再有港人韓國出道！《On Call 36小時II》童星做泫雅師妹
繼JYP旗下男團 GOT7的「香港仔」Jackson（王嘉爾），又有香港人於韓國出道，今次係KPOP女團成員！今日韓國媒體公佈Cube公司旗下女團CLC將加入兩位新成員，其中一位正是香港童星出身的美少女 Elkie（莊錠欣）！Elkie的幕前演出十分豐富，相信唔少朋友都覺得呢位1998年出生的小妹妹「熟口熟面」！
影片來源Youtube，如遭刪除請見諒。
雖然Elkie年僅17歲，但演出經驗厚過本電話簿！Elkie曾經以少女組合Honey bees成員「出道」，Honey bees係家燕媽媽藝術中心旗下的組合，幾年前亦唱過兒歌《HONEY》，唔知Elkie有無向家燕媽媽學過招牌十字步呢？
唔止唱得跳得，Elkie更拍過多部TVB劇集，包括《怒火街頭》、《法網狙擊》、《仁心解碼》等，難怪總覺得此小妹妹「熟口熟面」！當中最為人熟悉的莫過於《On Call 36小時II》中飾演吳啟華患有心臟病的女兒孫希欣一角，劇中與多位好戲之人好似楊怡、黃智雯等有過對手戲，亦不時展示歌喉。
Cube旗下的藝人包括有泫雅坐陣的女團4Minute、人氣男團Beast、BtoB等，而CLC即將於月底推出新專輯，唔知Elkie可否為CLC帶來一番新景象？小編在此祝福Elkie可以成為香港之光！
來源：Allkpop
其他熱話
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【免費試用🎁】RMK全新底妝系列！↓
↓全新原生光感隔離霜 x 零瑕絲絹粉底液↓
