202
76
29
港鐵九龍站 C1/ D1 出口, 港鐵柯士甸站 B5/ D1 出口 繼續閱讀
電話號碼
22632270
開飯介紹
Café 103鄰近酒店大堂,位於酒店103 樓。精緻優雅的設計,配以由大型落地玻璃窗採入的自然光,營造令人放鬆又時尚的氛圍。賓客可以在那里盡情享受豐盛的自助午餐和晚餐,以及主题下午茶。以壯麗的維港景色為背景,配以高級美饌,Café 103是全天的商務和休閑餐飲的完美場所。 繼續閱讀
特色
飲o野傾計
營業時間
今日營業
12:00 - 22:30
星期一至日
12:00 - 22:30
付款方式
Visa Master 現金 AE 銀聯 JCB
座位數目
90
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車
電話訂座
賞訂座積分
外賣服務
加一服務費
有關獎賞計劃
食評 (364)
每年母親節慶祝方式都不外乎送花同出街食飯,今年有少少唔同,因為疫情關係母親大人唔想出去慶祝👀 於是臨急臨忙就諗到買個外賣afternoon tea孝敬阿媽💁🏻‍♀️ 不過由於太遲決定,好多afternoon tea外賣已經售罄,有啲亦要兩日前預訂。最後揾到兩間係仲有得訂,其中一間就係The Ritz-Carlton🤣 價錢為$628 (2人份),可以額外加錢選購送遞服務🏃🏻‍♂️ 亦可以自取,只需喺選取日期當日下午3時至6時期間去lobby領取。預訂後職員會打電話通知領取地點,同提醒我哋到達前十五分鐘要聯絡返酒店,等佢哋有足夠時間準備。我哋到達後等咗五分鐘就拎到個tea set喇🙈 職員態度好友善,仲提醒我哋如果回程時間耐,就要將tea set放入雪櫃雪一陣先食❄️有樣嘢想講吓嘅係我覺得個盒嘅design可以再高貴少少🤭 初頭落單嘅時候都有覺得個盒好似唔夠「打咭able」,都諗咗一陣先落order🙊 同埋個盒個直徑太大啦,拎嘅時候唔太方便。雖然有附送個網袋,但拎得耐隻手都幾痛吓😕 之前買過其他酒店嘅外賣afternoon tea都無拎得咁吃力。不過佢有送熊仔公仔就加咗分嘅🐻今次個afternoon tea主題係superfood,相對健康!啱哂母親大人食喇💗 個盒入面有五格,兩格鹹點,兩格甜點同一格scones!另外有附送三包twg茶包🍵❤️ Scones呢個scone入圍我心目中香港頭三位!scone嘅表面平滑,入面鬆軟濕潤,每啖都有牛油香🤤 真係好出色!原味scones同杞子莓果scones分別不大。Clotted cream奶香可以再濃啲,果醬甜度適中👌🏻好食度:⭐️⭐️⭐️⭐️ (4/5)❤️ 鹹點鹹點同甜點都唔逐樣評分啦~ 鹹點比例上少過甜點,如果多返啲鹹點就好喇🥺 鹹點質素屬中等水平,可能因為今次係superfood主題,味道方面都偏健康。鹹點有四款:1.意大利芝士球配雜錦香草及藜麥2.迷你菠菜漢堡配慢煮雞胸肉及羽衣甘藍及牛油果忌廉 3.意大利粟米餅配大麥及素芝士 4.海藻燕麥餅乾當中海藻燕麥餅乾較為突出,燕麥餅乾配埋三文魚醬同黑魚子整體鹹香十足,又有口感!心中鹹點排名係:海藻燕麥餅乾>迷你菠菜漢堡>意大利芝士球>意大利粟米餅粟米餅質感較怪,似濕水海綿😬整體好食度:⭐️⭐️⭐️ (3/5)❤️ 甜點甜點比例較多,水準比鹹點高。唔會有其中一款特別伏,屬中上水準。整體甜度唔算高,唔係甜到漏要狂飲水嗰種😆甜點有五款:1.石榴乳酪慕絲杯2.番薯芝士餅3.雜莓泡芙4.生薑核桃杏仁小蛋糕5.抹茶朱古力撻當中雜莓泡芙較為出色,幼滑嘅cream佈滿口腔,甜而不膩,係幸福嘅感覺😋💕心中甜點排名係:雜莓泡芙>石榴乳酪慕絲杯>抹茶朱古力撻>生薑核桃杏仁小蛋糕>番薯芝士餅番薯芝士餅印象唔太深刻,寫呢篇食評嘅時候已經唔記得個芝士餅係咩味🤣整體好食度:⭐️⭐️⭐️✨ (3.5/5)餐廳推薦度:⭐️⭐️⭐️ (3/5)包裝上扣咗少少分😅 食過幾間afternoon tea外賣,呢間整體水準屬於中上💁🏻‍♀️ 鹹點甜點都無伏,價錢上少貴,但分量算多,都可以一試👍🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-26
18588 瀏覽
