酷酷嘅周杰倫（周董）同老婆昆凌結婚5年，育有一仔一女，日日上演幸福完美嘅四口之家生活。平時喺fans心中低調內斂嘅周董，自從開咗IG 賬戶之後簡直天性大解放，老婆po相一定要第一個評論，仲毫不保留咁向昆凌示愛，fans都話頂佢唔順呀。
登入 瀏覽本網站，可獲取積分換領專屬優惠
點擊查看專屬優惠
老婆IG瘋狂留言！
宜家越嚟越多藝人，怕被媒體過分解讀自己嘅話，開始少喺社交網講嘢，放閃…而日理萬機嘅周董大人，按道理應該冇時間mon住電話睇老婆IG PO咗咩。但係！事實上就係昆凌幾乎每一條IG周董都要留言，讚美一番，不停製造閃光彈…
昆凌分享咗自己設計嘅女裝手感，周董馬上評論問有冇男裝，相當識做。
小編：當然是你最快，誰敢跟你搶…
自己IG狂PO老婆！
時下大熱嘅Snapchat童顏filter昆凌都有影過，因為實在太可愛周董仲幫佢發上IG俾大家一齊欣賞。
母親節雖然發嘅係自己媽媽同囝囝嘅相，但都不忘@昆凌感謝老婆。周董相信你呢份心意大家都好感受到。
老婆去邊我去邊！
可能大家會覺得，發幾條IG並唔能夠代表啲咩，但周天王最缺咩？當然係時間。日理萬機嘅周董，可以完全為老婆同小朋友停下，結婚呢幾年，大家明顯感覺到周董為愛減產之餘，周董仲好支持昆凌嘅事業，早前昆凌嚟香港出席活動，周董一於跟到嚟香港，仲順路出席埋火鍋店開幕。而最近啱啱開完巡迴演唱會嘅周董，馬不停蹄咁跟住昆凌去到康城影展，天王巨星紆尊降貴做跟得老公！
早前周董先喺IG關於演唱會嘅post下同昆凌調情，粉絲都話俾佢哋閃光彈閃親。
緊接就跟住昆凌嚟到法國參加康城影展，仲被媒體影到周董喺場外默默注視老婆嘅相。
昆凌都話好驚訝老公跟到嚟巴黎，不過佢都話周董平時都係咁錫自己。Fans都相當佩服周董呀，不過佢咁幸福大家都好戥佢哋開心，希望周董同昆凌可以繼續幸福生活，同我哋keep住放閃啦。