IES Ricardo Carvalho Calero

 O alumnado de 4º da  ESO continuou de vacacións despois de Semana Santa pois comezaron o trimestre do mellor xeito posible: unha saída de varios días para coñecer as Illas Cíes e a súa cidade. 

Aínda que o primeiro día o tempo non acompañou, comezaron a xornada cunha celebración de cumpreanos. Os días seguintes puideron realizar as actividades que tiñan programadas. Viaxaron ata as Cíes, realizaron unha ruta pola illa cunha guía moi dinámica e xogaron aprendendo sobre os habitantes da illa.

Tamén tiveron tempo para acudir ao MARCO (Museo de arte contemporáneo).

 E finalizaron a saída xogándose a vida nunha actividade arbórea onde finalmente puideron gozar dun churrasco nun lugar moi orixinal: un tipi.

Temos moitas fotos da xornada:

 Imaxes1     Imaxes2    Cíes1 

  Cíes2      Xogos1    Xogos2

MARCO   Marikiná1   Marikiná2 

 O Trío Tenuto alzouse co primeiro premio na categoría de grupo de cámara na VIII Mostra Musical do Eixo Atlántico celebrada o pasado fin de semana en Portugal.

 Noraboa aos tres integrantes, sen dúbida, un gran logro acadado. Especial mención para nós merece a pianista do grupo, Antía Iglesias Fariña, alumna de bacharelato do noso centro.

    O alumnado dos primeiros cursos dos ciclos remataron o trimestre cunha formación en primeiros auxilios coa que aprenderon os conceptos básicos e tamén a realizar unha RCP.

   Con esta formación, temos a seguridade de  que o noso alumnado está moi preparado para un imprevisto sanitario e por suposto, eles tamén se sinten moito máis preparados e seguros.

  Aquí podemos ver algunha imaxe máis.

  Con motivo do  8M tivemos varias actividades no centro. A primeira foi a visualización da película "El sueño de la sultana" da que gozaron os grupos de 1º de bacharelato e FPB.

 Ademais, todo o alumnado de bacharelato tivo a oportunidade de acudir ao recitado dos seus compañeiros do grupo de teatro Tixuca no conservatorio os cales demostraron unha vez máis a súa calidade. E para rematar o día, todos gozaron no auditorio da obra de teatro #2pilgrims.

Aquí temos algunha imaxe dos artistas e aquí do público

 O martes 5 de marzo a boa temperatura e os ceos despexados facilitaron a visita do alumnado de Bioloxía e Cultura Científica de 4ºda ESO e de 1º de BAC ao parque natural das Dunas de Corrubedo.

Fixeron unha pequena ruta, pasearon na búsqueda dun bo lugar para unha comida campestre e, coñeceron algún pobo do lugar.

O guía explicoulles de forma moi amena o pasado e presente do parque natural e a diversidade de especies existentes.

Imaxes1       Imaxes2     Imaxes3