E-Kids重組開騷　阮民安自爆日本做幕後

前組合E-Kids宣布重組，在網上引起熱烈討論，成員阮民安（Tommy）在電話中表示：「我都估唔到咁好反應，都好驚喜呀，其實係前經理人去年年底問我哋有冇興趣重組開騷啫，我呢幾年喺日本做緊幕後工作，不過我冇講畀人知，依家唱歌咁艱難，我都唔想再做歌手，不過可以喚起大家集體回憶，又可以玩吓。」

門票平吳業坤50蚊

Tommy透露演唱會預計在年底舉行，地點應是03年沙士，E-Kids舉行「第一次亦是最後一次」的理工大學賽馬會綜藝館，他說：「咁先有回憶嘛。（覺得演唱會票價值多少？）我同回憶都係無價嘅，不過如果要我定票價，咁吳業坤演唱會門票幾多呀？（係480、380、280及180元）咁我哋每個票價都平佢50蚊啦。」問他是否覺得跟吳業坤一樣咁紅？他覺得：「我係佢前輩，不過係鹹魚…，佢（吳業坤）呢期紅嘛，但唔可以貴過佢，又唔可以同佢距離太遠，所以平少少，追貼佢少少囉。」