4
2
0
港鐵油塘站 A2 出口, 步行約5分鐘
繼續閱讀
營業時間
星期一至日
07:00 - 23:00
I can't seem to find this restaurant listed on openrice, therefore I am posting comments at the old address.However you can find the new address at ipick.ipick.com hongkong restaurant 306822嘉榮街1-11號油塘中心嘉富商場1樓139-140號舖Tel: 23466918.Surprisingly there are branches of Kim Gary in Singapore and Malaysia.At this branch, there is a security camera at the entrance, so people can see you on the screen before you come in.The steak is sodarized but pretty good because it is quite thick and tender.The noodle and tofu pots were also good.
繼續閱讀
下午茶時段，先至醫肚，去到無乜人，裝修似西餐廳！偏暗略殘舊，地方乾淨！食物以西式多！我們但求快，叫碟頭飯最快！叫咗：瑞士汁洋蔥雞髀飯--食物好快到，簡單一隻雞髀，椰菜洋蔥拌碟，少許豉油汁，雞髀夠大隻，外脆內軟，外皮炸得薄脆，我都忍唔住食晒，肉質頗嫩，少許肉汁！拌碟洋蔥及椰菜爽脆，醬汁唔似平時瑞士汁咁甜，似普通豉油汁，都好味！另外叫了「蕃茄牛肉飯」：蕃茄新鮮厚肉，肉質爽口，牛肉有兩款，有啲係普通牛肉片，有啲係切碎牛扒（明顯厚好多）難得唔會嗱到無晒味！有咬口，有肉汁，不過亦有少許筋，但可接受！而且個汁微酸，好開胃！唔唔錯！門口可以泊車，侍應勤快，上菜落單好爽手！唯一係廁所在店外商場地牢，又轉左幾次先到，唔方便！
繼續閱讀
呢排突然好想鋸扒，但又唔想去太遠既地方，於是就同肥柑太一齊去屋企附近既金加利鋸下野。呢間野好耐歷史，偶然都有幫襯，不過多數都係午餐為主，今次都係第一次去呢度鋸扒，去到果陣好多人，侍應叫地方坐角位，打開餐牌，發覺佢地既扒餐就分兩種，一種就係73蚊選兩款食物，另一種就88蚊既西冷扒。肥柑太就選左牛扒加豬骨，我自己就選左厚切西冷。落單果陣侍應問我果個扒要幾多成熟，最後我選左五成。之後肥柑太先發覺原來佢地有輕量鋸扒餐，只係五十幾蚊就一樣有得鋸。餐湯大家都叫左羅宋湯，配蒜蓉包，個湯好有肉味，出面坊間所謂紅湯只係雜菜湯，呢度個湯就有肉，同埋煮得幾濃。蒜蓉包好脆同香，而且仲好熱下，分量剛剛夠，沾少少湯再食就更一流。兩味扒餐送到，柑太要左蒜蓉汁，佢地好細心另外畀多一張隔油彈既紙巾，等倒汁時d油煙同汁唔會彈到顧客，而隔油果張既質料明顯係比較厚，所以唔會咁易畀油彈穿。個餐方面，牛扒分量唔太多，似一塊平時係出面食飯叫牛扒餐既分量，而豬仔骨就幾大條，有差唔多七條骨係度，而味道方面，牛扒就一般，而豬仔骨就幾嫩，而肉食落就唔覺韌配菜方面係椰菜、蕃茄同埋薯條，燒熟左既蕃茄同浸夠汁既菜味道方面都唔錯。