梁詠琪演唱會｜呂爵安Edan

梁詠琪首場嘉賓Edan呂爵安隨升降台出場與Gigi合唱《LOVERSE》，獲台下觀眾尖叫歡呼。因為在電影《闔家辣》合演兩母子，首次以個人身分擔任紅館嘉賓的Edan，在台上恭喜「媽咪」再開紅館騷時，Gigi回應說：「明明我似你家姐㗎嘛！」醒目Edan即賣口乖：「係！其實真係似家姐多啲嘅！」之後Edan多謝Gigi在拍戲期間主動傾偈同關心自己，令首次拍電影的他得以放鬆心情，Gigi聽罷搞笑回應說： 「你咁靚仔，梗係同你傾偈啦！」而作為「媽咪」的Gigi 更主動談Edan的終身大事，她話：「我知你有好多個選擇嘅，不過講到終身大事，我幫你揀咗喇。」 Edan反問揀咗邊個？其實Gigi幫佢揀咗接下來要計劃踏上紅館舞台，並期待在台下支持「囝囝」載歌載舞，現場即報以熱烈掌聲。Edan還在台上自爆知道今晚見Gigi於是出動「秘密武器」 ，向台下觀眾展示穿了厚底「增高鞋」上台，惹笑全場！ 之後二人再合唱一曲《高妹正傳》，Edan笑言Gigi不用再做他「媽咪」，可以做他的「高妹」，代表身材很高的妹妹。