Dani Alves
 | Este artigo (ou sección) está desactualizado(a). A información fornecida mudou ou é insuficiente. |
_(cropped).jpg)  | |||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (pt) Daniel 6 de maio de 1983 (41 anos)Juazeiro, Brasil (pt)  | ||||||||||||||||||||||||||||||||||||||||||||||||||||||||||||||||||||||||||
| Datos persoais | |||||||||||||||||||||||||||||||||||||||||||||||||||||||||||||||||||||||||||
| País de nacionalidade | Brasil España | ||||||||||||||||||||||||||||||||||||||||||||||||||||||||||||||||||||||||||
| Altura | 172 cm | ||||||||||||||||||||||||||||||||||||||||||||||||||||||||||||||||||||||||||
| Peso | 70 kg | ||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||||||
| Período de actividade | 11 de novembro de 1980 - 20 de xaneiro de 2023 | ||||||||||||||||||||||||||||||||||||||||||||||||||||||||||||||||||||||||||
| Lingua | Lingua castelá, lingua portuguesa, portugués do Brasil e lingua inglesa | ||||||||||||||||||||||||||||||||||||||||||||||||||||||||||||||||||||||||||
| Nacionalidade deportiva | Brasil | ||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||
| Posición de xogo | Lateral e defensa | ||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||||||||||
| 8 de agosto de 2021 | torneo masculino de fútbol nos Xogos Olímpicos de Toquio 2020 (1º) | ||||||||||||||||||||||||||||||||||||||||||||||||||||||||||||||||||||||||||
| 2019 | Copa América de 2019 | ||||||||||||||||||||||||||||||||||||||||||||||||||||||||||||||||||||||||||
| 2014 | Mundial de Fútbol Brasil 2014 | ||||||||||||||||||||||||||||||||||||||||||||||||||||||||||||||||||||||||||
| 2010 | Mundial de Fútbol Suráfrica 2010 | ||||||||||||||||||||||||||||||||||||||||||||||||||||||||||||||||||||||||||
| 2009 | Copa Confederacións Suráfrica 2009 |
||||||||||||||||||||||||||||||||||||||||||||||||||||||||||||||||||||||||||
| Outro | |||||||||||||||||||||||||||||||||||||||||||||||||||||||||||||||||||||||||||
| Condenado por | Violación (2024) | ||||||||||||||||||||||||||||||||||||||||||||||||||||||||||||||||||||||||||
| Cronoloxía | |||||||||||||||||||||||||||||||||||||||||||||||||||||||||||||||||||||||||||
| Caso Daniel Alves (pt)
| |||||||||||||||||||||||||||||||||||||||||||||||||||||||||||||||||||||||||||
| Páxina web | danialves.com | ||||||||||||||||||||||||||||||||||||||||||||||||||||||||||||||||||||||||||
        | |||||||||||||||||||||||||||||||||||||||||||||||||||||||||||||||||||||||||||
Daniel Alves da Silva, máis coñecido como Dani Alves, nado en Juazeiro, Baía, o 6 de maio de 1983, é un futbolista brasileiro nacionalizado español, que xoga como lateral dereito. Foi considerado por algúns medios de comunicación deportivos como o mellor lateral dereito do mundo.[1][2] Actualmente atópase sen equipo tras ser detido de xeito preventivo por un presunto delito de violación, o que provocou a rescisión do seu contrato co Club Universidad Nacional mexicano.[3]
Traxectoria[editar | editar a fonte]
Alves debutou como profesional en 2001 no Esporte Clube Bahia e un ano despois incorporouse ao Sevilla FC que pagou por el 500.000 euros.
A pesar de xogar como lateral, é un xogador de marcado carácter ofensivo, e en ocasións actúa como interior dereito, ademais de ser un lanzador de faltas. Dise del que é un todocampista, pois ata chegou a xogar de mediocentro e ata de dianteiro nun partido que enfrontou ao Sevilla e o Zenit de San Petersburgo en terras rusas.
