玩交友apps識另一半，不是什麼尷尬事。偷看一下身邊單身朋友的手機，Tinder、Skout、Coffee Meets Bagel、Flip、happn等，總有一個交友App喺手。由揀對象、諗開場白、延續話題到約出來見面，每一步都好論技巧。要由網友升呢到情侶關係，途中既要保護自己提防騙子，也要付出真心才能識到真命天子。以下5招貼士助你早日找到好姻緣！
登入 瀏覽本網站，可獲取積分換領專屬優惠
玩交友App 技巧1. 從Facebook了解對方
想真正了解交友App對象，單憑App內的少少資料絕對不足夠。如果你單身又身家清白，不妨問對方拎Facebook或Instagram，看看他多唔多朋友、有無伴侶，平時有咩興趣。
有些交友App 更要求玩家用Facebook 認證，作為醒目仔女絕對可以在Facebook 偷偷找出對方profile，暗中看看，也能對對方略知一二，不一定add做friend！
玩交友App 技巧2. 揀有共同朋友的對象
部分交友App 如Coffee Meets Bagel，會根據雙方的Facebook 而顯示你倆的共同朋友。如果你真係想喺交友App搵另一半，不妨選擇有共同朋友的對象。好處一，是可以從共同朋友中了解對方真人，較有保障。好處二，能夠有mutual friends，證明你和對方的讀書或者工作圈子相近，易有話題，成功脫單機會較大。
玩交友App 技巧3. 約會地點以餐廳為佳
在交友App相識了一段日子，話題啱key，下一步自然想約出嚟見面。初次與交友App對象見面，最好的約會地點以餐廳為佳，約食午餐、下午茶、晚餐都是不錯的選擇。切忌約Happy Hour或更夜的時間，既不能好好結交，又會予人不認真的感覺。
第一次見面，不應抱太大期望，某程度上都係試試水溫，睇下對方是否貨不對辦/話不投機，見唔對路，食完飯就各行各路。所以約食飯或tea time就剛剛好，而且餐廳感覺上都較安全d。
玩交友App 技巧4. 切勿太急進
不少單身女玩交友App，都講到明想搵拍拖，甚至以找Mr. Right 為目標。但並非每次配對都能一擊即中，建議玩家隨心看待，以及先了解男玩家對女生的期望，不要太急進或期望太大。
玩交友App時應似放風箏一樣，識得鬆放自如，對方自然會易有好感，繼而進一步發展。記住，唔好約得太密，亦唔好太易獻身，睇定啲先好發生關係，咁就試到對方嘅動機，愈大機會搵到男友。
玩交友App 技巧5. 玩交友App都要夠專一！
你的手機裝了幾多個交友App？1個？3個？全部都玩過晒？可能你好想拍拖，才會安裝多個交友App，每個App又同時跟幾個對象交談。但愈多人選，就愈花你時間，每個只能淺談，你亦漸漸不想花太多時間去深入介紹自己、了解對方。所以，玩交友App都要夠專一，每次鎖定一個App，2-3位對象為佳，覺得無發展機會或唔啱key，才開展下一個交友程序。