409
136
69
餐廳: 柏景餐廳
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
餐廳: 柏景餐廳
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵尖沙咀/尖東站 A1/ L5 出口, 港鐵柯士甸站 F 出口 繼續閱讀
電話號碼
27382322
開飯介紹
柏景餐廳位於九龍尖沙咀廣東道便利位置的柏景餐廳,其自助餐一直大獲好評,每日供應過百款新鮮刺身、海鮮、國際美食及甜點,並設有互動式烹調站,由酒店大廚為客人即場主理特色佳餚。全日供應不同自選菜式或酒店自助餐,讓顧客品嚐各式刺身壽司、海鮮、沙律、中西湯水、時令國際菜式、甜點等過百款美饌。 繼續閱讀
獎項殊榮
美食之最大賞 (2014)
營業時間
今日營業
06:30 - 22:30
星期一至日
06:30 - 22:30
公眾假期
06:30 - 22:30
公眾假期前夕
06:30 - 22:30
付款方式
Visa Master AE 銀聯 JCB
座位數目
256
其他資料
支持防疫 詳細介紹
網上訂座
Wi-Fi
酒精飲品
自帶酒水
切餅費
VIP房
支持減塑 詳細介紹
嬰幼兒設施
泊車
電話訂座
賞訂座積分
加一服務費
有關獎賞計劃
優惠
餐廳: 柏景餐廳
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (703)
等級4 2021-02-21
700 瀏覽
數數手指我原來已成個月沒吃自助餐了!趁著新春期間相約了美女在Royal Pacific Hotel 皇家太平洋酒店的柏景餐廳以香江情懷自助午餐解相思之苦!這個香江情懷自助餐只要在最少一天前於官網預訂並繳付全費,那自助午餐、半自助午餐、週末自助早午餐或自助晚餐便可享高達6折優惠! 像我吃的2.5hr自助午餐星期一至五的收費為成人原價$338/位、折後$236.6/位 ,小童原價$238/位、折後166.6/位,長者原價$278/位、折後194.6/位(已包括以原價計算之加一服務費),真的超級抵吃最重要是自助午餐的選擇也超級豐富呢!那待車媽媽帶大家走一圈看看有什麼食品選擇啦!甫踏進餐廳便是甜品區有雪糕迷大愛的Mövenpick雪糕專櫃,內裏還有六款口味選擇那麼多包括有薄荷朱古力、意大利奶凍、熱情果芒果雪葩、雲呢拿、士多啤梨及瑞士朱古力味,雪糕狂迷必定可以在此大快朵頤大滿足了!而甜品櫃內放滿了小巧精緻的甜點,當中包括有雲石芝士蛋糕、黑森林蛋糕、綠茶忌廉筒、特濃朱古力餅、水晶餅、熱情果乳酪蛋糕,還有三款新鮮水果最開心當然是有我極愛的菠蘿喔!另外切合今次的主題所以設有不少懷舊的中、西及賀年甜品,打頭陣有新鮮熱辣的即時製窩夫、芒果布甸和北海道3.8牛奶布甸配雜莓!而懷舊甜食則有滋潤養顏的*鴻運滿堂*紅棗桂圓茶、賀年年糕、脆麻花、笑口棗和麥芽糖夾餅,另外還有我自少已很喜歡吃的潮州糖蔥餅,喜歡懷舊甜品如我的朋友必定歡喜若狂耶!而自助飲品區亦一應俱全供應多款無限任取的飲品!從來也喜歡自助餐有無限暢飲感覺更為開心呢!無限暢飲選擇亦不少當中包括有罐裝汽水、橙汁、蘋果汁紅茶及排毒水另外還有自助咖啡或茶,喜歡冷熱飲品也有得揀很讚喔!