香宮

營業中

休息中

Date of visit : 24 Oct 2021 (Sun) 12nnNo. of diners : 2Average cost per head : $650Food quality : 9/10Environment : 9/10Service : 8/10Value-for-money : 8/10Overall rating : 8.5/10Shang Palace at Kowloon Shangri-La is a Michelin-starred Cantonese restaurant with refined dishes.  We were greeted with a petit cup of osmanthus and dates tea while we were browsing the menu.After checking on the set lunch, we decided to go for a la carte.  To sample a few of the dim sum, we ordered the signature dumpl

✨極品蜜汁叉燒叉燒 肥瘦適中 肉質幾鬆化蜜味唔算好突出 ✨黃金炸釀蟹蓋外層炸很酥脆 釀蟹蓋飽滿 釀左唔少蟹肉同少少洋蔥蟹肉鮮甜 好足料今次感覺比上次好食✨玻璃明蝦皇蝦球 每隻都大大隻 口感爽彈 略嫌有少少過左火候整體只屬正常 冇特別出色✨手吊淋油脆皮雞脆皮雞 外皮好脆 肉質鮮嫩 連雞胸位都好軟嫩有雞味 調味適中 相當唔錯✨果醋咕嚕肉咕嚕肉上汁上很唔錯外層鬆脆 肉質軟腍酸甜適中 新鮮菠蘿片 香甜帶微酸青紅辣 爽脆✨金汁如意自制豆腐南瓜汁 香甜自制豆腐 口感嫩滑 上層加左蔬菜汁 比較清淡下層係玉子豆腐 味道相對突出配料有啲菌類同木耳清清地整體都唔錯✨香宮鴛鴦甘露鴛鴦甘露即係芒果同番石榴上層 芒果汁香甜 番石榴汁清香下層 牛奶布甸 奶味香濃 口感軟滑整體味道唔錯 有驚喜✨招牌鳳梨酥鳳梨酥賣相精緻外層焗得酥脆 口感鬆化 帶牛油香餡料略少 味道酸甜偏酸整體比較普通食物唔錯 味道比上次出色環境唔錯環境唔算大擺枱闊落 幾好坐服務唔錯 今次由入座到用餐完畢 服務都好好有禮貌 有留意客人需要加茶水亦做到足 價錢合理

同屋企人黎九龍香格里拉staycation，因為有餐飲credit，所以午餐就黎香宮飲茶。入座時首先奉上既茶，酸咪咪咁，醒胃焦糖合桃依個真係超好食，甜度適中，焦糖同合桃都係脆身既，唔會痴牙連唔係太鍾意食甜野既家人都讚不絕口。入座時奉上既醬料。辣油好好食精美既茶杯左上：奶黃流沙包。右上：老陳皮安格斯牛肉腸粉。左下：鴨腎菜乾鹹豬骨粥。右下：銀絲蝦醬蒸吊桶仔。上：脆香芝麻蝦多士。中：韮黃雞絲脆春卷。下：鮮奶山楂卷。←勁好食，推薦左上：三色寶盒內的松茸鱈魚餃。右上：三色寶盒。左下：荀尖鮮蝦餃。右下：蟹籽燒賣。(食剩兩粒先記得影相)點心全部都好好食，因為係用餐飲credit黎食，所以真係超級抵，非常值得一試

整體水準大致符合預期，晚餐的服務比午餐好一點，不幸的是坐在十字路口，要看着侍應繁忙的工作。黃金炸釀鮮蟹蓋：超多蟹肉，色香味俱全，只有極少洋蔥，和明閣的質素差不多黑虎掌菌荔芋炆排骨：應該不多人在酒店點的家常菜式，可能越普通的東西，越難做得好，這個新鮮排骨很入味，醬汁很配合金汁如意自製豆腐：每塊豆腐上面有菠菜茸，伴着很多南瓜汁和少量菇，是特別的菜式，味道較清淡栗蓉西米焗布甸：栗子蓉已經融入布甸，雞蛋口感嫩滑生磨蛋白杏仁茶：蛋白比較多，也是融入在杏仁內，味道濃郁還有五款送的甜品，包括杏仁餅、綠茶餅、桂花糕、白糖糕、紅棗糕，全部味道也很好，不會太甜，這裏行政總廚明明是男人，為什麼那麼多甜品呢？利申：持有香格里拉(0069)股票