Daniel Alves debutou de xeito oficial na Liga española o 23 de febreiro de 2003 co Sevilla FC fronte ao RCD Espanyol. Con todo, non marcaría o seu primeiro gol ata a tempada seguinte, o 9 de novembro de 2003 fronte ao Real Madrid. En agosto de 2007, Daniel Alves pediu ao Sevilla que lle deixase marchar e crecer como xogador.[4] Con todo, as altas pretensións económicas do Sevilla frustraron a súa fichaxe polo Chelsea FC da Premier League inglesa,[5] o que creou un gran descontento no xogador que chegou ata a negarse a viaxar co equipo a Grecia onde disputaría un partido crucial co AEK Atenas para a súa clasificación na seguinte rolda da Liga de Campións.[6] A pesar diso, quedou outro ano máis na disciplina nervionense, sendo traspasado finalmente ao FC Barcelona.
O 2 de xullo de 2008 foi presentado oficialmente como novo xogador do FC Barcelona ata o ano 2012, nun acto no que o presidente do club azulgrana, Joan Laporta, o definiu como "o mellor lateral dereito do mundo". Os 35,5 millóns de euros do seu traspaso (29,5 millóns fixos máis seis en variables, por clasificación e títulos) convertérono na segunda fichaxe máis cara da historia do club -por detrás de Overmars, e sendo posteriormente superado tamén polo de Ibrahimovic-, sendo o terceiro desembolso máis grande xamais realizado pola contratación dun defensa.[7] No Barcelona comezou usando o número 2. Para a tempada 2013-14 decidiu usar o dorsal 22 coma homenaxe ó seu antigo compañeiro Éric Abidal.[8] Na tempada 2015-16, decidiu cambiar de novo o seu dorsal, usando desta vez o número 6, deixado por Xavi Hernández, quen deixou o club ó remate da tempada anterior.[9]
Marcou o seu primeiro gol co FC Barcelona o 25 de outubro de 2008 no Camp Nou fronte á UD Almería.
Selección nacional[editar | editar a fonte]
Foi 119 veces internacional coa selección do Brasil, coa que marcou oito goles. O seu debut produciuse no 2006, nun partido amigable contra Ecuador, e ao ano seguinte disputou a Copa América, proclamándose campión e marcando un dos tres goles do seu equipo na final contra a Arxentina. Durante os seguintes anos gañou dúas Copas Confederacións (2009 e 2013) e participou en dous Mundiais (Suráfrica 2010 e Brasil 2014).
No 2019 gañou a súa segunda Copa América, capitaneando á selección brasileira e derrotando na final ao Perú. Foi elixido mellor xogador do torneo.[10] Dous anos despois formou parte da selección do Brasil nos Xogos Olímpicos de Toquio, conquistando a medalla de ouro ao vencer na final a España.[11]
Palmarés[editar | editar a fonte]
- Bahia
- Copa do Nordeste (1): 2002.
- Sevilla
- Copa do Rei (1): 2006/07.
- Supercopa de España (1): 2007.
- Copa da UEFA (2): 2005/06, 2006/07.
- Supercopa de Europa (1): 2006.
- FC Barcelona
- Primeira división de España (6): 2008/09, 2009/10, 2010/11, 2012/13, 2014/15, 2015/16.
- Copa do Rei (4): 2008/09, 2011/12, 2014/15, 2015/16.
- Supercopa de España (4): 2009, 2010, 2011, 2013.
- Liga de Campións (3): 2008/09, 2010/11, 2014/15.
- Supercopa de Europa (3): 2009, 2011, 2015.
- Copa Mundial de Clubs (1): 2009, 2011, 2015.
- Juventus
- Serie A (1): 2016/17.
- Copa Italia (1): 2016/17.
- Paris Saint-Germain
- Ligue 1 (2): 2017/18, 2018/19.
- Copa de Francia (1): 2017/18.
- Copa da Liga de Francia (1): 2017/18.
- Supercopa de Francia (2): 2017, 2018.
- São Paulo
- Campionato Paulista (1): 2021.
- Selección do Brasil
- Copa América (2): 2007, 2019.
- Copa Confederacións (2): 2009, 2013.
- Selección olímpica do Brasil
- Medalla de ouro dos Xogos Olímpicos (1): 2020.
- Selección do Brasil sub-20
- Copa do Mundo de sub-20 (1): 2003.
Distincións individuais[editar | editar a fonte]
- Balón de Bronce da Copa do Mundo sub-20 (1): 2003.