我果個厚西冷扒，幾大塊，估計有十安士，食落都幾嫩滑，雖然有少少鬆肉粉既味道，但係一樣食到有牛肉既鮮味同肉汁，而黑椒汁就零舍夾個扒同配菜，整體上都比預計好。另外呢度最大特色就係薯條係另上，而唔係放係落係個鐵板再用個扒壓住，如果鍾意d薯條多d黑椒蒜蓉汁就未必鍾意呢個食法，但如果鍾意食d脆既薯條就幾好既安排。呢張近鏡睇到個扒就稍為over左，不過整體上都唔錯。跟餐甜品係提子味jelly，我無加花奶，柑太就有，不過發覺佢地上碟果陣將個杯放係個熱既碟上面。好在無熱溶個jelly，不過其實都唔會，因為個jelly加左幾多魚膠粉，成個jelly都好實下，所以咬落都彈牙。最後我地叫左檸茶一熱一凍，兩百都唔駛就食到扒，其實比起出面黎講真係抵食，而且成個區得呢間餐廳先有正式既鐵板扒餐，我覺得值得支持下佢，希望佢地可以愈做愈好而成個鋸扒晚餐就係一個熱熱天氣下結束。
繼續閱讀
週末的我倆，佛堂未開班，我們一是躲在家裡陪BB玩，二就是於星期日送BB回父母家後我們去遊車河。星期日，完成送BB出美孚既任務之後，我就建議去茶果嶺尋幽探秘一番。可是我們去到的時候已晚，村內的茶餐廳，村外唐樓的茶餐廳已關，原本on plan的下午茶要取消。體驗完茶果嶺後，我們再向油塘進發。此時，也差不多6點了，二人決定在油塘，找個可以泊車的地方，太太以前在這頭工作，她本想為我找來隱世的工廠飯堂，可是是日是星期天，飯堂一律不開。從山下望上去，有幾棟舊式住宅，我們一於揸架車上去，來到這個叫油塘中心的舊社區。區域好自成一角，旁邊滿是工廠同一些拆卸後再重建的新型公屋區，頓時令到這一個建在山坡上的古老國度非常之突出。茶餐廳有幾間，後來才發現隱藏在商場內有不少的"沒特色"食肆。但因為要把車子泊在當眼的位置而不想行開太遠。而就在馬路邊，有三個選擇。可能是晏吧，三間都冇乜人，而我看見金加利的名字有點兒熟識，記得在牛頭角同塘尾道見過。金加利係有少少質素既，咁就呢一間吧。時間是6點，幸好仲有平價的下午茶食，不過係呢一個鍾數，我們是吃晚飯好還是吃下午茶好。考慮了一小段時間，看見下午茶也有能飽肚的食品選擇。金加利，既是茶餐廳，既是冰室，食物方面的確是中西合壁。而這個就是典型港式西餐廳既特別之處。炸雞肶就是非常傳統的港式食品，皮硬肉汁流就可以稱為一隻味道同質素都十足十的炸雞肶，中間的肉味，若是以豉油去醃製過，會是更佳。是日的一隻雞肶，符合了大部份上列的要點。皮是夠硬，帶少少脆，可是，有點兒覺得乾了一點。 太太亦找到心儀的素食飯麵，葡式焗雜菜飯，顯然就是葡式焗四蔬加飯。飯是炒底的，非常之香口，帶有少少芝士的葡汁，但味道不強，說是素菜比起肉食清淡，呢一個道理，呢一個味道，在我邊吃我的雞肶飯時，同時亦食葡式焗雜菜飯時，比顯地分辨得出。素食人口味淡，其實是合他們口胃的。 差不多7點了，我們慢慢的食，也慢慢的食了差不多1小時。簡單的週末生活，就是在陪BB玩，陪父母長輩們，及駒車遊山玩水下度過，回家，休息好後，又要迎接星期一的忙碌了。然而，7點後，入來的客人越來越多，而且大部份都是家庭，一家3至4口的來陪小朋友食西餐，這也證明，經濟便宜的金加利，其水準同質素是有一定的保證的。
繼續閱讀
2010-3-22(星期一)我與朋友兩人午膳時間光顧，$34(炸菜或雪菜牛肉鍋飯)包熱飲，$38(羅宋湯包窩蛋肉醬意粉+熱飲)。我覺得炸菜牛肉鍋飯–炸菜好味，牛肉吾夠嫩口，飯好味道。窩蛋肉醬意粉–份量少，窩蛋太生(指雞蛋)。
繼續閱讀