牛八和牛燒肉屋 (Closed)

住咗屯門咁多年，記得呢間餐廳以前叫做金舌，都曾經幫襯過，今次在嚟到門口先知道，餐廳嘅名已經轉左名，但係價錢同埋餐牌嘅內容都差唔多，入到去我哋叫咗中間價錢嘅放題。今次最開心嘅係居然有長腳蟹燒，雖然唔係任食，但係有8隻蟹腳都夠！值得一提嘅係芝士年糕，開頭我以為佢係用雪藏嘅芝士年糕，上到枱先至發現芝士同年糕原來係分開嘅，感覺超爽！仲有甜品都好驚喜，我記得以前雪糕係任食嘅，但係只係得一個雪糕球咁樣，今次再嚟都居然有雪糕窩夫同埋雪糕銅鑼燒可以揀，雖然每人只限一份。但係銅鑼燒好好食，裏面包住嘅係雪糕糯米糍！就算燒完銅鑼燒嘅兩邊，雪糕糯米糍完全冇溶化！正

呢間餐廳門面就幾靚，望落幾乾淨，但實質入到去就相反。枱面上既調味料明顯冇抹過，痴笠笠咁，前菜個兜又污糟又求其。嗌左碟鹽醬燒肉，話明鹽醬但係冇落鹽既。啲飯凍既，出聲同職員講先肯俾碗出煙既飯！加錢升級左碗溫泉蛋飯，加埋錢都冇得免費添加，要再加錢先得，仲要得白飯先可以免費添加，另外一間燒肉店就咁加錢升級已經可以免費添加喇！仲有，啲職員好hea，好似唔想理你咁。午餐同另外一間燒肉店既價錢差唔多，但係衛生，食物質素同職員態度就爭好多！總之就唔會再黎呢間燒肉店，一啲都唔抵食呀！

沒有下午茶餐，午市價錢。一個set 60蚊up，未計加一。包括左1碟肉，一碗湯，一杯野飲，一份前菜，白飯任裝。牛肉有牛味，啲醬汁有辣醬、甜豉油、鹽選擇，唔錯。最緊要位置好大坐得好舒服朋友既bb車都好容易推入去同埋拎走張台就放到架bb車。好岩三五好友下午傾計之選，下午茶時段唔會太多人，唔驚會吹你走。服務態度幾好。一個set可以追加一次肉類，價錢約$25-$35。3個人食左5碟肉，埋單297。值得再試！

下午茶的首選！通常夜晚食燒肉放題多數都要一定的價錢先食到仲要好多都雪到d肉硬哂冰哂但呢間位於屯門的燒肉店除左食物之外個地埋環境都幾靚望出去好似京都咁！不過係唔會有紅葉架哈哈座位間又唔會覺得坐得好迫今次食呢個午市下午茶套餐有幾種肉同海鮮的選擇我地就選左兩種之後就係餐牌的右手邊追加其他的肉！超抵呀 平左差不多一半我地額外追加多左4樣唔同的肉食的份量程度同食放題係無分別食肉前會包一杯飲品，湯同埋前菜仲有一碗大的珍珠米跟餐的我地都叫左好多！可以睇得出肉唔會雪到硬哂肉本身可以選擇鹽味或者醬油味我兩種都有試本人較喜歡鹽味兩個人都係食左唔洗$300

食物質素不錯，比起之前（上一手）好好多！款式不多，牛肉三個部位，推介牛舌，1cm豚肉看過之前的食評話服務一般，但今次去到就覺得唔錯，有禮貌，做野前會同客人講聲先， 例如加茶，收碟，換網都好主動。

上個星期有FD黎食過, 所以同左屋企人黎試下讚賞:座位舒適 / Reception 有笑容同埋細心星期6晚~3個位極上放題 $288 假日唔記得左+$20 / $30 仲要收10% Service Charge20:25 坐低寫左ORDER交埋~成15分鐘, 茶都唔比杯, 野食到哂, 碗都唔比隻真係唔知佢地想點, 即係如果唔夠人手, 我都可以體諒, 但係你唔好每15分鐘4個女仔就會係個POS機前面開會呀!!??好啦, 去到10點想話換個網, 叫完之後完全當你無到埋單3位 Total $1000我都明白經濟唔好, 野食同埋飲品款式唔會有太多, 成本相對會低食材同埋飲品一般, 服務又一般如果你問我會唔會再幫襯? 一定無可能唯一感受到好既, 就係Reception個帶位, 同埋幫手收錢埋到黎笑笑口既姐姐

