219
37
5
營業時間
今日營業
07:30 - 18:00
星期一至五
07:30 - 18:00
星期六至日
08:30 - 18:00
公眾假期
08:30 - 18:00
*截單時間: 17:00
以上資料只供參考, 請與餐廳確認詳情
食家推介
相關文章
食物：4.5/5環境：4/5服務：4/5性價比：4/5 食物：九龍城呢間cafe無論平日定weekend中午都好多人食，平日要12:30去到先有位，之後陸續多人爆場至2點。今次試左個慢煮雞胸main, 雞胸煮得嫩滑，肉份量還可以，陪埋d伴菜岩岩好夠食，Rings Coffee最最最出夠係佢係咖啡類飲品。叫左杯咖啡梳打，好好飲，比例好好同夠大杯，推介!環境：正常餐廳格局，冇咩好講服務：正常餐廳服務，冇咩好講性價比：平日lunch set連飲品 ~$150左右，算係中高檔價錢，但食物好食同飲品好好好好飲，超值得一試
繼續閱讀
今日去九龍城找地方和好朋友食午飯，見到Rings Coffee 的評語都不錯，就來試吓。點知喜出望外，職員服務 excellent，笑容滿面，食物質素又好，座位舒適，非常適宜一路品嚐食物一路談天說地，職員不會「吹吹趕趕」。食完個主菜，仲食埋甜品。可惜太飽，未能品嚐他們出名的咖啡。不過下次一定再來😊All Day Breakfast ：牛油果剛剛熟透，炒蛋幼滑，又有Parma Ham和乳酪，美味又有營養溫泉肉醬意粉：朋友點的菜式，睇落都相當美味，賣相極吸引原味Tiramisu ：不會太甜，很適合女士們
繼續閱讀
第二次Encore 呢間Cafe~ 其實第一次係喺九龍城無意中發現到呢間Cafe，結果食過第一次之後就覺得好好食，所以就特登返嚟食多次。今次就試咗佢哋個all day Breakfast同埋Tiramisu. Tiramisu識落酒味重啲啲，兩個人share食份量就啱啱好，面頭啲cream就Heavy啲，再加埋中間脆嘅餅乾同埋個海綿蛋糕一齊食，好正。而all day breakfast 相對冇乜特別，覺得有啲啲貴。
繼續閱讀
同事話個咖啡好好飲，聽聞個咖啡師仲拎過拉花獎。之前成日開地圖都見到哩間咖啡店，但一直無機會試。今次終於約得成，約埋同事一齊去試下 🤓附近有地盤工程，每一下打椿，成間咖啡店都震，每日返工嘅員工都好辛苦😖全日早餐 ($138)All Day Breakfast所有午餐都會送餐湯。個全日早餐好豐富，有炒蛋、牛油果、薯餅、香腸、parma ham、sourdough，仲有一杯乳酪cereal。每樣少少，食落好飽。平時all day breakfast，好少會有cereal 😍如果怕份量太大，咖啡店仲有提供唔同款嘅all day breakfast，可以揀下邊款岩自己食。馬斯卡彭芝士肉醬意粉 ($138)Mascarpone Bolognese肉醬有啲漿口，意粉上面有少少辣椒絲，夾埋意粉一齊食，可以中和意粉嘅膩。仲有啲合桃碎令個意粉多一個口感，好好食。Flat White ($19)原價係$38，跟餐叫會有半價。轉燕麥奶就要加$4，一樣會有半價。咖啡豆可以揀nutty 或者 fruity 豆。咖啡好香，奶打得好滑，就算用燕麥奶，個拉花都好靚。無意中聽到職員同客人對話。當職員執枱發現客人個日式布丁淨返好多，於是問客人係咪唔岩食。客人尷尬咁答，覺得個布丁太甜。職員聽到甜品唔岩客人口味，free咗個布丁俾個客。即刻同其他職員一齊研究點去改進。好好嘅良心小店💗
繼續閱讀
九龍城有很多cafe，呢間以牛油果作招徠。今次嚟只係歇吓腳，飲杯嘢，食件cake。因為人手拉花，所以等咗一陣。咖啡唔係特別出色，普普通通。朋友喜歡芝士奶蓋，佢話飲品清新，芒果味濃，下午飲最好因為當日冇其他蛋糕，只得兩款Tiramisu。賣相幾靚，原味較好食，其實都係一般。綠茶味唔夠香，無驚喜。下次唔會再食。雖然食物唔太吸引，但環境舒服，當日滿座都唔太嘈。店主可能好鐘意漫畫人物Tin Tin，每邊牆都掛咗幾幅丁丁歷險記的posters。
繼續閱讀