鍾舒漫（Sherman）今年創作咗隻新碟《Sherman，I ，Me and Myself》，喺大台嘅勁歌金曲頒獎典禮上面，Sherman就憑住佢嘅創作歌奪得「最佳創作歌手」銀獎。

Sherman今晚著咗條超Deep V晚裝，向來身材有睇頭嘅佢，大曬自己幾有事業心，不過都唔及佢攞獎嗰陣份真性情咁吸引。

首次奪得創作獎嘅Sherman，喺台上開心到又喊又笑，講感言嗰陣成個人亂哂，想喊又未喊得出，於是就好搞笑咁話：「哎呀，好樣衰呀！」點知，佢就咁啱向住C君講嘅，而向來反應快嘅C君就腦筋急轉彎咁話：「你唔好咁話我啦。」搞到全場爆笑，原本好感動又感觸嘅Sherman都笑埋一份。

之後Sherman都仲好興奮又感動咁話：「我都唔知我講乜，我第一次攞創作獎，我入行寫左30幾首歌架啦，雖然好多都無plug，不過真係幾好聽㗎。」跟住全場又大笑。當然，Sherman仲有多謝爸爸、媽媽同妹妹。