- Mellor xogador da Copa da UEFA (1): 2005/06.[12]
- Mellor xogador da Supercopa de Europa (1): 2006.[12]
- Equipo do ano da UEFA (4): 2007, 2009, 2011, 2015, 2017.
- Equipo ideal da FIFA/FIFPro (8): 2009, 2011, 2012, 2013, 2015, 2016, 2017, 2018.[13]
- Mellor defensa da liga española (1): 2008/09.
- Equipo ideal da Copa Confederacións (1): 2013.
- Equipo ideal da liga española (1): 2014/15.
- Once ideal de France Football (1): 2015.
- Equipo do Ano da Serie A (1): 2016/17.
- Equipo ideal da IFFHS (1): 2017.
- Equipo do Ano da Ligue 1 (1): 2017/18.
- Mellor xogador da Copa América (1): 2019.
- Equipo ideal da Copa América (1): 2019.
- Equpo da década da CONMEBOL segundo a IFFHS (1): 2011–2020.
- Equpo ideal do Campionato Paulista (1): 2020.
Notas[editar | editar a fonte]
- ↑ "Copia arquivada". Arquivado dende o orixinal o 07 de maio de 2009. Consultado o 08 de xullo de 2010.
- ↑ http://www.elmundodeportivo.es/gen/20100124/53876806597/noticia/dani-alves-el-mejor-lateral-del-mundo.html
- ↑ "¡PUMAS le rescinde el contrato a Dani Alves!". Sport (en castelán). 20 de xaneiro de 2023.
- ↑ "20 Minutos - Daniel Alves: "Teñen que negociar co Chelsea por respecto a min"". Arquivado dende o orixinal o 18 de setembro de 2009. Consultado o 08 de xullo de 2010.
- ↑ Marca - Alves regresa a Sevilla enfadado
- ↑ "Sevilla Fútbol Club S.A.D". Arquivado dende o orixinal o 27 de decembro de 2009. Consultado o 08 de xullo de 2010.
- ↑ Diario Marca. "Laporta presentou a Alves, o "mellor lateral dereito do mundo"". Consultado o 3 de xullo de 2008.
- ↑ Dani Alves lucirá el dorsal '22' como homenaje a Abidal
- ↑ Todos los dorsales del Barça: Dani Alves hereda el '6' de Xavi
- ↑ "Dani Alves, elegido mejor jugador de la Copa América". As (en castelán). 8 de xullo de 2019. Consultado o 13 de novembro de 2021.
- ↑ "Dani Alves se consolida como el más ganador de la historia: 44 títulos tras Tokio 2020" (en castelán). 7 de agosto de 2021. Consultado o 13 de novembro de 2021.
- ↑ 12,0 12,1 "uefa.com - Alves, o mellor da Supercopa". Arquivado dende o orixinal o 17 de outubro de 2006. Consultado o 08 de xullo de 2010.
- ↑ "FIFPro.org - O Once Mundial FIFA/FIFPro sae a escena en Zúric". Arquivado dende o orixinal o 16 de xuño de 2010. Consultado o 08 de xullo de 2010.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Dani Alves  |
Ligazóns externas[editar | editar a fonte]
|  | |
| | |
| | |
| | |
| | |
| | |
| | |
| Control de autoridades |
|
|---|
- Nados en 1983
- Nados no estado de Baía
- Futbolistas olímpicos do Brasil
- Defensas de fútbol
- Xogadores do EC Bahia
- Xogadores do Sevilla FC
- Xogadores do FC Barcelona
- Xogadores do Juventus FC
- Xogadores do Paris Saint-Germain FC
- Xogadores do São Paulo FC
- Xogadores do Pumas de la UNAM
- Xogadores da selección de fútbol do Brasil
- Xogadores do Mundial de Fútbol de 2014
- Futbolistas gañadores da Liga de Campións da UEFA
- Medallistas olímpicos de ouro polo Brasil
- Medallistas olímpicos en fútbol
- Medallistas nos Xogos Olímpicos de 2020
- Futbolistas nos Xogos Olímpicos de 2020
- Xogadores do Mundial de Fútbol de 2022
- Futbolistas gañadores da Copa América