喜歡高興碰杯的朋友更可以$68/位便可無限暢飲氣泡酒、紅、白餐酒及罐裝啤酒呢!介紹完甜品飲品之後我們一起走到海鮮街看看有什麼冰鎮海鮮可選吧!這天的冰鎮海鮮包括有翡翠螺、鱈場蟹腳、凍蝦、大蜆等!而在星期五、六及公眾假期前夕之自助晚餐更會升級供應波士頓龍蝦及龍蝦鉗呢!海鮮街旁邊是沙律及前菜區供應著新鮮的沙律菜和美味凍肉!另外還有不少現成的沙律可選當中包括有俄羅斯沙律、三文魚沙律、華都夫鮮蝦沙律,而新春期間更提供新年必吃的大紅菜式魚生撈起!接下來走到元氣路即是日式美食的專區!供應著五款刺身包括有玉子、榮螺、希靈魚、鯛魚、及肥美的三文魚刺身。另外還有冷麵、螺肉、中華沙律及精美的壽司供應,沒辦法回*鄉*的朋友唯有在這兒尋找那點和風的根吧!繼續往前走正是麵食里和點心街的位置!廚師會即叫即煮地道的車仔麵和沙田雞粥給客人,喜歡澱粉質的您絕對不可能錯過啊~走到點心街這天供應有燒賣另外還貼心的供應上牛肉燒賣,旁邊還有我最喜歡吃的豉汁鳳爪和豉汁蒸排骨,真想端來碗白飯弄一個自家製的鳳爪排骨盅頭飯呢!點心旁還有超美味的*哈哈大笑*上湯海中蝦炆伊麵,如果胃納強勁的朋友真要品嚐這美味又好意頭賀年菜式哦!點心街對著的位是供應餐包和熱辣辣的湯品的區域!接下來轉過角是長長的熱食專區內裏放滿各式新鮮熱辣的中、西熱葷,而今次食物質素和味道我覺得精進了不少真吃得我舔舔脷呢!打頭陣是賀年菜必備的*年年有餘*清蒸沙巴龍躉、*發財好市*生菜豬脷蠔豉、接力的還有*新春報喜*脆皮炸子雞,新正頭吃這些夠晒好意頭啊!繼續還有腰果牛肉、炸魚柳配薯條、蟹肉香草意大利粉、法式紅酒燴雞、芝士焗菠菜帶子、醬燒排骨配烤菠蘿、芝士焗西蘭花椰菜花、香草燒羊肩,選擇多到不行相信大家也必定選到心水美食。之後還有只限自助午餐供應的燒脆皮豬腩肉配上美味的燒甜薯和車厘茄作伴菜!私心推介這個脆皮豬腩肉絕對是不可不吃的美食!最後還有即場燒製的香噴噴燒烤美食!有肉嫩多汁的燒雞翼、煙韌的魷魚圈、香口的三文魚骨、羶香的烤羊架及我至愛的燒菠蘿!這個香江情懷自助午餐的美食真是十分豐富,光是影相時我已經吞了不少口水了呢!跟好友有各自取來心水美食影相靚相便係時候開餐了!大家請起筷不用客氣喇呵呵!車媽媽的習慣改變了改不了先來碟清爽的粟米青瓜BB菠菜沙律,伴以油醋享用佔胃之餘不怕肥喔!然後來一碟前菜海鮮加生果墊墊底待稍後不用吃得那麼兇狠嘛!然後是好友取回來的刺身和壽司雖然我好為食但這麼多飯我還是吃一件好了!那當然選我最喜歡吃的鰻魚壽司來品嚐吧!刺身就可以吃多兩件而我就最喜歡肥美油潤的三文魚了!來這兒如果見到有這個滋補三十功名燉湯而不喝絕對是您的損失!用料豐富又足的三十功名燉湯味道香甜到不得了,喝下十分舒服感覺成個人也佷滋補靚晒!接下來品嚐沙嗲軒名物鹹蛋乜乜乜!以油潤甘香的鹹蛋黃來炮製出黃金魚皮、黃金蝦棗、黃金米餅和黃金薯條真的邪惡到一個點啊,但又好吃得會令人停不了口真的教我糾結非常!另外只限自助午餐供應的焗酥皮威靈頓三文魚也很合我意,從來未嚐過威靈頓牛柳的我可以試這個香氣撲鼻的焗酥皮威靈頓三文魚真是好幸福耶!熱葷我選了意頭菜吃旺一旺佢最喜歡炆得入味的生菜豬脷蠔豉,另外那必吃的燒脆皮豬腩肉皮脆肉嫩又多汁超美味,伴薯香甜的燒甜薯吃很滿足啊~最後嘆多碗仔即煮綿滑的沙田雞粥真的非常飽足了很開心啊!平時甜品環節我大多會跳過的但因有這個懷舊糖葱餅令忍得口的我也失守了!