【拍拖中環一日遊】重拾旅行的浪漫!哥德式唯美純白大教堂+少女風水果三文治+神秘天橋打卡點(新假期APP限定) | 香港好去處 | 新假期
【拍拖中環一日遊】重拾旅行的浪漫!哥德式唯美純白大教堂+少女風水果三文治+神秘天橋打卡點|香港好去處(新假期APP限定)
【拍拖中環一日遊】重拾旅行的浪漫!哥德式唯美純白大教堂+少女風水果三文治+神秘天橋打卡點|香港好去處(新假期APP限定)

【拍拖中環一日遊】重拾旅行的浪漫!哥德式唯美純白大教堂+少女風水果三文治+神秘天橋打卡點(新假期APP限定)

【中環一日遊】情侶喺香港拍拖都不外乎行街食飯睇戲,以往都仲可以去旅行影下靚相,但疫情期唔可以外遊,唯有喺香港周圍去啦,記者平時「捐窿捐罅」搵盡香港影相打卡秘點,今次介紹大家中環行返轉,重拾旅行拍拖嘅浪漫,其實香港一樣咁好玩!

撰文:Icy |來源:新假期資料室、IG

【中環拍拖一日遊】
哥德式唯美純白大教堂+少女風水果三文治+神秘天橋打卡點

第一站:Between 過千呎cafe飽覽全大館超人氣水果三文治

週末通常瞓到黃朝百晏,一出門最啱食個Brunch。第一站帶大家去位於中環人氣滿滿嘅Between朝聖,餐廳位於兩樓,有室內及室外座位,依家天氣唔太熱,記者建議可以坐外面,邊飽覽大館景色景觀邊談心,男女朋友嚟拍拖就啱晒,環境仲好寬廣,足足有成千呎!Cafe提供三文治、日式定食、意粉、甜品等,有樣餐點幾乎每枱都會點,就喺人氣水果三文治,有士多啤梨、青提子及無花果味道揀。記者食過士多啤梨三文治,唔只賣相勁「IG able」,味道相當出人意表,麵包軟熟,新鮮士多啤梨夾心加埋忌廉芝士,味道唔會太甜,而且相當飽肚,兩個人點一份用嚟做甜品勁滿足!

士多啤梨三文治 ,賣相夠晒少女心,雖然價錢唔算平,但記者都覺得值得一試!(圖片來源:IG@)
士多啤梨三文治 $68,賣相夠晒少女心,雖然價錢唔算平,但記者都覺得值得一試!(圖片來源:IG@jcpigpigzhu)
坐室外一邊睇風景一邊嘆咖啡寧舍有feel,呢個時候就最啱叫男朋友(女朋友都得)幫手打卡影相~(圖片來源:IG@)
坐室外一邊睇風景一邊歎咖啡特別有feel,呢個時候就最啱叫另一半幫手打卡影相~(圖片來源:[email protected]_wai)
三文治有甜亦有鹹,想食鹹點都可以試下呢款日本雞蛋三文治 。(圖片來源:IG@)
三文治有甜亦有鹹,想食鹹點都可以試下呢款日本雞蛋三文治 $58。(圖片來源:IG@jcpigpigzhu)
蕃茄大蝦櫻花蝦意粉 8。(圖片來源:IG@)
蕃茄大蝦櫻花蝦意粉 $158。(圖片來源:IG@jcpigpigzhu)

第二站:大館 百年古蹟打卡聖地

去完大館入面間cafe,順理成章當然會留喺大館影相打卡,儘管已經開咗好一段時間,環境依然咁值得影相。大館好多熱門位都比人影晒,大家不妨可嘗試利用多啲近鏡,或者搵一啲比較冷門嘅角度影相,咁就唔會咁易就認得出喺大館,有返啲新鮮感。

好似呢張相咁,以大館其中一個水泥牆角落做背景,配搭埋顏色突出嘅衣物,更加可以突顯人物~(圖片來源:IG@)
以大館其中一個水泥牆角落做背景,配搭埋顏色突出嘅衣物,更加可以突顯人物~(圖片來源:[email protected]
喺呢條大館樓梯影相都影到厭,記者建議可以利用樓梯欄杆罅隙去做前景,再以簡單道具襯托,喺咪即刻唔同晒呢~(圖片來源:IG@)
利用樓梯欄杆罅隙去做前景,再以簡單道具襯托,喺咪即刻唔同晒呢~(圖片來源:[email protected]_.photomemory)
唔少人影呢條旋轉樓梯都會就咁企喺到影,但只要花少少心思,用高抄角度影落去,令成條樓梯更具空間感。(圖片來源:IG@)
唔少人影呢條旋轉樓梯都會就咁企喺到影,但只要花少少心思,用高抄角度影落去,令成條樓梯更具空間感。(圖片來源:[email protected]_618)

第三站:聖母無原罪主教座堂 歐洲哥德式唯美風

喺大館影完相都應該意猶未盡,即刻帶你去下一個地點影靚相!正式去下一個地點前,途中會經過呢座聖母無原罪主教堂,喺香港天主教過百年古蹟之一,有一種去咗歐洲嘅錯覺!由中環坐扶手電梯,一直上到過埋SOHO就會到達堅道48號,再落返地面沿堅道向金鐘方向步行約7分鐘,見到動植物公園後再轉右上斜,無耐就會見到呢座極唯美嘅歐式教堂,教堂前有一大片空地,不過影相時候要小心留意教堂前有沒有車輛經過,小心為上,咁就影都影得放心~

