20220424【8分鐘化學:抗衰老(2) 凍年齡 NMN】 5. 【NMN真係咁強?其實個主角係 NAD+】 a. NMN (β-煙醯胺單核苷酸、菸醯胺單核苷酸、Nicotinamide MonoNucleotide、β-NMN、圖1) 補充劑近年好出名,好多NMN補充劑都話可以: (i) 支持健康大腦功能 (ii) 修復 DNA (iii) 抗衰老 (iv) 增加能量 (v) 改善新陳代謝 b. 其實個真正主角係【NAD+】(煙醯胺腺嘌呤二核苷酸、菸鹼醯胺腺嘌呤二核苷酸 Nicotinamide Adenine Dinucleotide、圖2)。NAD+ 係身體 【redox reaction 氧化還原反應】最重要嘅分子 (圖3),將食物 (還原劑)變二氧化碳、水同能量。冇咗 NAD+ 就冇 ATP (供應細胞能量嘅分子,見上篇) (圖4)!NAD+ 亦幫 Sirtuin (一種修補DNA嘅酶)工作修補受損嘅DNA。 c. 【NAD+ 細胞嘅份量隨著年紀大而下降】真正原因未完全清楚,可能係一種叫CD38 嘅酶分解咗NAD+。 d. NMN 係 NAD+(煙醯胺腺嘌呤二核苷酸)嘅【前體 precursor】。適當補充NMN,真係可以抗衰老㗎! 6. 【食物冇NMN咩?】NMN 係毛豆、西蘭花、捲心菜、黃瓜、牛油果、番茄等少少(每100g 有0.25-1.9 mg NMN)。生牛肉同蝦都有極少(每100g中含有0.06-0.4mg)。身體吸收 NMN 話者佢嘅兄弟 【NR、煙醯胺核糖、Nicotinamide Riboside、圖5】 都可以製造 NAD+。隨著年紀大NAD+ 消耗得快、食物補充得慢,咁就可以考慮食 NMN 補充劑。【K仔自己都有食 NMN】 7. 【點解我哋唔可以就咁食 NAD+ 補充劑?】NAD+ 個分子太大粒,唔係咁易進入細胞。可能食咗十個分子 NAD+ 都唔夠一粒吸收到!所以一定要以補充細粒嘅分子(好似 NMN 或者 NR) 進入細胞,先可以吸收利用。所以你見到市面上唔係太多 NAD+ 嘅補充劑。由於 NR 要喺低溫先至穩定。市面上嘅NAD+補充劑都主要補充 NMN。 8. 【NMN 點樣可以抗衰老?】細胞內當發生: a. DNA或RNA損傷 (嘧啶二聚體化)、 b. 不飽和脂肪酸的嘅氧化(脂質過氧化)、 c. 蛋白質內氨基酸嘅氧化、 d. 輔因子嘅氧化導致特定酶被氧化而失去活性; 身體都有修補機制去處理。例如:【去乙酰化酶 6】sirtuin 6 會對處理衰老相關嘅多種分子途徑中發揮作用:包括 DNA 修復、telomere maintenance 端粒維修、glycolysis 糖酵解、inflammation 炎症。 而與 sirtuin 共同發揮作用就係可以由NMN製造嘅 NAD+!呢個就係【補充 NMN 可以抗衰老嘅主要原因】 (原文:Sirtuin 與 NAD+ 共舞抗衰老! https://www.nature.com/articles/npjamd201617 Nature 係國際級嘅科學期刊) 9. 【吸收 NMN 可以改變D乜?】首先日本研究過一次吸收500mg NMN唔會構成毒性。隨著年紀大而NAD下降係導致疾病同殘障嘅主要原因。如喪失視力、聽覺下降、,認知、運動功能下降、免疫缺陷、發炎(如關節炎)、代谢障碍、心血管疾病都有可能因為補充 NMN 提高了體内NAD+含量,得以改善。最終可以延遲、改善、防止衰老相關嘅疾病、代謝失調等等。如果想搵更多資料可以去: https://www.nmn.com/nmn-benefits-side-effects-dosage 上篇:https://www.facebook.com/11383432157/posts/10159792500452158/ 下篇:【8分鐘化學:抗衰老(3) 超強抗氧化劑蝦青素】