成為會員後，要找機會食牛八烤肉 會員有買一送一的會員禮券， 於是今個週末 同老公相約中午去食牛八烤肉了 原來中午有15個午餐套餐可以供客人選擇， 由59元至139元不等，可選烤肉或者石鍋。我們叫了E餐(牛肋肉和牛腹胸定食)$69和H餐(牛肋肉、豬頸肉和雞肉定食)$79，每個套餐都有三種配菜和嘢飲，非常豐富。套餐可以加錢，加15蚊升級成為“香蔥紫菜溫玉飯”烤肉午餐套餐的水準保存得很好，肉類都很新鮮，雖然分量好像有點小，但是配合埋一碗白飯，其實很足夠很滿足的

偶然一次嘅午餐，小朋友話要再食，於是一家人就決定食個120分鐘晚間放題！因為怕等位，所以三四日前就訂定1830，去到即時入坐。本來想食$238嘅牛餐，但waitress話不如試$288嘅海鮮牛餐，四人同行一人免費，我哋三大一小就免小童。其實海鮮真係無乜選擇，我哋志在食牛，無所謂。食物質素好好，係一口牛有啲韌，叫咗嘅食物好快到，亦好足，豬牛雞海鮮除左豬腸全部食均，點餐都點左五六張紙。waitress好nice，中途要換網都無比面色，初時嫌火唔夠大叫佢開大啲佢都有提叫我地唔好開咁大，啲火會因為有油燒上黎！原來係真架！所以燒豬嘅時候要小心，會有火燒上網，會危險。海鮮餐有份足量長腳蟹，好味其他嘅扇貝，蝦，鮮魷等都唔錯。因為食左太多肉，食唔到其他麵呀飯呀，但呢餐好滿足！正！食足120分鐘，最後一分鐘先走，完全無人催，不過我地好自動自覺，夠鐘就走。而家啲牛肉咁貴，以咁嘅價錢可以任食牛，抵呀！

朋友生日，食物水準超好，不過某位服務員態度奇差！好「負」氣，好吾滿意我地七個人坐一張四人加一張二人枱，你估我地想架，大枱要九點後才有，佢地又閂十點半，十點就截單！明明食兩小時變相只得一小時十五分鐘食咋！送的有些牛好好食，問佢係咩部位又吾願答！

有了前次良好的經驗，這次再度光顧。以前每次想食燒烤，最近都要到元朗區才有這類食肆，現在留在屯門區已能一飽口福。牛八有多類放題款式任選，都是限時120分鐘，而我們選擇了牛八放題(牛、豚、雞)。在17:15入座，可能時間尚早，客人不多，安排了寬敞的卡位給我們，還呈上一個頭盤。這款放題的燒肉有3個組合，大致分為牛舌、牛肉、豬肉和雞肉等，而每個組合裡的種類算多。另有沙律、小食、野菜燒、其他、飯麵、甜品及飲品等。組合: 牛舌、牛肉，有牛舌、上級牛肋肉、腹胸肉、牛五花、肩脊肉等。組合: 豬肉，有1cm厚切加拿大豬腩肉、豬頸肉、豬腩肉、豬腩片、厚切豬腩肉、豬大腸、蜜糖香腸、煙肉等。組合: 雞肉，有雞腿肉及雞中翼等。野菜燒: 有茄子、南瓜、粟米、鮮冬菇及秋葵。其他: 有魷魚、蜜糖牛油蕃薯、芝士年糕、牛油粟米粒、牛油雜菌燒。飯麵: 有白飯、牛尾清湯、香蔥紫菜飯、香蔥紫菜溫玉飯、石鍋泡菜牛肉飯、泡菜盛岡冷麵、溫玉泡菜盛岡冷麵、香蔥牛尾湯拉麵、溫玉香蔥牛尾湯拉麵、石鍋辛味牛肋肉湯、石鍋辛味牛肋肉湯飯。甜品(每人享自選甜品一客): 有單球雪糕 (雲尼拿/抺茶/柚子)、窩夫伴雪糕。飲品(每人享自汽水2杯): 有