難得中環鬧市居然會有座哥德式純白教堂,(圖片來源:IG@viklhm)
難得中環鬧市居然會有座哥德式純白教堂。(圖片來源:[email protected]
影相記得唔好著白色衫,避免同個背景融為一體。(圖片來源:IG@karenvermouthcheung_)
影相記得唔好著白色衫,避免同個背景融為一體。(圖片來源:[email protected]_)
女士們都不妨著返件洋裝,襯托返呢個咁唯美嘅地方。(圖片來源:IG@misscloud852)
女士們都不妨著返件洋裝,襯托返呢個咁唯美嘅地方。(圖片來源:[email protected]

第四站:己利連拿 末世廢墟感隱世天橋

由教堂落返迴旋處再上斜,經過引水道離開小徑,沿路直上就到羅便臣道,上多幾層樓梯就會到達呢條己連拿利天橋,地點咁神秘,真喺相當隱世!中環一向人多擁擠,鬧市中居然都有呢個充滿末世廢墟感嘅打卡地點,不妨帶埋男女朋友逃離人類荒謬。

情侶呢個位影相勁有feel,今次真喺那裡只得我共你~(圖片來源:IG@ljackylau0930)
情侶呢個位影相勁有feel,記者即刻諗起句歌詞:「那裡只得我共你~」(圖片來源:[email protected]
天橋基本上極少人使用,即使車在上面走竟然也不會太嘈吵。(圖片來源:IG@maxhikinghk)
天橋基本上極少人使用,即使有車行緊都唔會太嘈吵。(圖片來源:[email protected]
水泥構造的破落感,吸引不少人士來打卡。(圖片來源:IG@ mingc.b)
水泥構造嘅破落感,吸引唔少人嚟打卡。(圖片來源:[email protected]
在香港較少見的彎型斜上的行人天橋。(圖片來源:IG@winniew_w)
香港比較少見彎型斜上嘅行人天橋。(圖片來源:[email protected]_w)
適當的調色,便成為很有末世廢墟的感覺。(圖片來源:IG@dm.leehw)
適當調色就已經有末世廢墟感。(圖片來源:[email protected]

第五站:La Vache法國情調平價高質扒房 薯條山任食到飽

影完一大堆靚相,天都夜埋,肚仔都喺時候餓喇!難得週末出嚟拍拖,當然要搵間環境舒服有情調嘅西餐廳撐枱腳,好好浪漫一下。位於蘇豪區嘅La Vache,向來以平價優質牛扒薯條套餐見稱,只需 $318就有齊晒前菜、沙津、牛扒及薯條。餐龐燈光偏昏暗,周邊牆身貼滿巴黎景色插畫,背景播放住法國音樂,完全感受到法國浪漫氣息嘅氛圍。牛扒用上肉味油香較平衡、貴價的肉眼,蘸上自家製牛肉醬汁,夠香又夠濃!薯條以牛脂肪炸成,香口好食,仲有得無限refill,小編有個朋友試過去到足足添咗5次,男士都唔驚會食唔飽!最後仲會有店員推住架甜品餐車,各位男士想冧女友就記得要叫返個甜品,絕對會為呢日畫上完美句號。

牛扒
牛扒薯條套餐$338。紅肉夾雜明顯的雪花紋路,入口甘香鬆化。黃色自家芥末醬汁做得Creamy富層次,蘸來吃感覺更油潤。薯條炸得金黃香脆,難怪客人都最少吃2-3碟。(圖片來源:新假期資料室)
店內的布置 Classic,牆上的法國插畫令氛圍變得輕鬆。
周邊牆身貼滿巴黎景色插畫,尤如去左法國鋸扒!(圖片來源:新假期資料室)
牛扒放鐵碟上以燭光保暖,是Entrecote 的一貫做法。
牛扒放鐵碟上以燭光保暖,咁就唔驚食到一半就凍晒,非常貼心。(圖片來源:新假期資料室)
現時套餐還可任食沙律,解膩清新。
現時套餐仲可以任食沙律,女士們唔洗怕肥,一於開餐前食定幾碟菜解膩,罪咎感都無咁大。(圖片來源:新假期資料室)
Raspberry Macaroon 8/件(晚市供應)
紅桑莓馬卡龍 $128。(圖片來源:新假期資料室)
  • 餐廳:La Vache!
  • 地點︰中環蘇豪卑利街48號地舖顯示地圖
  • 電話:2880 0248
  • 營業時間︰星期一至三、日及公眾假期前夕 12:00 – 15:00,18:00 – 23:00;星期四至六 12:00 – 15:00,18:00 – 00:00;公眾假期 12:00 – 15:00,18:00 – 22:00
  • Facebook專頁:La Vache
  • Instagram專頁:@lavachehk
  • 注意事項:
    1)可致電/網上訂座
    2)午餐時段歡迎任何訂座,而晚餐時段訂座只限於5位或以上之客人

撰文:新假期編輯部|圖片來源:新假期資料室、IG

最新吃喝玩樂資訊

Footer