這個即叫即包的懷舊糖葱餅外皮煙韌薄身內裡的糖葱餡甜蜜輕脆,吃下味道鹹甜交錯好不美味耶那份童年回憶即時湧上心頭!!另外這香江情懷自助餐由即日起至28日期間,凡2位付費成人惠顧自助晚餐同行一名3至11歲小童可享免費優惠,而該月的生日之星惠顧自助午餐或晚餐即可享免費生日蛋糕乙個呢!這麼多優惠大家係時候要重溫美又豐富的自助餐了! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-08
1064 瀏覽
年前慧慧的測驗默書,加上忙著屋企大掃除,讓我有點抖不過氣來,這天下午要在家好好享用一個悠然下午茶,輕鬆一下,叉叉電。柏景餐廳這個外賣自取下午茶相當抵食,共12款鹹甜點,件件精緻美味,飽到連晚餐都吃不下了呢﹗ 經典鬆餅及提子鬆餅配自家柑橘醬及忌廉巴馬火腿、鵪鶉蛋班尼迪牛油果鮮蝦咯嗲脆炸玫瑰香檳燉蛋白香草青瓜忌廉芝士麥包迷你松露牛肉芝士漢堡加州香橙忌廉撻焗富士蘋果芝士蛋糕紅莓牛奶布甸法式燉蛋泡芙宇治抹茶紅豆卷榛子朱古力慕絲  下午茶來說,好多時候是甜點較優勝,但悠然下午茶的鹹甜點各有千秋,我也忍不住要先試鹹點啦﹗尤其喜歡巴馬火腿、鵪鶉蛋班尼迪,整件放到口中,蛋液像瀑布般湧出,加上嫩滑的蛋白與巴馬火腿的咸香,口感味道好豐富,必食﹗ 香草青瓜忌廉芝士麥包,一股爽脆清新,連咀刁的慧慧都讚好吃﹗ 足料迷你松露牛肉芝士漢堡與炸物,以為是炸豆腐,原來是脆炸玫瑰香檳燉蛋白,難怪有種甜蜜的味道呢﹗ 在這時候吃牛油果鮮蝦咯嗲就最好不過了,幼滑微辣的牛油果及爽彈的鮮蝦,幫我消滯一下,可以開始吃甜點。 先來個比較輕盈的宇治抹茶紅豆卷及法式燉蛋泡芙,法式燉蛋泡芙好像迷你菠蘿油呢﹗幼滑又充滿蛋香,泡芙部份依然空氣感十足。加州香橙忌廉撻,加上威化蝴蝶,正有春天到來的感覺,酸酸甜甜的,充滿活力。  榛子朱古力慕絲,濃郁度與甜度剛好,慕絲入口幼滑,讓人無法抗拒;焗富士蘋果芝士蛋糕,意想不到的清甜味道,蠻搭配的。 最後以滑溜無比的紅莓牛奶布甸作結,實在完美。  透過官網最少一天前預購,即享8折優惠,每2位計約3百多元,抵食飽肚又美味。  繼續閱讀
(以上食評乃用戶個人意見 , 並不代表OpenRice之觀點。)
女士們總愛吃下午茶,原因無他,因為下午茶實在太美了,單是拍照打卡就夠開心!全套下午茶要拍,逐件點心又要拍,其實都幾忙碌,但我今天介紹這個下午茶,大家則可以慢慢來,因為點心可以re-order,慢慢吃、慢慢拍,網上訂座還有8折優惠,夠抵食!說的是尖沙咀皇家太平洋酒店的「悠然下午茶」,成人每位原價$208起,酒店來說這價錢不貴,網上訂座還有八折,而最划算的部分,是大家吃罷全部點心後,如感到意猶未盡,可以向餐廳re-order想再吃的項目,費用全免!下午茶共有12款點心:- 牛油鬆餅及提子鬆餅 - 脆炸玫瑰香檳燉蛋 - 巴馬火腿鵪鶉蛋班尼迪- 牛油果鮮蝦咯嗲 - 香草青瓜忌廉芝士麥包 - 迷你松露牛肉芝士漢堡 - 加州香橙忌廉撻 - 紅莓牛奶布甸 - 宇冶抹茶紅豆卷 - 焗富士蘋果芝士蛋糕 - 榛子朱古力慕絲 - 法式燉蛋泡芙巴馬火腿鵪鶉蛋班尼迪牛油鬆餅及提子鬆餅香草青瓜忌廉芝士麥包迷你松露牛肉芝士漢堡牛油果鮮蝦咯嗲 法式燉蛋泡芙榛子朱古力慕絲焗富士蘋果芝士蛋糕宇冶抹茶紅豆卷加州香橙忌廉撻 紅莓牛奶布甸那麼多點心,你會re-order哪一些?