話說特登同父母諗住食餐燒肉，本身已經full booking, 7點幾walkin攞飛都已經話要等一個鐘，本身都唔係問題。唔夠半個鐘已經話無位停止派飛，仲諗住好彩攞到飛。8:25都未有諗住問問仲要等幾多張，點知一黎就話未到，仲即時話10:15截單，10:30要離場，因為估唔到咁多人加鐘食。明明話食120mins, 枱都未入就講定唔足120mins, 仲要唔係公佈，係我行過去先話我知，如果我等到9點，我咪2百幾3百蚊食得一個鐘！！終於8:42入到去，個女仔又講截單時間，仲要話如果我地唔肯走就當加鐘每人幾多錢。事實上店鋪無寫只係食到10:30,只有寫明120分鐘任食放題！食物方面的確keep到水準，每次叫d份量都足既豬大腸既味道未必人人岩食一口牛就比較難咬，雞肉都太大舊難熟，所以主打都係多款牛肉及牛舌必試， 所謂厚身豬肉都好鞋，所以少叫雞肉及豬肉柚子味口味既牛肉太重，配料既鹽偏咸一d, 所以個人鐘意醬汁味既肉，味道剛剛好水冷麵都好爽口，有驚喜

柚子雪糕中伏。叫牛八燒肉已經ok, 有齊牛，豬，雞。 想食海鮮就再叫貴d. 見隔離台有燒蟹腳都好正架。個年糕好得意。 係叮噹入面1塊放係暖爐上面會燒到漲起既膠片。 得米味，所以要襯拉到長長既芝士。個玉子冷面好好食。 值得1試。鐘意面既質地。牛肉醬湯伏味濃。好咸，似係無人叫煲湯滾左好耐。 入面舊牛肉難食。 好多5同部位既牛， 有5同醃料既味道加埋燒烤味。 正正。 有日本人都黎食。 豬同雞就1般。 雞無日本既華美雞好食。 魷魚都幾好。

“牛八”烤肉餐廳的前身是“金舌”烤肉餐廳，只是改了名字，裏面吃的餸菜和餐廳的設計風格是完全一樣的～ 這間烤肉餐廳是我和老公的最愛原因這間餐廳只用200多的價錢，便可以吃到高質素的牛肉、豬肉和雞肉 還是任點任吃的我們一坐下他們便為我們準備了一碟小肉，裏面有牛肉、豬頸肉和雞肉，還有茄子、秋葵… 給我們預先試試。牛肉的質素非常高 用店鋪提供的鐵烤爐，能夠鎖住水分，烤出來的牛肉肉汁超多～ 厚切腹胸肉是我和老公的最愛 因為這款腹胸肉烤出來像牛扒一樣！ 如果烤出五成熟的話～真是非常美味呀！牛肉配泡菜然後用生菜包住，再加辣醬，就像韓國人吃生菜包肉一樣 這樣吃起來不會太肥膩和太熱氣 烤秋葵也是不錯的選擇！至於會員卡，由於在舊店“金舌”，我已經申請了，這次只要補68元便能夠成為“牛八”的會員，但是到期日直至年尾12月31日。但最後都是申請了，原因是我和老公真的很喜歡吃這間的烤肉！

全家皆是牛魔王，正考慮去牛一還是牛角的時候，發現原來屯門市廣場有間叫牛八，一致同意去試新嘢！ 門口個姐姐話我哋如果食$288四送一，比起每位$238仲平少少，而且可以食埋海鮮。好！聽你話 係位置問題？定我哋早去？唔駛等位就入得。每張枱都好闊落，好舒適。一坐低，就見侍應放低兩碟嘢... 我們差不多只點牛肉，每款也點了一下。其中有一款牛是比較韌的，但我不記得是哪款牛舌同豬大腸好食，燒過的豬大腸，皮有點脆，內裡軟淋，要翻點 呢款石鍋辛味牛肋肉湯，賣相麻麻，但味道一流啊！ 飲酒嘅朋友，可以每位+$30飲任啤酒！食燒肉飲啤酒，爽YY 呢！最後還每人有一客甜品，大滿足！兩大人兩小童，埋單$973.2

店內環境寬敞舒適， 不用排隊入座。晚市有四款放題供應，用餐時間為兩小時，我和友人選擇了288(+10%)的套餐，可任食牛豬雞和海鮮，還附送長腳蟹一隻，包每人兩杯飲品和一客甜品。員工服務態度不錯，出食物也夠快，有少少失望的是我最期待的牛肉有點韌，但出乎意料地豬頸肉、帶子、三文魚、蒜蓉海老很好吃，海鮮都是以錫紙盒盛上，方便整盒放左爐上銬，而我也喜歡牛五花的juicy，它的脂肪比較高 (縱使很邪惡😈) 。長腳蟹這樣燒我還是第一次，有點乾，但很大隻，很多肉，點醬汁食很入味。飲品附送的選擇只有汽水，其他的要加錢。最後推介的是柚子雪糕，沒有甜漏漏的感覺，清新、重柚子味，惹人回味。很適合情侶、三五知己聊天吃飯的地方