好似好耐無蘋果發布會了！尋晚一次過發布多個產品更新，有全新的——AirTag，可以追蹤物件所在，失魂必備；有換色的——iMac 變 7 色、iPhone 12 及 mini 新增亮麗的紫；有變強的——Apple TV 變 4K、iPad Pro 轉用 M1 晶片、支援不同插頭、5G⋯⋯逐樣詳細睇！
AirTag，可以外掛於不同物件，然後透過 10 億部 iPhone 姐成的網絡，以及 Bluetooth 追蹤，只要用「尋找」 app 就搵到。點搵？AirTag 內置揚聲器會發聲你知，手機亦精細顯示到幾多米距離都標示到，而不是一個大約位置。
AirTag IP67 級防塵防水，一個及四個裝，分別賣 $239 及 $799，由 4 月 30 日（星期五）起有售。亦可配合鎖匙圈使用（Hermes 版本有旅行牌）。
紫色的 iPhone 及 iPhone Mini，不是甚麼新鮮顏色，iPhone 11 都有過，不過今次是平直邊框設計的玻璃機背，睇圖好似比上一代鮮艷亮眼，有實物時再向大家報告。 iPhone 及 iPhone Mini，分別由 $6,799 及 $5,999 起，4 月 23 日開始預訂。
七色 iMac 最搶眼雖然是有齊綠、黃、橙、粉紅、紫、藍與銀，不過採用 M1 晶片 、機身得 11.5 毫米厚、配以 Touch ID 的無線精妙鍵盤都好令人心動——最心動是入門價 $9,999 起！4 月 30 日可以預訂。
iPad Pro 又再增強，同樣使用 M1 晶片，配 12.9 吋 Liquid Retina XDR 顯示器，2TB 高速儲存、 Thunderbolt 擴充、四揚聲器音響、超極速 5G 連接、Web Meeting 時的「人物置中」技術，好似都好少再需要用 Notebook 出街。$6,399 起，4 月 30 日起訂購。
Apple TV 4K 不止於畫質改善，遙控器 Siri Remote 也改善了觸控，比較近似 iPod 的旋轉外圈用途。售價 $1,399，遙控另售 $429，4 月 30 日起訂購。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】望月流心奶黃月餅禮盒8件裝！↓
↓ 香濃流心奶黃遍及味蕾！ /順滑口感且濃郁奶香！ ↓
↓【U Jetso】Sundrop桔仔水325ml (4罐裝)↓
↓ 清涼消暑必備！ / 少糖、無添加及無人造色素！ ↓
評語