▪️Baked diced abalone puff 香宮鮑魚雞粒酥 ($88)▪️ Applewood smoked beancurd rolls 蘋果木煙燻素鵝 ($88)▪️Steamed rice flour rolls with bbq pork 極品蜜汁叉燒腸 ($108)▪️Steamed fungus dumplings 三茹六耳竹笙上素餃 ($68)限聚令關係，圖為半份份量。香宮為米芝蓮星級食府。坐落九龍香格里拉酒店地庫，裝潢華麗古雅。用餐服務一流，莆入座送上功夫茶及琥珀合桃，一邊享茶一邊閱覽菜牌 🫖 點心非常精致，食物質素高，反映廚房師傅功架。特別推介蘋果木煙燻素鵝，上菜時才打開玻璃煙燻罩，香氣隨白煙慢慢散開，互相輝映。📍香宮 @ 九龍香格里拉酒店💰💰💰👅👅👅👅

適憑Restaurant week作為為食貓既我就同屋企人嚟試下米芝蓮一星既香宮有驚喜又有失望啦尖沙咀香格里拉係我細細個就好出名既酒店依家大個終於都嚟到見識下當然佢都有返咁上下歷史啦所以華麗得嚟都少少舊環境比較昏暗焗促無採光係我比較唔鐘意同同樣米芝蓮一星既嘉麟樓比較係爭啲Menu份量適中啱哂我女仔🙆🏻‍♀️先嚟琥珀合桃我最愛！！！！味道絕對很可以！又脆又甜可惜份量就唔係好夠等咗二十分鐘有杯羅漢果功夫茶送飲到有陳皮味好香好香媽媽好鐘意！先嚟既係鮑魚燒賣 ，香宮鮮蝦餃，梨香黑豚肉咸水角評價：9.5/10蝦餃皮薄餡靚蝦又大又爽好食！咸水角脆得嚟唔油！調味剛剛好！鮑魚燒賣賣相吸引鮑魚仔有鮑魚味，但燒賣餡就一段太實，口感麻麻嚟緊係明火滋補靚湯評價10/10好甜好甜好甜！好香好香好香可惜……等佢足足等咗40分鐘大佬 法國菜咩……12:30坐低佢都唔係expect我2點先肚餓㗎麻我哋仲要返工12:30到，1:40先食緊第二度菜仲要係湯嚟咋當時係坐唔滿添呢方面實在安排得太差大扣分！催完之後終於都開始上得快呢度菜係 煎封星斑球伴露荀評分：10/10呢度菜實在好好食首先露荀好嫩完全無渣！星斑亦都係調味好好唔

米芝蓮中餐廳，服務細心周到。之前食過這裡啲點心，今次試午市套餐。先嚟點心拼盤，有蝦餃，燒賣同芋角。蝦餃皮薄，餡料彈牙有鮮味。燒賣結實有咬口亦鮮味十足。芋角外皮鬆脆，皮薄餡多，不過我鍾意食皮多D。灌湯餃，湯水好有蝦啲鮮味，同樣都做到皮薄餡多，但個人覺得稍咸。食過點心，到兩款小菜，羊肚菌玉簪帶子，羊肚菌有兩粒小小啲，玉簪就用芥蘭苗，甘荀同冬菇穿過粒帶子，加上用桃形碟盛載，好精緻另一個就係金不換三杯爆雞，雞同葱頭，薑，紅椒同金不換爆炒得好香，味道不錯再嚟就係蝦子菇瑤炆伊麵，伊麵用瑤柱草菇炆再加上蝦子，整個伊麵味道調較得幾好，可惜伊麵較為稔身。最後當然是甜品，芝麻糊。芝麻糊甜道度中，可適有陣燶味，估唔到米芝蓮餐廳主廚都有失手時。

今年有消費卷，食月餅食豪D,買米之蓮一星香宮月餅。去攞之前15分鐘已經打電話確認有，但去到話無曬，仲要無乜禮貌。雖然佢話等半小時馬上送來，但已經令客人失望。兩個外包裝系幾高貴，值得用來送禮。黑金玫瑰糖白蓮蓉蛋黃月餅8件($388)2分-佢推廣系以“健怡清新雲南玫瑰糖入饌，配幼滑的白蓮蓉及金黃鹹蛋黃，黝黑竹炭餅皮掃上一抹金箔，”所以就買來送比老人家。外表系好似好高貴，切開覺得外貌奇怪，白蓮蓉中有部分系紅色，擔心佢壞左；另外白蓮蓉，紅色部分和蛋皇好似分開曬，蛋皇睇落又乾無漏油。食落個餅好容易散開，吾系好甜，白蓮蓉無乜味，紅色（估計系玫瑰糖就OK，蛋黃就真系無乜味啦。三十年陳皮紅豆蓉月8件（$488）-今年流行陳皮，當然要試下，但覺得50和80年太貴，所以只買了30年試下。切開紅豆涵料好滿，睇落都覺得好蓉，食落真系乜紅豆渣都無，好滑，陳皮食落好香，食完有回甘，下年一定試50年陳皮。