個人好喜歡小巧的「巴馬火腿鵪鶉蛋班尼迪」,鬆脆多士上面是巴馬火腿以及鵪鶉蛋,一口吃下去,蛋黃在口腔內爆發,好滿足!回本之作還有「迷你松露牛肉芝士漢堡」,漢堡牛扒好厚身,多吃兩個十分飽肚。 甜品方面,因為我喜歡朱古力,所以「榛子朱古力慕絲」自是首選,軟綿香滑,朱古力味香濃,還可以添加,滿足程度爆燈!<悠然下午茶> 供應時間:下午3時15分至5時15分價錢:周一至五成人$208,小童$128;周末及公假成人$228;小童$148 繼續閱讀
(以上食評乃用戶個人意見 , 並不代表OpenRice之觀點。)
等級8 2020-12-22
3615 瀏覽
以往嚟「皇家太平洋酒店」嘅「柏景餐廳」,都喺食自助餐,小弟亦覺得佢哋嘅自助餐性價比都高,但今次嚟到,就唔喺食自助餐喇,收到官方嘅宣傳電郵,新推出咗個「悠然下午茶」,無論款式,抑或定價,都好吸引,故此,就同老婆一齊嚟到試試,並順便當喺慶祝聖誕。相反,聖誕嗰幾日假,都怕周圍都喺人,寧願晌屋企抖抖清理吓啲雜務。雖然因為疫情,市面都好似冷清咗啲,不過,餐廳仍然擺放咗唔少聖誕裝飾,總算有種慶祝節日嘅氣氛。餐廳嘅環境本身都好舒服,一來地方大,二來餐枱與餐枱之間都保持一段距離,加上依家疫情關係,客人都會被安排坐得疏少少,用起餐嚟就更安心,唔會有咩交叉感染。今次所做嘅英式下午茶,每日都有供應,平日價每位$208,而星期六、日及公眾假期每位$228,供應時間3:15pm- 5:15pm,記得預早上番酒店官網訂座,有8折優惠架。而整個下午茶套餐,包括咗5款鹹點、7款甜點,真喺好豐富。而且,三層架嘅下午茶,化身成個小園林,有小花,有蝴蝶,有雀仔,甚有意境。再者,不論鹹點、甜點,都小巧的骰,賣相精緻,更讓人心悸動。巴馬火腿鵪鶉蛋班尼迪小弟就喜歡先鹹後甜,所以,就以呢道的骰嘅班尼迪鵪鶉蛋打頭陣。雖然話喺班尼迪,但始終鵪鶉蛋細,要做流心效果唔會太明顯,但配上酥餅底、巴馬火腿,淋上少少荷蘭汁,整體效果好唔錯,味道鹹香,口感富層次。牛油果鮮蝦咯嗲老婆超鍾意呢一道鹹點,皆因有打得軟滑嘅牛油果蓉,啲牛油果蓉仲加咗啲調味,所以,有種不單調嘅感覺,而鮮蝦好爽口,兩者配合起嚟有種好清新感,好襯個下午茶主題。脆炸玫瑰香檳燉蛋白初頭睇餐牌,真喺想像唔到呢一款鹹點喺咩樣!嚟到,切開,就突然叮一聲,好有種大良炸鮮奶嘅感覺,其實,食落去嘅口感亦好相似,外層好香脆,又一啲都唔油,而中間嘅燉蛋白確喺仍然好滑溜,不過,花香味就比較隱若,但都算得上甚有驚喜。香草青瓜忌廉芝士麥包眾多鹹點中,就以此「手指三文治」較為平實,簡簡單單麥包三文治,塗上薄薄嘅忌廉芝士,再夾有一片青瓜,實際上味道都唔錯。迷你松露牛肉芝士漢堡雖然稱之為迷你,但中間嘅牛肉都做得好厚身,而且,入口鬆化,充滿肉香,滲出微微黑松露嘅香氣,而漢堡包嘅包身亦鬆軟,大啖咁咬落去,都食得好過癮。加州香橙忌廉撻一輪鹹點,依定就輪到食甜點,所有甜點都做得好賞心悅目,尤其呢款,撻殼專登做成粉紅免,再放隻蝴蝶做裝飾,好搶眼。香橙蓉嘅微酸,非常清新怡人,配合上撻殼內嘅忌廉,入口有種中和感,而撻殼亦都好脆口,別以為「蝴蝶」只做裝飾,其實喺威化紙做,可以入口。焗富士蘋果芝士蛋糕試完加州香橙,就再試富士蘋果,以美式芝士餅作為主軸,再淋上富士蘋果肉。