英准BNO移民 有审查疑吸完金踢人走_香港_新闻_星岛环球网
首页 > 新闻 > 香港 > 正文

英准BNO移民 有审查疑吸完金踢人走

英国早前宣布畀持有BNO嘅港人申请特别签证赴英居留,扮晒"关心"港人,其实都系打好晒算盘,因为英国预计会有逾100万港人过去,预计5年间可以为佢哋带嚟29.39亿英镑嘅净收益,仲讲明2025年会"审查政策"。有"手足"噚日喺"连登"转载有关报道,唔少"手足"谂深一层先惊觉英国面对脱欧危机、经济衰退、疫情夹击,咁做都系为咗吸金。唔少人仲质疑,所谓"审查政策",系咪想将过去英国嘅港人搾干搾净再一脚踢走。

英国早前话接受BNO持有人申请移民,但就要人先通过特别签证留英5年先可以申请居留权,其间税要照交,但就福利欠奉,仲要再居住一年先可取得永久居留资格。《苹果日报》噚日独家报道英国内政部嘅报告,但就曝光咗英国嘅如意算盘。

原来,英国个"5+1"政策早就计好晒数,预计5年入面最高可以为佢哋带嚟29.39亿英镑(约310亿港元),包括赴英港人所交嘅税、医疗保健康同申请签证嘅费用,而2025年10月就会再次审查港人BNO签证政策。被问到同BNO嘅亲属用Leave Outside The Rules(LOTR)提早入境有几多失败个案,英国内政部话公开该信息会影响公共事务及利益,所以唔答喎,大家明啦。

有钱先移到 "手足"失望

唔少"手足"都失望地喺"连登"留言话,即系要有钱先移到民啦。 "胸中服务员"话:"冇钱走×咩,唔通真系好似『连仔』咁on(戆)×以为去到就有工,有楼。轻轻松松咩!""你工都搵唔到啦,除咗香港人仲有好多唔同国家嘅新移民,点解要请你?……简单如:侍应、清洁呢啲,都大把人抢。"

有"手足"就惊觉英国所谓"关心"香港人都系为吸金,靠唔住。有网民话︰"5年后检视,咁啫系5年后好大机会取消啦!""脂×人"话:"英国佬出名×街同墙头草,有钱既(嘅)唔好谂英国。""我不是她"都话:"其实bno visa(签证)真系好×差,完全唔够保障。"有网民亦话:"英国脱欧,要大量劳动力同资金。"

有人就担心万一到时留唔到喺英国,中国有反制措施,令佢哋香港身份又冇埋,咁就真系好大镬嘞。咁咪睇啲"黄丝"有几信任英国囉。 

来源:文汇报