早前係官網買左2張平日自助午餐既優惠卷,HK$335一位,今日星期五終於同男朋友黎食啦,餐廳安排左窗口位俾我地。未食之前無抱期望,知道食物種類唔多,我只寄望甜品會好食。結果有驚喜,普遍都唔錯,唔多伏既野食,只係回本位唔多。海鮮區有青口、小龍蝦、粉紅蝦、蜆。刺身壽司區,刺身有三文魚、蝦、八爪魚。壽司無食到。冷盤區,男朋友讚薯仔沙律好食。麵包芝士區,軟身圓麵包幾好食。中式熱盤區,中湯有老黃瓜煲豬腱湯,幾重味精。西式熱盤區,西湯有蘑菇忌廉湯,幾好飲。即切區有燒美國西冷、燒豬柳,前者唔韌,後者比較鹹。粉麵區有喇沙湯麵,無食到。甜品區有超多款,基本上試晒,我覺得榛子朱古力蛋糕同栗子蛋糕必食,好好食。雪糕有3隻味: Vanilla, Maple Walnut, Swiss Chocolate,係Movenpick雪糕。生果有西瓜、菠蘿、蜜瓜、火龍果,但我無食到。每人包一杯餐飲: 凍檸茶、熱咖啡。以下係我攞過既野食。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-07-29
1761 瀏覽
前排因朋友大難不死去103 Cafe慶祝下,要求近窗位,想朋友開心啲。侍應好熱情嘅帶領我哋去到唯一最靚景窗口位,大家當時好驚喜,俯視維港靚景喜悅萬分🙏在此非常感謝103cafe全體員工,令我哋渡過浪漫難忘嘅晚上🥂👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-23
2058 瀏覽
某張信用卡做做promotion Total $753.6两個人就可以食到 Ritz-Carlton嘅週末自助午餐 早3個月through信用卡網上付款加電話book位 3個月後嘅今日 7月4號嘅12點開始食到2點半座位唔係太多 我哋两人被安排係4人桌對住樓下意大意餐廳 都可以望到高處嘅風景凍海鮮有蜆 凍龍蝦 生蠔 龍蝦夾 蟹 同鮮蝦生蠔刺身 蝦好鮮甜熱葷有十多款選擇 燒味有叉燒 燒鵝 其他有黑胡椒炒蜆 黃金脆斑球 烤魔鬼魚 沙嗲豬肉串 雞肉串燒 烤羊架 烤蕃薯 燒莖菜 牛肉漢堡 味道ok嘅 唔會話難食又唔可以特別好食湯有蘑菇忌廉湯 同胡椒味好重嘅肉骨茶 要讚嘅係肉骨茶好啱我個人口味 胡椒味重到好辣口 令我諗起新加坡某一間肉骨茶好出名嘅餐廳然後到甜品區 甜品佢喺熱葷區 同凍海鮮刺身區嘅正中間甜品款式有好多 每一款都做得好精緻 賣相十分好之餘味道都好好味 有芒果布甸 朱古力布甸 榴槤慕絲蛋糕 椰糖西米布甸 斑斕意式奶凍 焦糖燉蛋等等 尤其是榴槤慕絲蛋糕榴槤味十分重 裏面仲有榴槤肉 我一個人食咗三件 另外仲有Movenpick嘅雪糕 但只得三種味道最後每人包一個飲品有信用卡優惠 係103層食weekend lunch buffet 除開$753.6= $376.8 食到生蠔同龍蝦嘅自助午餐 都叫係價錢合理嘅 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-22
2260 瀏覽
🏙呢個應該係香港最高領空嘆到嘅afternoon tea ☕️坐係ICC 103層坐擁超過180度維港景色,講緊嘅就係呢間星級品牌酒店Ritz Carlton(RC) 裏面,以佢坐落樓層命名嘅Cafe 103 啦~🍸ℙ𝕖𝕣𝕗𝕦𝕞𝕖 𝕋𝕣𝕖𝕖𝕤 𝔾𝕚𝕟 “ℍ𝕖𝕒𝕣𝕥 ℕ𝕠𝕥𝕖 𝕠𝕗 ℍ𝕠𝕟𝕘 𝕂𝕠𝕟𝕘” 𝔸𝕗𝕥𝕖𝕣𝕟𝕠𝕠𝕟 𝕋𝕖𝕒 $➐➊➑ / 𝕗𝕠𝕣 𝕥𝕨𝕠今次RC 聯同本地氈酒品牌「白蘭樹下」合作,推出呢個特別嘅主題下午茶。餐廳以「白蘭樹下」氈酒中的嘅主要材料:肉桂、杜松、陳皮及柑橘等創作岀一款又一款嘅美點。食afternoon tea 飲英式茶就多,飲酒你又有冇試過?有興趣嘅話可以加$108 試翻杯以「白蘭樹下」調配嘅特色雞尾酒,絕情享受afternoon happy hour!🧁下午茶之中Scones 可以話係我最重視嘅美點。呢個tea 提供左原味同檸檬味嘅鬆餅,食嘅時候仲有少少嘅熱度,鬆軟得黎切開果時又唔會太散,外面焗得十分香口,配埋奶油忌廉或者果醬食感覺十分好。🥰至於鹹點一共有四款,以雪蟹肉沙律製成嘅意大利餛飩手工最精細;至於用豆蒄蜂蜜雞肉製作嘅墨西哥粟米卷就最搶眼,食落口味道亦都最有層次同最impressive!之後黎到木架下層,女生至愛嘅甜點部分!5 款eye catching 又別緻嘅甜點,包括有西柚朱古力Mousse Cake、橘皮紅豆朱古力泡芙、甘草菊花杞子杯;講到最靚,一定係紅卜卜嘅呢個士多啤梨蛋糕,口感好soft 好creamy 唔會太甜。至愛我最愛嘅就係呢款傳統法式肉桂Canele。口感煙煙韌韌咁十分特別!你又有無邊款特別想試呢?😉📍 Cafe 103 尖沙咀柯士甸道西1號環球貿易廣場(ICC)香港麗思卡爾頓酒店103 繼續閱讀
(以上食評乃用戶個人意見 , 並不代表OpenRice之觀點。)