本身都有聽過/體驗過坊間啲美容院好hard sell開價又貴，咁啱見到ig有個自己都幾鍾意同fol咗好耐嘅kol幫呢間嘢做宣傳，咁我禁入去睇感覺都ok有兩間分店又單次收費，就諗住試下la
點知！！！就出事了
一開始約咗8月7號4:30去做，點知我去到根本冇人開門，但係入面啲燈係着住ge然後我係咁禁鐘都冇人理，就唯有ig dm返間嘢，4:30dm佢6:30先覆
我係門口等左30分鐘左右先入到去，個美容師由間房行出黎話佢做緊facial聽唔到鐘聲，咁就算啦唔緊要，始終都係第一次。咁一般我做完一次就會當場即刻約埋下一次嘅時間，之後個一兩次都okge，到第三次嘅時候應該係11月1號去，但我唔記得左就dm講sorry唔記得咗去，問可唔可以約第二日，明明ig online都係咁拖住唔覆，好唔容易約咗個時間，又會用各種理由推，例如：美容師病咗、脱毛機死咗火…咁我就當自己唔好彩，最後終於去到11月9號有得脫。
9號去到係個美容院老闆娘幫我做ge，我就試探性問佢係咪前幾日個脫毛機死咗火冇得用，佢好驚訝咁講：「下？冇喔，邊個同你講㗎？」我話：「我ig dm約時間個時小編講嘅」個老闆娘就話：「咁可能佢搞錯咗，同埋ig小編係代理黎，就負責宣傳」如果想book時間最好就搵返老闆娘，咁我就add咗老闆娘嘅WhatsApp同WeChat la，諗住終於可以解決件事，以後想book時間直接同老闆娘book方便好多
點知呢個先係惡夢嘅開始，次次我book完時間confirm完到個日準備到達，但成間鋪係冇人嘅，我WeChat搵佢佢話由另一間分店黎緊仲有幾站到（有兩間分店，一間係元朗，一間係太子）咁我心諗仲有幾站到應該好快姐，一等等咗差唔多45分鐘
仲話幾站我睇佢應該啱啱先由元朗過黎！之後最嬲嘅係有一次book咗5:00咁去到個reception叫我坐低等陣，咁我都冇所謂嘅，始終可能上一個客做耐咗咁我等陣都ok，點知又係一等等咗差唔多40分鐘，我就問reception仲有幾耐到我，reception話：「我都唔知喔，美容師仲未返黎，入面依家冇人幫你做，我都聯絡唔到美容師」我diu la即係其實入面根本冇人！就要我係到白等，冇人都算應該要同我講聲…而唔係我問到先講，如果提前同我講入面冇人仲要聯絡唔到美容師咁我都唔會等，可能轉第二日就算，後尾reception打電話比個美容師問佢幾時到，佢話最少30分鐘，因為依家先係元朗分店趕緊返黎
可以話次次去到都要等！如果係有客做耐咗咁等下都唔係問題！重點係我book咗嗰個時間兼且到咗但佢先從元朗黎緊！好唔負責任！仲要我唔係即日book
依家越黎越過分同佢book完佢ok完，booking當日直接消失咗，手機搵佢佢都唔覆！
sorry for1999
多謝大家咁有耐性睇曬咁大篇文