芝士餅嘅芝士味好濃郁,而且,質感綿,消化餅底又夠薄;餅面嘅富士蘋果肉煮得軟滑,滲出清甜嘅蘋果香味。紅莓牛奶布甸雖然,都無刻意講明喺用咩牛乳,但啲牛奶布甸嘅奶味頗重、頗香濃,口感亦好柔滑,而中間夾有一層紅莓味嘅啫喱,兩者配合下感覺好唔錯。法式燉蛋泡芙法式燉蛋 + 泡芙,又幾有心思,而且,擺朶小花,令其賣相變得更加可愛,猶如一身嫩滑肌膚嘅小妮子。泡芙做得幾有水準,脆脆嘅外層,裡面卻喺軟綿綿;中層嘅法式燉蛋做得口感細膩軟滑,且甚具蛋香。宇冶抹茶紅豆卷敢用宇冶抹茶個牌頭,而唔喺綠茶,就知用料不賴無hea做,唔止個蛋糕嘅色澤好對辦,嗰陣抹茶味都好濃郁、好幽香,口感亦好軟熟,中心嘅鮮忌廉亦都打得軟滑香甜,紅豆亦煮到綿晒,喺嫌紅豆少咗啲啫。榛子朱古力慕絲甜點嘅壓軸,就一定喺食呢一款慕絲蛋糕,賣相已額外加分,外層嘅鏡面朱古力做得「閃爧爧」,而且好夠薄,再加上少少裝飾。入口,朱古力味好香濃,帶點點甘苦,而中間嘅慕絲又滑又香,嗰陣榛子朱古力香味好突出,實在非常好食。經典鬆餅及提子鬆餅配自家柑橘醬及忌廉食英式下午茶,又點可以無英式鬆餅嘅份,所以,留到最後先食。當中有自家焗製嘅傳統嘅牛油鬆餅及提子鬆餅,當然,自家製嘅柑橘果醬亦喺另一亮點。柑橘果醬果然好清香,嗰份柑橘味好自然,厚厚咁塗晌鬆餅之上,食落好有滿足感;而忌廉屬於帶淡味嘅忌廉芝士一類,質感好挺身,配搭鬆餅又喺好襯。意式泡沫咖啡、洋甘菊茶餐飲可以揀即磨咖啡或有機茶,前者喺機沖,都喺晌自助餐常見嗰啲自助咖啡機,所以,別抱太大期望,但豆靚沖出嚟嘅效果都唔差;而老婆揀洋甘菊,採用「川寧」品牌,所以,質素亦有所保證。整體而言,下午茶時段環境寧靜,招呼熨貼,不時為老婆杯洋甘菊添熱水,而整份下午茶鹹甜都皆出色,種類各有個性,唔會有太重複嘅感覺,可見選材、款式都花過唔少心思,但最意外嘅喺,待我哋用餐近尾聲,店長走過嚟問我哋有無邊款鹹甜點想再試,若意猶未盡,可再次單獨點選,不過,都已經好飽喇,夠晒滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-23
379 瀏覽
喺尖沙咀中港城隔離嘅皇家太平洋酒店有一間西餐廳,以前係相當旺嘅,不過因為疫情,中港碼頭關閉,所以人流大大減少。對於香港人來講某程度上都唔係一個壞事,今日就可以嚟到呢度享受一個寧靜嘅下午。餐廳環境相當寬敞,枱與枱之間有適當距離,令食客都更安心光顧。下午茶更加一啲都唔貴,用指定信用卡仲有六折優惠,埋單每人$180有找,真係非常超值。等咗大概十分鐘,tea set就已經登場,賣相算不俗。鬆餅有原味及提子味各兩件,送上枱時仍帶微暖,另配自家製柑橘醬及忌廉。最下層為鹹點,分別有🍖巴馬火腿鵪鶉蛋班尼廸🥑牛油果鮮蝦咯嗲🌹脆炸玫瑰香檳燉蛋白🥒香草青瓜忌廉芝士麥包🐮迷你松露牛肉芝士漢堡中間嗰層就開始食甜點,包括🍳法式燉蛋泡芙🍓紅莓牛奶布甸🍫榛子朱古力慕絲最頂層就有🍊加州香橙忌廉撻🍎焗富士蘋果芝士蛋糕🍵宇治抹茶紅豆卷總括而言,食物就不過不失啦,最驚喜嘅就係當你食完一round之後,就可以要求encore你覺得好食嘅鹹甜點,淨係呢點都已經抵返晒。👍🏼我個人就幾鍾意焗富士蘋果芝士蛋糕、法式燉蛋泡芙、迷你松露牛肉芝士漢堡,其實仲有其他都值得encore,不過又已經好飽,都係留待下次再嚟食過啦! 繼續閱讀
(以上食評乃用戶個人意見 , 並不代表OpenRice之觀點。)