比之前果餐進步好多!!可能選料比上次好!每款都好食有驚喜👍🏻👍🏻今次真係除左打卡外仲係好食♥️ 正價係港幣$438/兩位用(另收10%服務費)、但今次因為續會、迪士尼免費請食、所以真心超抵🤣🤣 繼續閱讀
(以上食評乃用戶個人意見 , 並不代表OpenRice之觀點。)