九龍香格里拉酒店嘅中菜廳一向係我信心之選，今次適逢鼎食聚搞咗香港餐廳週，咁就更加唔可以錯過。前菜合桃：一向唔食合桃嘅我破戒試食，一食已經停唔到口。焗釀鮮蟹蓋伴薑茶啫喱：從來未食過咁多蟹肉嘅蟹蓋，佢仲好食過明閣，真係好驚喜。薑茶啫喱口味濃郁，啱晒鍾意濃味嘅我。羊肚菌鮑魚燉豬腱：清湯底，中和返之前嘅濃味，鮑魚正常發揮。花雕玉帶蒸蛋白：食評通常對呢個菜式都係有讚冇彈，不過今日可能有少少失手。花雕酒香味係有，可惜芡汁呈半固體狀態，未夠軟滑。XO醬鮮蘆筍炒乳鴿圃：乳鴿又係我至愛，好欣賞師傅將呢個困難嘅食材都整得好好食。炒嘅味道雖然有少少濃，但係肉質起碼唔韌，都好食。香宮炒飯：可能之前鹹味嘅累積已經去到頂點，所以呢一碗炒飯感覺係有啲鹹嘅，不過炒得都好好食，唯有食完飲多幾杯水。楊枝甘露伴芒果卷：相信大家楊枝甘露都食得多，所以我只可以講楊枝甘露係正常發揮。但係芒果卷係超水準嘅表現——卷身煙韌，芒果香味適中。餐廳更隨餐附送美點小食，有杏仁酥、白糖糕及紅棗糕等甜點，只不過係Tasting Menu但係感覺都好飽。期間行政總廚張總都會同食客交流吓，咁我同朋友都有同佢傾幾句，完全感受到佢嘅誠意同埋對食客嘅重視

我地已經有好一段時間無黎香宮飲茶，見支付寶用消費劵有$200 coupon, 就book位黎飲茶。今次被安排到一間房間入座，房內只有4張枱，除了我們，其餘三張都有小朋友，所以成餐茶都非常嘈。又可能因為房嘅關係，啲聲焗住响度，真係嘈過普通酒樓😰除咗環境出咗事之外，食物亦比之前遜色。當然係米芝蓮，亦唔會係難食嘅！只係我地黎飲茶，會記住以前嘅美味，會有期望，但今次真係有啲失望！以前好鍾意嘅龍蝦湯飯，今次都係失望😥印象中以前係侍應會响客人面前加熱湯隻，再落炸米，宜家就咁上枱，自己攪掂。而且，今次味道唔夠鮮，仲可能龍蝦湯太濃，帶少少甘苦味。整體來講，今次嘅經驗真係推翻晒我地過去嘅美味回憶，點心真係只比普通好少少，唔多值酒店價錢。再加上今次環境真係好嘈，失咗唔好分😰

訂咗位同媽咪嚟香宮飲茶，地方寬敞，樓底高，坐滿客人都寧靜舒服；或者有人會覺得呢種紅金隆重裝潢俗氣，我又好鍾意喎❤️🧧首先送上welcome tea金銀花薑茶 + 小食琥珀合桃，合桃蜜糖香甜、非常鬆脆，好好味，食唔停口😋「三茹六耳竹笙上素餃 」+ 「梨香黑豚肉咸水角」造型可愛🍐味道正常，冇乜特別🙂 「香宮鮑魚雞粒酥」將鮑魚切粒做餡，非普遍常見嘅原隻鮑魚，當然成本上係少啲，但我覺得咁仲好食😋外層酥餅焗得好鬆化👍🏻 「極品蜜汁叉燒腸粉」腸粉皮薄、米味重、叉燒細切量多，好食👍🏻「日本黑豚肉絲銀芽炒麵」，肉絲量多慷慨，麵底外脆內軟，芡汁調味與火候好👍🏻👍🏻話說到訪前睇到都幾多評價指員工訓練冇素、服務唔好🤔今日到訪又完全冇呢個問題喎😗負責serve我範圍位男員工有禮體貼，不時留意茶壼溫度、主動加水，適時為茶杯加茶🫖每上一款點心有作簡單介紹及提點，餐廳接近休息時仍會留意有冇需要👏🏻👏🏻👏🏻總結整體滿意🌹已放到想再去名單💁🏻‍♀️✨

