J2旅遊節目主持梁芷珮性感出鏡:唔通着樽領去潛水咩!

J2旅遊節目主持梁芷珮性感出鏡:唔通着樽領去潛水咩!

撰文:趙允琳
出版:更新:

如果你有經常留意收看TVB的旅遊節目,應該不會對梁芷珮(Christy)這個名字感到陌生。長相甜美的Christy由2017起已經一口氣拍了《美國潮什麼》、《加拿大潮什麼》、《法國潮什麼》、《西班牙潮什麼》四個旅遊節目,可以說是「潮什麼」系列的專屬主持人!而她經常在節目性感上陣,受不少網民熱烈吹捧。近日J2女神又有新作,擔任新一輯《意大利潮什麼》的主持,再次引起熱烈討論。

Christy經常在IG分享性感泳裝照。(梁芷珮IG)

Christy透露在意大利逗留了40日,很多行程都是由攝影師老公Ken和自己一起編排,亦有「捐窿捐罅」問當地人意見去發掘一些先有人知的地方!旅程中當然不乏驚險事蹟,她大爆於意大利坐林寶堅尼時差點出意外:「架車直情快到好似過山車咁,令到我啲頭髮飛到癲咗,我老公負責揸航拍追住我嚟行,點知就係架車行得太快,佢想嘗試放慢架機點知撞咗落棵樹度!」

Christy與老公Ken結婚15年,依然非常之sweet!(梁芷珮IG)

不過原來唔講唔知,經常在鏡頭前或社交網站上大晒bikini照的她,原來已經是3個小朋友的媽媽!但36歲的她依然擁有fit爆身形,更練出腹肌!她笑言其實對自己要求很高:「我為咗我個body真係非常之努力㗎!我喺香港嘅話都會每日去做gym,但係每日去唔到我都會隔日去!最癲嘅時候我會一日做兩次運動添!」(拍節目着咁性感老公唔介意?)「唔通着樽領潛水衣去潛水咩,正常嘅!又唔係賣弄性感,我覺得ok嘅!」

Christy表示自己差不多每日都會去做gym保持身形。(梁芷珮IG)

由於工作需要,Christy和老公經常都要周圍飛,她笑言三個小朋友都已經習慣了:「因為我要咁樣先賺到錢養家,如果唔係冇飯食!我爸爸媽媽都會幫手睇,屋企又有個好好嘅工人姐姐照顧。但我哋唔駛絕對做嘢嘅時候都會陪住佢哋。」她坦言自己雖然周遊列國,不過就很難帶子女到這麼多地方:「遠啲最多都係美國加拿大,近嘅話就日本居多。係唔係好多地方?又唔係實在咁多!」她坦言不介意帶住小朋友出鏡拍節目,不過就要視乎他們合不合作。

Christy共有3個小朋友,包括5歲女兒,和兩個分別7歲和14歲的兒子。(梁芷珮IG)

「潮什麼」系列已經來到第五輯,會不會覺得悶?Christy笑言:「唔會,呢個世界實咗太大,有好多地方可以繼續去!」她透露「潮什麼」系列仍然陸續有來,7月將會播出「北歐篇」,帶大家到冰島、芬蘭等地。

+20

【第一屆武博】立即購票參加5月3至5日於九展舉行的第一屆香港武術及搏擊運動博覽,從武術電影、武館街遊戲及過百個體驗班,體驗武術運動,眼界.決定境界!

立即購票

武博專頁