【全民造星II】臨時公布MIRROR實力排名 Edan認殘忍:點都會尷尬|香港01|即時娛樂

【全民造星II】臨時公布MIRROR實力排名 Edan認殘忍:點都會尷尬

撰文:
最後更新日期:

ViuTV年度重磅選秀節目《全民造星II》周四(31日)舉行新一輪錄影,最後30強參賽者(包括9名MIRROR成員)將會決一高下,大刀闊斧篩走20人,選出最終10強。在本周播出的節目內容,MIRROR成員再度挑戰比賽,與本季的48強參賽者合流,成為全新的60強;江湖傳聞有言這是重組MIRROR的前奏,問到會否擔心被淘汰,上屆冠軍姜濤反而比較擔心自己的組員被淘汰:「自己Foul唔Foul真係冇乜所謂,始終都覺得今季嘅主角係佢哋,我只係Push佢哋嘅角色。」Edan反而擔心表演做得不夠好:「MIRROR出道一年有一定嘅壓力,希望被Foul啲觀眾都會戥我哋唔抵。」

MIRROR重回《全民造星》舞台的決定引來不少粉絲不滿,Edan(中)表示理解粉絲的心情,他坦承開始的時候也有一定的壓力,但他認為MIRROR每個感員在這個過程中都有進步。(陳順禎攝)

監製花姐(黃慧君)大爆姜濤在參賽過程中有想過敲鐘退賽,姜濤笑言:「之前覺得壓力好大,但過程中慢慢同隊友相處融洽,所以再冇想退出嘅感覺,要輸就喺比賽入面輸,都冇乜所謂。」姜濤又提到現階段自己需要提升的部份是與隊友的溝通:「老實講,始終上年自己唔係好擅長同陌生嘅人打交道,今季呢方面就要有進步。」

當花姐在節目問到有誰沒有信心可以留在MIRROR時,Stanley(右)是唯一舉手的成員,但他說在重新參與比賽期間漸漸找回信心,也找到了自己的定位。(陳順禎攝)

EdanMIRROR突入參賽不公平

Edan坦承MIRROR出道後再回來比賽確實不公平:「始終我哋有訓練過,亦稱得上係上年嘅精英,但我哋發覺返嚟嘅作用係令佢哋發揮更多才能,令佢哋嘅光芒被更多人見到。邱士縉(Stanley)認為MIRROR本季同時擔當給予建議的角色、分享自己的經歷;而他們均認為與今季的參賽者相處得不錯,姜濤說:「相處得好開心,其實大家誇張咗,我嗰組A2好和平,冇大家想像嘅好唔融洽。」Edan又認為MIRROR與參賽者沒有高低之分:「冇話要聽邊個話,大家都係平等嘅。」

+12
+12
+12

在周三晚(30/10)播出的第22集裏,48強參賽者為MIRROR成員投票排出實力排名,三位成員均覺得這個排名很是殘酷,姜濤說:「本身準備Solo表演已經好大壓力,賽前仲有一個排名就更加有種突如其來嘅額外壓力,係唔知為乜!」Edan說:「點都有種尷尬,我哋12個係一團,排名一定會令人難受。」Stanley則表示理解:「我哋又明白製作組係為節目好睇。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。