屋企人非常喜歡中菜，適逢爸爸生日想食好d就決定去評價唔錯環境舒服又有足夠私人空間既香宮享用晚餐上茶前服務員會被每人一杯類似功夫茶既開胃茶不同卡又濃又苦既功夫茶，佢加入左少量陳皮/果皮甜甜地好易入口又開胃黎之前見到菜式既賣相相當好想試下比較特別既野所以我地決定全部單點第一道菜就係椒鹽田雞腿田雞腿非常幼滑同埋炸完既賣相比較容易入口對於平時唔敢食田雞既人第二道蘋果木煙燻素鵝爽口得黎又夠煙燻香最特別係上菜時一開蓋既煙霧好似開禮物一樣咁增加左神秘感第三道金汁如意自製豆腐絕對係巧手功夫將蛋做到豆腐質地加上面頭清脆同清翠既蔬菜用新鮮既材料調味配上加上鮮味菇汁濃湯令整道菜充滿層次感肉類同主食我地撰左最家常同香口之選炸雞同魚手吊淋油脆皮雞炸到皮肉分開而且炸到薄薄既雞皮非常脆口功力一流無論係雞定魚肉香宮都做到外脆內軟主食既香宮招牌炒飯絕對係海鮮友最愛大量既櫻花蝦，蟹籽，蟹肉同埋粒粒金黃當晚最後既驚喜係完美既甜品首先晚餐每枱客人都會有超級靚既金樹美點雙輝大量既甜食例如曲奇，杏仁餅，紅豆糕，白糖糕，紅棗糕放係金閃閃既金樹唔需要蛋糕都已經係好出色既生日驚喜甜品有第二位胃既我地仲追加左香宮鴛鴦甘露番石榴同芒果汁就

適逢restaurant week，今次挑選左中式餐廳去試試。 香宮評分極高，不論野食、服務態度、環境都一流 book左1點半食到3點半Restaurant week 既menu 包左6樣餸，每人$5xx鮑魚燒賣、香宮鮮蝦餃、梨香黑豚肉咸水角最好食係咸水角，一啲都唔油膩，但又好juicy 明火滋補靚湯足料靚湯，好似有雞肉絲(?)係入面煎封星斑球伴蘆筍蘆筍真係好好食，夠爽口一啖蘆筍一啖星斑咁食都好夾古法荷香蒸雞球雞球夠嫰口，食極都食唔停，但又唔係好覺有荷香味瑤柱桂花炒新竹米粉個人唔係好喜好米粉，但依碟勝在味道幾清新香芒布甸甜品我最愛，芒果夠甜又唔酸

香宮係九龍香格里拉酒店的地庫，裝修用紅金色做主調，顏色艷麗又高貴的感覺。作為米芝連一星的餐廳⭐️即管試試佢😎🔸焗釀鮮蟹蓋伴薑汁啫喱絲絲蟹肉加醋後更加提升蟹的鮮味，食後完再配薑汁啫喱可以中和返蟹的寒涼😋🔸羊肚菌鮑魚燉豬腱原盅燉湯足料清潤，鮑魚都仲好彈牙。🔸花雕玉帶蒸蛋白最有驚喜的一道菜😍帶子好新鮮，超滑的蛋白配上花雕酒味，將簡單嘅食材變得唔簡單，好好食！係今晚既至愛😆🔸XO醬鮮蘆筍炒乳鴿圃乳鴿圃肉質彈牙又有肉汁，同平時食嘅乳鴿質地、味道都唔一樣，加咗XO醬炒，相當惹味！🔸香宮炒飯炒飯好乾身又香口，加上多款配料包括櫻花蝦、蟹絲、蟹籽，口感相當豐富，好食到三扒兩撥唔覺意就食晒成碗😋🔸楊枝甘露伴芒果卷🥭超級濃郁嘅楊枝甘露🙈平視我唔好芒果都食晒🤣🔸美點雙輝每枱都會送上餐後甜點，有抹茶曲奇、白糖糕、紅棗椰汁糕、桂花糕，食到呢到都飽到上心口嚕😋